Albarrazín
| Albarrazín | |||
|---|---|---|---|
| Municipio d'Aragón | |||
|
|||
 |
|||
| Entidat • País • Provincia • Comarca |
Municipio Aragón.svg){kind=small} TeruelSierra d'Albarrazín |
||
| Superficie | 456,50 km² | ||
| Población • Total |
1,075 hab. (2007) |
||
| Altaria | 1.171 m. | ||
| Distancia • 37 km |
enta Teruel |
||
| Codigo postal | 44100 | ||
| Ríos | Guadalaviar | ||
| Coordenatas | 40°24’ 0’’N 1°27’ 0’’U | ||
  Albarrazín
Situación d'Albarrazín en Aragón
|
|||
| www.albarracin.org | |||
.svg)
Albarrazín ye una ciudat de la provincia de Teruel, situada en la comarca de la Sierra d'Albarrazín. La suya población ye de 1.075 habitants (2007), en una superficie de 456,50 km², con una densidat de población de 2,35 ab./km².
Contenius |
[editar] Cheografía
Se troba situata chunto a lo río Guadalaviar. A lo norte tien a Sierra d'Albarrazín y a lo sur os Monts Universals. Lo lugar ye situato a 37 km de distancia de la ciudat de Teruel, a capital de la provincia de lo mesmo nombre.
[editar] Mugas
Lo suyo termin municipal ye extenso y presenta muitas prolongacions que rodeyan muitos lugars d'a comarca, antigas aldeyas dependients d'Albarrazín. Estreitas faixas de terreno de lo termin d'Albarrazín deseparan de tot lo termin de bellas localidatz como Monterd d'Albarrazín d'atros termins municipals.
Lo termin d'Albarrazín ye compacto en l'aria central-oriental de la comarca, constuindo una meya luna que presenta en la part convexa a Bezas, Saldón, Royuela, Torres d'Albarrazín, Monterd d'Albarrazín y Pozondón en la mesma comarca, y en la part concava a Santa Olalia, Cella y Exeya d'Albarrazín.
Una prolongación oriental de lo termin d'Albarrazín ye entre Bezas, Exeya d'Albarrazín, Cella, Teruel y Rubials y corresponde a Las Casiellas de Bezas.
Una prolongación occidental de lo termin d'Albarrazín ye entre los termins d'Orea, Oriuela, Bronchals, Noguera d'Albarrazín, Villar d'el Cobo y Griegos; corresponde principalment a lo que se conoix como El Puerto.
Una prolongación suroccidental d'o termin d'Albarrazín plega dica a Val de Cabriuel y o Naixedero d'o Tacho, a man d'a muga con a provincia de Cuenca. Tota a muga d'a Sierra d'Albarrazín con a provincia de Cuenca corresponde a lo termin d'Albarrazín, encara que sigan estreitas faixas de terreno.
Entre El Puerto y o Naixedero d'o Tacho a muga entre a provincia de Guadalachara y a Sierra d'Albarrazín corresponde a una estreita faixa d'o termin d'Albarrazín, que despara os termin de Griegos y Guadalaviar d'a provincia vecina.
Una prolongación meridional d'o termin d'Albarrazín pasa entre Toril y Chabaloyas plegando dica Lo Canyegral, on ye a muga l'antiga muga con a Comunidat de Teruel, actualment a muga con Alobras, y con a localidat de Los Cortijos, perteneixent a lo termin de Salvacanyet.
[editar] Urbanismo
Lo lugar ye escarramato en un mont y rodeyato por lo Guadalaviar, un caso representativo de "meandro encajado" como en Toledo u auguastuertas entallatas en o substrato rocoso. Por este canto y enta lo río se troban edificadas las casas pinchatas que recuerdan a las casas pinchatas de Cuenca.
Dentro de lo lugar las suyas carreras son espingatas y estreitas. La construcción ofreixe la orichinal arquitectura popular a más de tener a color royisca caracteristica dita rodena. Esta color la han presa casas que en primeras yeran blancas y desbinioron royencas por lo cheso local, de la formación Keuper, on ye asociato con archilas royas que tienen oxido de fierro. Por atra parte tamién han construito con piedras d'arena roya de la formación Bundsandstein, o tipico rodeno.
La parti antigua se divide en dos zonas:
- A Ciudat con las suyas casas pinchatas dencima de la foz de lo río.
- Lo Rabal.
La zona conoixita como El Barrio no fa parti de la ciudat antiga; se troba a l'atra marguin de lo río.
[editar] Historia
S'han trobato importants pinturas rupestres d'arte levantín en la pineta d'o Rodeno.
En la Edat de Fierro la habitaban los lobetans, probablement celtibers.
En ixas envueltas de los musulmans en la Peninsula Iberica, la familia berber Banu Razín, d'orichen Hawwara, fació d'istas tierras un chicot reino taifa. D'ista familia li bien lo nombre actual.
En lo sieglo XII, lo Rei Lop de Murcia cedió la comarca d'Albarrazín a lo nabarro Pero Ruíz d'Azagra, creyando-se la Senyoría d'Albarrazín, que s'adhibió a lo Reino d'Aragón en lo sieglo XIII.
N'esta senyoría se creyó un bispato que dependeba de l'arcebispe de Toledo. La seu bispal cambeó ta Segorb dimpués que lo conquerisen en la epoca de Chaime I d'Aragón.
En 1284 lo rei d'Aragón Pero lo Grant conquerió Albarrazín en la victoria de lo Setio d'Albarrazín, li concedió lo tetulo de Ciudat, (enantes teneba lo tetulo de Villa), y deseparó las aldeyas creyando la institución de la Comunidat d'Albarrazín seguindo lo modelo d'atras comunidatz aragonesas. En 1297 se concede a Albarrazín o dreito a celebrar ferias.[1] Encara Albarrazín y la senyoría estioron independients atra vegata, adibindo-se ya pa cutio a lo reino d'Aragón en 1379 con Pero IV lo Cerimonioso.
[editar] Toponimia
Albarrazín prene nombre de la familia Banu Razín que fundó a Taifa d'Albarrazín. En textos meyevals se pueden veyer variants documentals como Albarracino u Albarrazino que en bells casos pueden estar hipercorreccions pa no escribir as rematanzas en -ín propias de la parla popular.
La más gran part de la toponimia menor ye en castellán u común con lo castellán, pero destacan uns poquetz microtoponimos nabarroaragoneses como Puntal de LoGalindo, (que alza l'articlo lo), Barranco de la Chiqueta y Puntal del Melguizo, u Barranco de los Terreros, (a man d'Entramasaguas). A man de Bezas, pero en lo termin d'Albarrazín se troban dos monts ditos Los Chermanetes u El Chermanete. A man d'o termin de Bezas se troba a partita de Tramasaguas, Entramasaguas u Entrambasaguas, que indica o forcallo d'o río de la Fuent del Berro con o río Guadalaviar.
En lo casco viello on ye la Seu tenemos la Plaza de la Seo, y qui en fació lo retulo escribió como Plaza del Aseo quedando dimpués lo error pa cutio.
[editar] Demografía
| Evolución demografica d'Albarrazín[2] | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| 1857 | 1887 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2006 | ||||||
| Población | 1.883 | 1.953 | 1.897 | 1.689 | 1.688 | 1.576 | 1.582 | 1.467 | 1.376 | 1.187 | 1.068 | 1.164 | 1.050 | 1.076 | |||||
[editar] Administración
[editar] Reparto de concellers
|
|
|||||||||
| Partito | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido Aragonés | - | 6 | 1 | 2 | 3 | 4 | 5 | 4 | 4 |
| Partido de los Socialistas de Aragón | 3 | 3 | 3 | 2 | 2 | 1 | 1 | 3 | 3 |
| Partido Popular | - | - | 2 | 4 | 4 | 4 | 3 | 2 | 2 |
| Centro Democrático y Social | - | - | 3 | 1 | - | - | - | - | - |
| Partido Comunista de España / Izquierda Unida | 1 | - | - | - | - | - | - | - | - |
| Unión de Centro Democrático | 5 | - | - | - | - | - | - | - | - |
| Total | 9 | 9 | 9 | 9 | 9 | 9 | 9 | 9 | 9 |
[editar] Alcaldes
| Lechislatura | Nombre | Partito politico |
|---|---|---|
| 1979–1983 | ||
| 1983–1987 | ||
| 1987–1991 | ||
| 1991–1995 | ||
| 1995–1999 | ||
| 1999–2003 | ||
| 2003–2007 | ||
| 2007–2011 | Francisco Jesús Martí Soriano | Partido Aragonés |
| 2011–2015 | Francisco Jesús Martí Soriano | Partido Aragonés |
[editar] Molimentos
- La Seu d'Albarrazín, d'o sieglo XVI.
- Palacio de lo bispe, con una portalada en estilo barroco.
- La Casa de la Villa, de lo sieglo XVI.
- Castiello d'Albarrazín.
- Murallas d'Albarrazín, de lo sieglo XIV.
- Casa de la Comunidat d'Albarrazín.
- Casa de la Julianeta.
[editar] Localidatz achirmanatas
[editar] Vinclos externos
Se veigan as imáchens de Commons sobre Albarracín.- www.albarracin.org, web de lo concello d'Albarrazín.
[editar] Referencias
- ↑ (es) Historia de Aragón, dirichita por Eloy Fernández Clemente, La Esfera de los Libros, Madrit, abril de 2008, 1ª edición, ISBN 978-84-9734-722-8, pachina 248.
- ↑ Fuent: población de feito seguntes l'Instituto Nacional de Estadística de Espanya. Alteracions de los municipios en los Censos de Población dende 1842, Series de población de los municipios d'Espanya dende 1996.
- ↑ Datos Eleccions MIR
- ↑ http://portal.aragob.es/archelec/index.jsp
[editar] Bibliografía
- Tomás Lafuente Pérez, Toponimia en la comunidad de Albarracín. Revista Teruel, 49-50, 1973.
| Lugars d'o municipio d'Albarrazín | |
|---|---|
| Albarrazín | Val de Becar | Val de Cabriuel | La Bega | Lo Canyegral | Las Casiellas de Bezas | Collato de la Grulla | Falagosa | Lo Membriello | Sant Pedro | Santa Barbara | Santa Croch |
|
|
|
|---|---|
| Albarrazín | Bezas | Bronchals | Calomart | Chabaloyas | Exeya d'Albarrazín | Fridas d'Albarrazín | Griegos | Guadalaviar | Monterd d'Albarrazín | Moscardón | Noguera d'Albarrazín | Oriuela | Pozondón | Rodenas | Royuela | Rubials | Saldón | Terrient | Toril y Masegoso | Torres d'Albarrazín | Tramacastiella | Val de Cuenca | Val Longuiello | Villar d'el Cobo | |
