Uellos Negros

Uellos Negros
Municipio d'Aragón
Molín de Uellos Negros.
Entidat  • País  • Provincia  • Comarca	Municipio Aragón  Teruel Xiloca (comarca)
Superficie	90,71 km²
Población  • Total	489 hab. (2010)
Altaria	1.151 m.
Distancia  • 72 km	enta Teruel
Codigo postal	44313
Coordenatas	40°44’20’’N 1°29’56’’U
Uellos Negros Situación de Uellos Negros en Aragón

Uellos Negros (Ojos Negros en castellán) ye un municipio d'a provincia de Teruel (Aragón), situato en a comarca d'o Xiloca y partito chudicial de Calamocha.

A suya población ye de 510 habitants (2009), en una superficie de 90,71 km² y una densidat de población de 5,62 hab/km².

Cheografía

Ye situato en a costera norte d'a Sierra Menera. Tien chacimientos de fierro en unas piedras calsineras d'edat silurica on se concentró o fierro.

Mugas

O suyo termin muga con Setiles, El Pedregal, Pozuel, Mont-reyal, Villafranca y Villar del Salz.

Historia

Bi ha poblatos celtibers relacionatos con l'aproveitamiento d'o fierro d'a zona.

Seguntes Agustín Ubieto Arteta, a primera cita d'o lugar ye en 1294, recollita en a obra de Toribio del Campillo Documentos históricos de Daroca y su Comunidad (Zaragoza, 1915). Este autor no teneba conoixencia que Uellos Negros ye nombrato en "Rationes decimarum Hispaniae (1279-80): Aragón y Navarra", on bi n'ha citas por o menos catorce anyatas més antigas.

En 1903 se costruyó a via ferria entre iste lugar y o puerto de Murviedro (on dimpués serían os Altos Fornos de Murviedro), estando o ferrocarril privato con recorrido más largo d'Europa.

En 1987 desapareixió l'actividat industrial en os Altos Fornos de Murviedro y cerroron as menas.

Toponimia

A forma en aragonesa y mozarabe d'este toponimo ye Uellos Negros, y la trobamos en "Rationes decimarum Hispaniae (1279-80): Aragón y Navarra":

Item rectore de Vuellos Negros, nichil quia exemplus est.

Bi n'ha dos zitas aproximativas que se pueden interpretar como Uellos Negros:

• A primera ye a forma Ollosnigros, d'un texto de 1205 adhibito en o Libro vermello de l'Archivo Colechial de Daroca. En ixe texto o bispe de Zaragoza Remón de Castrocol adchudica as decimas y primicias de cada lugar a cadaguna d'as ilesias de Daroca. A trascripción que en fa l'archiver Agustín Gil Domingo ye Ollonigres, pero en ixa transcripción tamién bi ha traduccions a lo castellán y probables errors tipograficos. Tamién n'ixe texto trascrito por dos autors bi ha muitos nombres latinizatos y sin de diftongo romance: Cobas, Corbo, Ferrerola, Fontesclaras, Cerberolla, Laguerola, Sarcolla, Villanova, por o que ye fácil que a forma Ollosnigros, que presenta trazas latinas en nigres, podió tener diftongo -ue-, y representar una forma tipo Uellos negros.

Clerici et ecclesia Sancti Dominici habent Allueva, Fuentfrida, Losella, Bea, Noros, Pardellos, Corberola, Vello, Castelpedrés, Losella, Gallocanta, Ollosnigros, Pozuel.

• A segunda ye d'un texto meyeval de 1284 relativo a lo Sitio d'Albarrazín s'escribe Huylos Negros. Quan bells ombres de Chuan Núñez entroron en o lugar y se levoron un botín de bestiar y atras cosas ta Perazens.

Alcaido de Pierafelz o eis locum tenenti. Avemus entendido que almugavares e homines de don Johan Nunnez corrieron a Huylos Negros e en alcunos otros lugares nuestros e levaronse ganados

An a mayor parte d'os textos meyevals s'escribe Oios Negros, Ojos Negros, Oxos Negros, etc...que s'han d'interpretar dende a grafia aragonesa y navarra como "Ochos Negros". Agustín Ubieto Arteta unicament conoixe as formas Ojos Negros y Oyos Negros.

Ye probable que a forma "Uellos Negros" se perdese pronto a causa d'estar en a muga con Castiella, reino que teneba una mayor tradición de fer servir por escrito o suyo romance escrito y on enantes se creyó un standard que influyó en a traza d'escribir en Aragón. D'esta traza o standard escrito en Aragón (dito scripta aragonesa) imitaba trazas castellanas y evitaba ciertos rasgos aragoneses, que yeran consideratos vulgarismos y remataban cayendo en desuso. Por atra parte as comunidatz aragonesas recibiban un fluixo d'inmigración castellana.

Administración

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	José Antonio García Rubio	Partido de los Socialistas de Aragón

Demografía

Evolución demografica

2003 2004 2005 2006 2007 2008 2009 2010 - - 531 - - - 514 510 - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Molimentos

• Castiello de Uellos Negros, d'o sieglo XIV con planta ovalata y tres torres.

Fiestas

• 23 y 26 d'agosto.

Bibliografía

• Agustín Gil Domingo. La historia de Calamocha a través de la Historia (I). Xiloca 30.[1]
• Luis Alberto Majarena Gonzalvo. El Libro Bermejo del Archivo Colegial de Daroca. Centro de Estudios Darocenses. Colección Documentos para la Historia de Daroca y su Comunidad. 1989.
• Martín Almagro Basch, Jacinto Bosch Vilá: Historia de Albarracín y su sierra. Tomo IV. El Señorío de Albarracín bajo la Casa de Lara. Instituto de Estudios Turolenses, 1964.

Vinclos externos

• www.OjosNegros.net

Veyer tamién

• Lista de municipios de Teruel.