Berrueco

De Biquipedia
Ir ta: navego, busca
Berrueco
Municipio d'Aragón
Bandera Escudo d'armas
Anvista cheneral de Berrueco dichós una cuesta de quarcita que se desfa en catens y tormos que dan nombre a lo lugar.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Campo de Daroca
Superficie 19,5 km²
Población
 • Total

42 hab. (2012)
Altaria 1098 m.
Distancia
 • 107 km

enta Zaragoza
Codigo postal 50373
Coordenatas 40°59’27’’N 1°28’ 1’’U
Berrueco en Aragón
Berrueco
Berrueco
Situación de Berrueco en Aragón

Berrueco ye un municipio aragonés de lo Campo de Daroca (Zaragoza). La suya población yera de 45 habitants en 2011, en una superficie de 19,5 km² y con una densidat de población de 2,21 hab./km².

Cheografía[editar | editar código]

Ye situato en una suau costera entre la lacuna de Gallocanta y un cabezo on trobamos las torres de l'antigo Castil de Berrueco u Castelpedrés.

Toponimia[editar | editar código]

Lo primer nombre que tenió estió Castiel Pedrés/Castel Pedrés/Castil Pedrés, toponimo que cambió ta Castel Berrueco/Castil Berrueco en lo sieglo XV, pa simplificar-se en Berrueco en lo sieglo XVII.

La primera mención d'este lugar ye en lo texto d'adchudicación de decimas y primicias de 1205 por part de Remón de Castrocol y figura como Castielpedres u Castelpedres. Dica 1414 en totz los textos medievals figura con variants d'estos toponimos. Por eixemplo en lo "libro de la manifestación d'el Morabetín de las aldeyas de la Comunidat de Daroca" (1373) s'escribe Castiel Pedrés.

En castellán medieval la sal petrés yera a sal chema y presenta sufixo -és,[1] sufixo que deriva de lo latín -ENSIS, y ye indicador de chentilicios y habitadors de diferents medios. Por eixemplo LUTENSIS significa "que habita lo buro", PISCINENSIS significa "piscinero". Pedrés se puet interpretar a partir d'o latín PETRENSIS ("que ye en a piedra", "que habita en a piedra"). En conseqüencia Castiel Pedrés significaría qualquecosa como "castiello en las piedras", "castiello en la rocalla", "castiello en lo tormagal".

En 1442 ya figura como Castilberueco, en un documento que reculle un conflicto entre Daroca y las suyas aldeyas. En 1454 dos documentos recullius por un notario darocano contrimuestran que Castilberrueco corresponde a l'anterior Castilpedrés:

dicto nomine confietor habisse et recepisse a vobis discreto Johannis de Deça, rectoris eclesie loci Castillberrequo vel \vocati/ loci Castillpedres
honorabilis Johannis de Deça, eius filii, rectoris eclesie loci Castilpedres seu loci de Castilberrueco.

Quan se constituye a Sobrecullida de Daroca lo nombre ye Castelberrueco. En lo fogache de 1495 s'escribe Castelberrueco. En lo libro de João Batista Labanha Itinerario del Reyno de Aragón (1610-1611) s'escribe Castelberrueco, pero se sinyala en lo mapa como Berrueco. Seguntes Antonio Ubieto Arteta esta localidat se diz Castelberrueco dica 1646 y simplament Berrueco dende 1713.

L'apelativo toponimico berrueco fa referencia a la traza en que la meteorización fisica afecta las quarcitas de lo suyo termin en forma de catens u tormos, dependendo de la mida, de formas poligonals de forma pareixita a los caos graniticos, (que en castellán se dicen precisament Berrocales). "Berrueco" y "berrocal" son palabras usatas en luengas ibero-romances y que se consideran d'orichen celta.

En la microtoponimia tenemos lo toponimo Los poyatos, nombre d'una partita en lo norte de lo termin.

Demografía[editar | editar código]

Evolución demografica
2003 2004 2005 2006 2007 2008 2009 2010 2011
- 43 - - - - - - -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido de los Socialistas de Aragón 1
Total 1

Fiestas[editar | editar código]

Bibliografía[editar | editar código]

  • (es) Agustín Gil Domingo: La historia de Calamocha a través de la Historia (I). Xiloca 30.[1]
  • (la) (an) (es) Luis Alberto Majarena Gonzalvo: El libro bermejo del archivo colegial de Daroca. Centro de Estudios Darocenses. Colección Documentos para la Historia de Daroca y su Comunidad. 1989.
  • (es) David Pardillos Martín: Berrueco (Castilpedrés/Castilberrueco) en la Baja Edad Media: datos para su historia, en Studium: Revista de humanidades, Nº 14, 2008, pags. 147-179.

Referencias[editar | editar código]

  1. *(es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002 ISBN 8424923391, 9788424923396.

Enrastres externos[editar | editar código]


 
Municipios d'a comarca d'o Campo de Daroca
L'Aldeyuela de Tiestos | Anento | Atea | Aceret | Baduls | Berrueco | Cerveruela | Cubel | Las Cuerlas | Daroca | Ferrera de los Navarros | Forcallo | Fuent Buena | Fuset | Gallocanta | Langa | Lechón | Lueixma | Mainar | Manchons | Murero | Nombrevilla | Retascón | Romanos | Santet | Torralba de los Fraires | Torralbiella | Val Conchán | Val de Forna | Val de Sant Martín | Villadolz | Villanueva de Xiloca | Villar de los Navarros | Villa-reyal de la Uerva | Villarroya