O Elsón

De Biquipedia
Ir ta: navego, busca
Iste articlo tracta sobre o lugar d'o Elsón. Ta atros articlos que contienen «o Elsón» en ista Biquipedia, se veiga O Elsón (desambigación).
O Elsón
Localidat d'Aragón
275.Olsón.JPG
As casas d'o Elsón, en a boira.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
l'Aínsa-Sobrarbe
Población
 • Total

23 hab. (2010)
Altaria 686 m.
Distancia
 • 95 km
 • 27,7 km

enta Uesca
enta l'Aínsa
Codigo postal 22394
Chentilicio elsonés/-sa
Fiestas 10 d'aviento
Patrons Santa Olaria de Mérida
Parroquial
 • Diocesi
 •Arciprestato

Uesca
Semontano y Sobrarbe
Ríos Susía
O Elsón en Aragón
O Elsón
O Elsón
Situación d'O Elsón en Aragón

O Elsón (prenunciau /ol'son/, anque tamién ye freqüent sentir o nombre sin l'articlo, y alavetz o prenuncian /el'son/;[1] oficialment, en castellano, «Olsón»[2]) ye un lugar aragonés d'o municipio de l'Aínsa-Sobrarbe, en a comarca d'o Sobrarbe y a provincia de Uesca. A suya población ye de 23 habitants (2010[2]).

O Elsón fue capital d'un municipio que tamién se diciba o Elsón, present en os censos dende a constitución d'os achuntamientos modernos en 1834 dica la suya absorción en o municipio d'Alto Sobrarbe en a decada de 1960.[3] O municipio se formaba con as localidatz d'o Elsón y dos aldeyas: Mondot y Chabierre d'o Elsón.

Cheografía[editar | editar código]

O Elsón ye a 686 metros d'altaria sobre o nivel d'a mar, en as estribacions de a sierra de Sant Benedet por a man de a valle d'o río Susía. Fa parte, en chunto con as suyas aldeyas Mondot y Chabierre y con a resta de nuclios d'a valle (Castillón, Lamata, etc.) de a subcomarca que se'n diz o Viello Sobrarbe, que s'extiende d'entre o centro-sud y o sud-sudueste de a comarca de Sobrarbe.

A mayoría de casas d'o Elsón se troban en alto, por a baixant sud-sudueste d'un tozal que sinyorea la ilesia de Santa Olaria, que ye a zaguer altura de o sarrato que en dicen d'o Elsón, que desepara por una man a valleta d'o barranco de Sant Chils, y por l'atra o barranco Solano.

O nuclio d'o Elsón no tiene una estructura urbana compacta. Forman a población dos vicos prencipals. La uno, dito vico d'Abaixo, se troba debaixo de o tozal a on s'envista en l'altura a ilesia, arredol d'una fuent natural que dimana de a penya. L'atro, o vico d'Alto u vico d'a Ilesia, o forman as casas deseparadas arredol de dos carreras que divierchen en formando una Y dende una placeta, que en dicen a Plaza d'Abaixo u Plaza Baixa, que ye a on remata la pista d'acceso a lugar, y se i puede puyar chusto por a man cuentra de o tozal de por a on que s'accede a lo vico d'Abaixo.

As dos carreras se deseparan tot enfilando-se, cadaguna, en dirección a os dos cerretz que dominan a población, pus ista se troba en o grau d'entre os dos. As casas d'o vico d'Alto se consideran dos vicos diferents (tres si se considera o vico d'a Fuent, que son qualques casas deseparadas a on remata la carrera d'o sudeste), y cadaguna tiene a suya propia plaza, anque si se cuenta con a distancia y diferenciación que tiene o dito vico d'Abaixo millor valdría parlar de dos subvicos que de vicos diferents.

A ilesia d'o Elsón se puede veyer dende buena cosa d'a redolada, como en ista imáchen feita en Mondot.

En a carrera que marcha camín ta'l sudeste, o vico d'a Plaza d'Abaixo, se troba l'edificio que fizo de casa d'a Villa quan o Elsón teneba achuntamiento. Existen casas nobles en os tres subvicos de o vico d'Alto.

Historia[editar | editar código]

Como en muitas poblacions pasa, se tiene as primeras noticias d'existencia d'o Elsón relacionadas con o suyo castiello. Se troba documentau en o sieglo XI baixo reinau de Remiro I[4] con os nombres de «lo Elson» y «Eleson» y se'n tiene conoixencia d'os tinents que tuvo dica las zaguerías d'o sieglo XII (en 1182 muere o suyo tinent Pero de Sant Vicente[4]).

En o sieglo XVI o Elsón yera un lugar con numerosos infanzons, y d'alcuerdo con os testimonios arquitectonicos que mos n'ha quedau, como a suya portentosa ilesia, teneba prou riqueza.[5] En 1626 acuden ta Balbastro tres infanzons de a localidat, Sinyó Miguel Blanc,[6] Sr. Cosme de Mata[6] y Sr. Chuan Miguel,[6] que arriban a las Cortz convocadas en un grupo que vienen totz de Sobrarbe.

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 24 29 28
2003 2004 2005 2006 2007 2008 2009 2010 2011
28 25 26 26 25 24 24 23 -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Monimentos[editar | editar código]

A ilesia de Santa Olaira (s. XVI), conoixida popularment como a «Catedral de Sobrarbe».[7][8]

O monimento prencipal en o Elsón ye a suya ilesia. A ilesia de Santa Olaria, que en buena cosa de Sobrarbe se conoix como a «Catedral de Sobrarbe»[7][8] por a suya monumentalidat, ye un templo de grans dimensions debantau en estilo barroco[8] en o sieglo XVI y firmau por Chuan Tellet en 1546,[8] mayestro d'obras tamién en a ilesia de l'Asumpción de Castillón de Sobrarbe.

A ilesia, que ye declarada Bien d'Intrés Cultural (codigo SIPCA 7-INM-HUE-003-907-002) como enantes en fue de Monumento Nacional espanyol, tiene una portalada renaixentista completament atipica en a montanya altoaragonesa, y pinturas a'l fresco y un retablo de piedra de os sieglos XVI y XVII.

Dezaga de a ilesia, y tamién en l'altura d'o tozal, i ha las restas d'o castiello d'o Elsón (SIPCA 1-INM-HUE-003-907-012), d'o sieglo XI[4] y d'o qual no en queda de piet sique dos trocetz de lienzo y as rastras de piedras por tierra en o que podeba haber estau o perimetro fortificau.

Amás, en os arredols d'o Elsón i ha quatro cruces de sól que tamién son consideradas Biens d'Intrés Cultural, o que fa que o Elsón sia un d'os lugars de Sobrarbe con mas cantidat de construccions declaradas Bien d'Intrés Cultural.

Imáchens[editar | editar código]

Toponimia[editar | editar código]

D'alcuerdo con o investigador Manuel Benito Moliner, o toponimo «o Elsón» tien orichens antroponimicas en latín en o nombre de bell propietario: *ELISEUS > Elsón,[9] pero tamién podría venir de a forma diminutiva *ELISEO(NE) > Elsón.

O nombre de lugar tendría as suyas oríchens en a epoca tardo-romana u visigotica.

Fiestas[editar | editar código]

Referencias[editar | editar código]

  1. (es) TOMÁS ARIAS, Chabier. El aragonés del Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
  2. 2,0 2,1 (es) «Olsón» en a subpachina «Relación de unidades poblacionales» d'o Insituto Nacional de Estadística; consultada o 5 de septiembre de 2011.
  3. (es) «Olsón» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 5 de septiembre de 2011
  4. 4,0 4,1 4,2 (es) Voz «Castillo de Olsón» en a Gran Enciclopedia Aragonesa online; consultada o 5 de septiembre de 2011.
  5. (es) SOLSONA, Fernando (coord.). ("Asociación Río Susía"). Descubriendo el valle del río Susía. Ed. PRAMES; Zaragoza, 2008. ISBN 978-84-8321-972-0
  6. 6,0 6,1 6,2 (es) «Casas e infanzones de Sobrarbe»; consultada o 5 de septiembre de 2011.
  7. 7,0 7,1 (es) «Aínsa-Sobrarbe» en «Municipios», en o portal oficial de a Comarca de Sobrarbe; consultau o 5 de septiembre de 2011.
  8. 8,0 8,1 8,2 8,3 (es) «Arte del Renacimiento y barroco» en o portal TurismoSobrarbe.com; consultau o 5 de septiembre de 2011.
  9. (es) Índice de pueblos del Alto Aragón, el orígen de sus nombres. Por Manuel Benito Moliner. Consultau o 12 de chulio de 2012.
  10. 10,0 10,1 10,2 (es) «Calendario festivo» en a pachina oficial d'a Comarca de Sobrarbe; consultada o 5 de septiembre de 2011.
  11. (es) Pachina sobre «Olsón», aparentment escrita por un natural de a localidat; consultada o 5 de septiembre de 2011.

Vinclos externos[editar | editar código]


Lugars d'o municipio de l'Aínsa-Sobrarbe
L'Aínsa | l'Arcusa | Arro | Bagüeste | Banastón | As Bellostas | Buil | Bruello | Camporretuno | A Capana | Castellaz | Castillón de Sobrarbe | Chabierre d'o Elsón | Cherbe | Coroniellas | O Coscollar | Cosculluela de Sobrarbe | O Elsón | La Escapa | Frontinyán | Gabardiella | Griébal | Guaso | A Lecina | Liners | Mesón de Cosculluela | Mondot | Moriello de Tou | A Pardina | Pauls de Sasa | Pelegrín | Plampalacios | Puivalleta | La Ripa | Os Rials | O Sarrastanyo | Sarratiars | Sarratiello | O Sarrato | Sasa de Surta | A Torre | A Torriciella | Tou | Usana