Camporretuno

De Biquipedia
Ir ta: navego, busca
Camporretuno
Localidat d'Aragón
015.Camporrotuno 01.JPG
Camporretuno.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
L'Aínsa-Sobrarbe
Población
 • Total

23 hab. (2010)
Altaria 579 m.
Distancia
 • 101 km
 • 9 km

enta Uesca
enta L'Aínsa
Codigo postal 22330
Patrons Sant Lorient
Parroquial
 • Diocesi
 •Arciprestato
 • Parroquia

Uesca
Semontano y Sobrarbe
Abiego
Ríos Cinca
Camporretuno en Aragón
Camporretuno
Camporretuno
Situación de Camporretuno en Aragón

Camporretuno[1][2] u Camparretuno[3] (oficialment, en castellano, «Camporrotuno»[4]) ye un lugar aragonés d'o municipio de l'Aínsa-Sobrarbe, en a provincia de Uesca y comarca d'o Sobrarbe. A suya población ye de 23 habitants (2010[4]).

Camporretuno estió capital d'un municipio que heba nombre «Camparrutano»,[5] desapareixido en 1845 en fusionar-se l'achuntamiento con o d'o municipio de Castillón de Sobrarbe.[5] Dende os anyos 1960, Camporretuno y os lugars de l'antigo municipio de Castillón se troban incorporaus en o municipio de l'Aínsa,[6] dende 1981 l'Aínsa-Sobrarbe.

Cheografía[editar | editar código]

O casar de Camporretuno se troba a 579 metros sobre o nivel d'a mar, en un cerret chicolón de baixants suaves, con una espuenda discreta en a esquerna. S'arriba ta lugar por a carretera A-138 en o trampo Balbastro-l'Aínsa, que pasa a menos de 50 metros d'as zagueras casas.

Camporretuno ye rodeyau de fincas de cultura, en as baixants d'a sierra de Camporretuno que miran t'a valle d'a Cinca. Se troba, por tanto, integrau en a dita valle y deseparau por a dita formación de o soaso de Buil, en l'altra man d'o sarrato, y d'a valle d'o río Susía, en a qual se troba l'antiga capital municipal, Castillón de Sobrarbe, y belaltros nuclios como son Elsón, Lamata, A Torre, A Pardina u Mondot.

Destribución urbana[editar | editar código]

O nuclio antigo de Camporretuno el forman una plaza redonda, parcialment obierta cara a'l campo por o sud, y unaltra plaza rectangular, bells metros más t'alto, en a que se troba la ilesia. As dos plazas se comunican con una sola carrera que va dende la una dica l'altra, y arredol d'a qual i ha todas as casas más antigas.

A ilesia parroquial, consagrada a l'advocación de Sant Lorient (patrón d'o lugar[5]), tiene una lera picada con a calendada de 1725, anque o cuerpo d'a construcción se data en o sieglo XVII.[7]

Tamién destaca en Camporretuno a casa Cambra, igualment d'o sieglo XVII.[5][7]

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 22 23 23
2003 2004 2005 2006 2007 2008 2009 2010 2011
26 26 26 26 26 27 24 23 -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Toponimia[editar | editar código]

Casa Cambra (s. XVII).

O nombre de Camporretuno s'ha documentau con diferents formas patrimonials, aragonesas, anque en l'actualidat o toponimo oficial ye en castellano.

A forma «Camparretuno» la documentó o filologo Chabier Tomás en os anyos 1990, en o marco d'o suyo estudeo sobre l'aragonés d'o Viello Sobrarbe. Tomás afirmaba en o suyo libro que la heba recullido siempre «sin vacilacions en garra vocal»,[3] y que totz os enqüestaus la identificaban, de forma inequivoca, como «a forma patrimonial».[3] Manimenos, ixa afirmación contrasta con a prolificidat de a forma «Camporretuno», que apareix en documentos escritos dende, lo menos, l'anyo 1549,[1] y que encara en l'actualidat se siente con facilidat por a comarca.

Todas as diferents formas documentadas ta lo nombre de Camporretuno dimanan d'o latín vulgar <*CAMPU ROTUNDU,[3][8] que significa, literalment, «campo redondo» u «campo circular».

En o suyo significau y etimolochía, ye corradical con belaltros toponimos d'Aragón, como Camporredondo (en a comarca d'a Plana de Uesca), pero con caracters morfolochicos más arcaicos, como a simplificación d'o grupo consonantico -ND- en -N-, y a conservación d'a -T- intervocalica. Tamién son corradicals con iste toponimo os diferents Camporredondos que existe en Castiella, y o municipio catalán de Camprodon, en Chirona.

Fiestas[editar | editar código]

A ilesia parroquial de Camporretuno.

Referencias[editar | editar código]

  1. 1,0 1,1 (es) Revista "El Gurrión". Nº 119 (frebero de 2009). Consultada o 4 de mayo de 2011.
  2. (an) Fuellas d'informazión d'o Consello d'a Fabla, Nº 197 (mayo-chunio de 2010). Consultada o 4 de mayo de 2011.
  3. 3,0 3,1 3,2 3,3 (es) TOMÁS ARIAS, Chabier. El aragonés de Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
  4. 4,0 4,1 (es) «Camporrotuno» en a subpachina «Relación de unidades poblacionales» d'o Insituto Nacional de Estadística; consultada o 4 de mayo de 2011.
  5. 5,0 5,1 5,2 5,3 5,4 (es)(ca)(en)(fr) www.Camporrotuno.com; consultada o 4 de mayo de 2011.
  6. (es) «Castejón de Sobrarbe» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 4 de mayo de 2011
  7. 7,0 7,1 (es) «Camporrotuno» en a web VilladeAínsa.com; consultada o 4 de mayo de 2011.
  8. (es) Índice de pueblos del Alto Aragón, el orígen de sus nombres. Por Manuel Benito Moliner. Consultau o 4 de mayo de 2011.
  9. 9,0 9,1 9,2 (es) «Calendario festivo» en a pachina oficial d'a Comarca de Sobrarbe; consultada o 4 de mayo de 2011.

Vinclos externos[editar | editar código]


Lugars d'o municipio de l'Aínsa-Sobrarbe
L'Aínsa | l'Arcusa | Arro | Bagüeste | Banastón | As Bellostas | Buil | Bruello | Camporretuno | A Capana | Castellaz | Castillón de Sobrarbe | Chabierre d'o Elsón | Cherbe | Coroniellas | O Coscollar | Cosculluela de Sobrarbe | O Elsón | La Escapa | Frontinyán | Gabardiella | Griébal | Guaso | A Lecina | Liners | Mesón de Cosculluela | Mondot | Moriello de Tou | A Pardina | Pauls de Sasa | Pelegrín | Plampalacios | Puivalleta | La Ripa | Os Rials | O Sarrastanyo | Sarratiars | Sarratiello | O Sarrato | Sasa de Surta | A Torre | A Torriciella | Tou | Usana