Diftongación debant de Yod

Yod ye un sonito palatal dito asinas por a pronunciación d'a letra ebreya "yod" y que influye en a evolución d'as palabras latinas enta as lenguas romances. L'orichen d'este sonito ye variato.

Os romances navarro-aragonés y asturleyonés diftongan as vocals curtas latinas O y E porque yeran más ubiertas, y tamién diftongan debant de Yod. O mozarabe central y de bellas rechions como a val de l'Ebro tamién diftongaba debant de YOD.

O castellán y bel dialecto suritaliano no diftongan debant de Yod encara que diftonguen as vocals curtas latinas O y E en totz os atros casos.

O francés meyeval diftongaba a vocal O debant de Yod, y saliban triftongos que en francés actual son reducitos a ui. (Nueit > nuit).

Trobamos estas mesmas formas en catalán meyeval: huit, nuit, hui. Y existe a hipotesi seguntes a qual o catalán meyeval diftongaba debant de yod, manimenos no ye documentato.

I derivata de DY, TY

• HODIE > HOYE > huei
• PODIUM > POYO > pueyo

I deribata de K en o grupo latín -KT-

• OCTU > ueito
• NOCTE > nueit > nuei

LL derivata d'os grupos -C'L-, -G'L-, -T'L-, -LY- latins

• OCULU > OLLO > uello
• FOLIA > FOLLA > fuella
• LOLIUM > LOLLO > luello
• ROTULUM > ROLLO > ruello

N debant de I

• TENIO > tiengo
• VENIO > viengo

Veyer tamién

• Diftongación debant de Yod en l'aragonés