Cosculluela de Sobrarbe

De Biquipedia
Ir ta: navego, busca
Iste articlo tracta sobre Cosculluela de Sobrarbe. Ta altros usos d'o toponimo «Cosculluela» se veiga Cosculluela (desambigación).
Cosculluela de Sobrarbe
Localidat d'Aragón
022.Cosculluela de Sobrarbe.JPG
Cosculluela.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
l'Aínsa-Sobrarbe
Población
 • Total

43 hab. (2010)
Altaria 601 m.
Distancia
 • 104 km
 • 7 km

enta Uesca
enta l'Aínsa
Codigo postal 22395
Patrons Santa María d'as Nieus
Parroquial
 • Diocesi
 •Arciprestato

Balbastro-Monzón
Sobrarbe
Ríos Cinca
Cosculluela de Sobrarbe en Aragón
Cosculluela de Sobrarbe
Cosculluela de Sobrarbe
Situación de Cosculluela de Sobrarbe en Aragón

Cosculluela de Sobrarbe (/kosku'ʎwela/~/kosku'ʎwæla/; oficialment, en castellano, «Coscojuela de Sobrarbe»[1]) ye un lugar aragonés d'o municipio de l'Aínsa-Sobrarbe, en a comarca de Sobrarbe y a provincia de Uesca. A suya población ye de 43 habitants (2010[1]).

Cosculluela estió capital d'o municipio homonimo, que constituiba en chunto con a suya aldeya Plampalacios, o lugar de Moriello de Tou y o despoblau de Tou. Cosculluela y os lugars que enantes heban feito parte d'o municipio s'integrón en o municipio de l'Aínsa en a decada de 1960.[2]

Cheografía[editar | editar código]

O casar de Cosculluela ye en o cantimplano que corona un recuesto de o tozal que en a redolada se conoix, intuitivament, como «de Cosculluela». O dito tozal encara s'enfila dica un poquet más d'altaria por alto de Cosculluela por o costau oriental de a población, y, con menor altaria, tamién por o nort-occidental, por o que Cosculluela queda asentada como en una colladeta d'entre as dos alturas de o monte.

Por a suya posición, Cosculluela puede cosirar a cuenca d'o barranco de Plampalacios, que esnaviesa por debaixo d'as garras de a man occidental d'o tozal, por d'entre o lugar y Camporretuno, dica que va a desauguar-se en o pantano de Mediano en os arredols de Plampalacios. Tamién tiene parcialment buena envista sobre a valle d'a Cinca por en norte y en sud, pus por l'este le'n tapa o tozal.

S'accede ta lugar por un doble camal (con dos oríchens) d'a carretera A-138, que s'esbarran de a carretera principal y s'enfilan t'alto dica a on ye Cosculluela, a on que i confluye os dos trazaus.

Estructura urbana[editar | editar código]

A estructura urbana de Cosculluela ye simple, con una sola carrera que la recorre de cabo ta l'altro, y que aproximadament en a metat de a suya lonchitut i tiene a plaza, con a destacable ilesia de Sant Martín, d'o sieglo XIII[3] y campanal d'o XVI. En o cabo d'alto de lugar i ha una ermita d'o sieglo XVI consagrada a l'advocación de Sant Pelai.

Bellas casas en o nuclio se troban encara en l'actualidat en periglo d'espaldar-se, y belaltras han caido como conseqüencia d'as anyadas de despoblación. Manimenos, a mayoría s'han restaurau ta que se podese tornar a habitar-las. I existe qualqunas que s'adedican ta torismo rural.

Un blasón en a frontera d'una casa.

O numero orichinal de casas que i heba yera de trenta y tres, y os suyos nombres, que en l'actualidat se puede trobar-los en un cartel informativo a'l costau de a ilesia, incluyen apellidos d'oríchens diversas: aragoneses, a mayoría, d'entre os habituals en a comarca de Sobrarbe (casa Sasé, casa Campo, casa Garcés, etc.) belaltros apellidos catalans (casa Capdevila, casa Llop), bell apellido vasco (casa Uriondo), uns quantos freqüents en Espanya y en Francia (casa López, casa Sánchez, «Maison Du Lac» -casa d'o pantano-) y dica una que ha nombre en holandés (casa Van Cooten). Istes zaguers corresponden con casas rebaptizadas por os suyos amos actuals, qualquns plegaus de fuera d'Espanya, y han alterau a tradición nominal d'as casas de Cosculluela.

D'entre as casas que guardan os nombres antigos, se destingue casa o Quartel y l'abadía, por estar descriptivos d'as suyas funcions. Belaltras portan antroponimos (beluns, fosilizaus) d'amos d'antigos que habión de tener: casa Chuste, casa Pasquala, casa Catalina, etc. Bellas altras, con as embotadas d'os suyos amos: Casa Soro, casa Romeu... u con as suyas profesions: «casa l'herrero».

Municipio[editar | editar código]

O municipio de Cosculluela existió dica que, en a decada de 1960,[2] a construcción en o pantano de Mediano causó que s'expropiase as casas y as tierras de Plampalacios y de Moriello, tot quedando os dos deshabitaus. A despoblación parcial de Cosculluela, quan as compuertas d'o pantano se cerrón en 1969 y buena cosa d'as tierras que culturaban os vecins de Cosculluela y que no s'heba expropiadas s'inundasen, forzó que buena cosa d'a suya población en hese d'emigrar. O municipio desapareixió absorvido por o municipio de l'Aínsa, que actualment se diz l'Aínsa-Sobrarbe.

Toponimia[editar | editar código]

Unaltra envista d'o nuclio.

O nombre de Cosculluela de Sobrarbe, lur etimolochía se remonta a la vechetación de coscollos,[4] se siente más a sobén en a comarca como «Cosculluela», y a forma formal con apellido «de Sobrarbe» no se fa servir practicament. Ixe tipo de complementos, en toponimos, tienen oríchens en a nomenclatura oficial que precisa diferenciar as diferents poblacions que en una rechión u en l'Estau compartan o suyo nombre principal.

Significativament, tampoco no ye guaire freqüent, nian en l'actualidat, que se refieran a Cosculluela con a forma castellana oficial «Coscojuela». Se tracta, como tamién pasa con Chistén y belaltros (pocos) nuclios, d'un d'os pocos toponimos de o Sobrarbe en os que a forma oficial castellana no ha gosau desplazar a denominación aragonesa tradicional en a parla popular.

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 32 28 28
2003 2004 2005 2006 2007 2008 2009 2010 2011
39 36 45 46 45 45 46 43 -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens[editar | editar código]

Fiestas[editar | editar código]

Referencias[editar | editar código]

Vinclos externos[editar | editar código]


Lugars d'o municipio de l'Aínsa-Sobrarbe
L'Aínsa | l'Arcusa | Arro | Bagüeste | Banastón | As Bellostas | Buil | Bruello | Camporretuno | A Capana | Castellaz | Castillón de Sobrarbe | Chabierre d'o Elsón | Cherbe | Coroniellas | O Coscollar | Cosculluela de Sobrarbe | O Elsón | La Escapa | Frontinyán | Gabardiella | Griébal | Guaso | A Lecina | Liners | Mesón de Cosculluela | Mondot | Moriello de Tou | A Pardina | Pauls de Sasa | Pelegrín | Plampalacios | Puivalleta | La Ripa | Os Rials | O Sarrastanyo | Sarratiars | Sarratiello | O Sarrato | Sasa de Surta | A Torre | A Torriciella | Tou | Usana