Quercus coccifera

De Biquipedia
Ir ta: navego, busca
Coscolla
Coscolla
Coscolla
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Fagales
Familia: Fagaceae
Chenero: Quercus
Especie: Q. coccifera
Nomenclatura binominal
Quercus coccifera
L.
Quercus coccifera

O coscollo u coscollera (Quercus coccifera (L., 1758)) ye un arbusto de fuella perenne, verda toda l'anyada, que no s'alza si que bell par de metros d'altaria (muit pocas vegadas plega enta o porte arborio). Gosa estar ramificau dend'es alazetz de la base suya, fendo que as brancas, de berla grisa u blanca, s'entaranan deixando o interior d'o matullo quasi impenetrable.

As suyas fuellas son simples, alternas, mimbranosas y tiercas, sin de pilosidatz en garra cara. As marguins foliars son ondeyadas con punchas mas u menos numerosas. A coloración ye verda intensa, y tienen forma agüebada u alargada, con a superficie brilant y lustrosa.

Fuellas d'a Coscolla

As flors están, como en tot o chenero Quercus, separadas por sexos. As flors masclo son chicolonas, con l'embolique fendo forma de copa, trestallada en 4, 5 u mesmo 6 dients y con un numero variau d'estambres (entre 4 y 10). Forman collas en forma d'espica corta, de color amarillenca, primetas y penchadas d'as brancas.

As flors fembra libran d'a mesma planta, pero nomás quan as masculinas son ya xutas (ta evitar l'autofecundación). Anisoladas u en collas de dos u tres, a fecundación ye eolofila.

O fruito d'ista planta ye de tipo glan y se diz coscollina u coscollín, encara que tamién se diz en bells puestos bellota borde u simplament bellota/billota. No contién que un embrión. Son dicotiledonias, y os cotiledons pueden separar-se lonchitudinalment quan a coscollina ye ubierta. Una caracteristica d'istas billotas ye que no s'emplegan ta garra bestiar, porque o suyo gusto ye muit amargo y os animals las deixan estar.

Vinclos externos[editar | editar código]