Royuela

De Biquipedia
Ir ta: navego, busca
Royuela
Municipio d'Aragón
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Sierra d'Albarrazín
Superficie 32,5 km²
Población
 • Total

224 hab. (2006)
Altaria 1214 m.
Distancia
 • 48 km

enta Teruel
Codigo postal 44125
Coordenatas 40°22’58’’N 1°30’ 0’’U
Royuela en Aragón
Royuela
Royuela
Situación de Royuela en Aragón

Royuela ye un municipio de la provincia de Teruel, situato en la comarca de la Sierra d'Albarrazín. La suya población ye de 224 habitants (2006), en una superficie de 32,5 km².

Cheografía[editar | editar código]

Ye situato en la Sierra d'Albarrazín, chunto a lo río de la Fuent del Berro u río Royuela. En un prato d'este río, que s'embadina periodicament, se troba una de las pocas localidatz de lo endemismo botanico Puccinelia pungens, que tamién se troba en la lacuna de Gallocanta.

Mugas[editar | editar código]

Lo suyo termin no muga que con Albarrazín. Por o sur, ueste y norte ye repitiau por una estreita faixa de terreno d'o termin d'Albarrazín que lo desepara de Terrient, Moscardón, Calomart y Torres d'Albarrazín.

Historia[editar | editar código]

Se sape que en lo periodo musulmán i heba nueu alcareyas. La primera refererencia calendata de Royuela se refiere a un convenio entre Alifonso II lo Casto y Calvet de Biel pa repartir-sen las tierras conquiestas que diz en toda Roiola cum suis salmis, fendo referencia a la espleitación huei dita Las Salinas de La Hoyalda. Pero los aragoneses no conquerioron ni Albarrazín ni Royuela.

La conquiesta cristiana definitiva de la Taifa d'Albarrazín estió obra de los nabarros de la Casa d'Azagra, que fundoron una senyoría. Royuela estió important pa los Sinyors d'Albarrazón porque i yeran las Salinas de Alda, y en ixas envueltas de la Edat Meya la sal yera un producto estratechico. Los colons traitos por los sinyors d'Albarrazín cambeyoron lo rete d'alcareyas desestruturando-lo. Eslioron pa establir-sen l'alcareya on ye l'actual lugar de Royuela porque yera en una ribera ampla. Las atras alcareyas y tierras que iban con alcareyas las reorganizoron de tot, y las més cercanas como La Chaparra, Las Balsas u La Cazulla desapareixioron, mientres que las que yeran més luent rematoron esdevenindo espleitacions independients en mans de linaches instalatos en la villa d'Albarrazín (como ye lo caso de Masía de Santa Lucía, Masía de la Penya y Masía de la Torre), u desapareioxon quedando absorbitas por las anteriors (como ye lo caso de Puntal de las Picazas II u Masía de Lozano I).

Entre los anyos 1208 y 1210 la Orden de los Trinitarios funda lo Monesterio de Nuestra Sinyora de las Dolors, que fa un empentón a lo cautivo de tierras en la Val de Royuela, y se dedica a redimir a los cativos presos por los musulmans.

En lo sieglo XIV i habió conflictos entre los propietarios en l'aria de Lo Pardo u Loparde . Fortificoron las propiedatz de Loparde de la Torre on i habió un castiello y Loparde de la Penya on bi ha enrunas d'atro castiello.

Por muito tiempo la vida social y economica de Royuela chiraba arredol lo monesterio, pero en lo sieglo XIX i habió desamortización, desapareixe lo monesterio y los royuelans se reparten las tierras de labor.

A principios de lo sieglo XX, las masías de La Torre, La Penya, el Lozano, etc., propiedat de familias de la burguesía, las adquieren los vicins de Royuela, fueras de Santa Lucía y Conejera y se'n fa un reparto. En la guerra civil creman la masía de la Penya, y dimpués de rematar a guerra s'escacha la masía de La Torre.

Toponimia[editar | editar código]

La primera mención, en latín y con nombre latinizato ye en 1166 quan Alifonso li da este lugar a Calvet de Biel por aduyar-li en la conquista d'Albarrazín.

Ad huc atque concedo tibi totum parral, quod est inter albuera et villa et tota illa bega que est ad tovas de Abinrodel, et tota Roila, cum suis salmis, et illos duos molendinos qui molunt in villa subtus azuda.

Lo nombre bien a partir de lo mozarabe u l'aragonés royo, que vien d'o latín RUBEU, con lo sufixo -uela, que bien d'o latín -OLA, fendo referencia a la color roya de los materials triasicos.

Tamién ye posible que vienga dreitament de lo latín como un plural neutro fosilizato, (RUBEOLA plural de RUBEOLUM, "terreno rodeno").

  • RUBEOLA (os materials royos u rodeno) > royuela.

D'alcuerdo con la primera mención Roila pareix que lo primer nombre estió Rolla u Roya y que por estar chicot os repobladors i adhibioron lo sufixo -uela, como en atros lugars de Teruel y Zaragoza, (Nogueras > Nogueruelas, Cervera > Cerveruela, etc..).

Roya+-uela > Royuela.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
C. Aragón 3
Partido Aragonés 1
Partido Popular 1
Total 5

Fiestas[editar | editar código]


 
Municipios d'a comarca Sierra d'Albarrazín
Albarrazín | Bezas | Bronchals | Calomart | Chabaloyas | Exeya d'Albarrazín | Fridas d'Albarrazín | Griegos | Guadalaviar | Monterd d'Albarrazín | Moscardón | Noguera d'Albarrazín | Oriuela | Pozondón | Rodenas | Royuela | Rubials | Saldón | Terrient | Toril y Masegoso | Torres d'Albarrazín | Tramacastiella | Val de Cuenca | Val Longuiello | Villar d'el Cobo