Segorb

Segorb
Municipio d'o País Valencián
Entidat  • Estato  • Comunidat  • Provincia  • Comarca	Municipio Espanya Comunidat Valenciana Castellón Alto Palancia
Superficie	106,10 km²
Población  • Total	8.730 hab. (2006)
Altaria	358 m.
Distancia  • 65 km	enta Castellón de la Plana
Codigo postal	12400
www.segorbe.org

Segorb (Segorbe en castellán, Sogorb en valencián) ye un municipio d'a provincias d'Espanya de Castellón, situato en a comarca de l'Alto Palancia. A suya población ye de 8730 habitants (2006), en una superficie de 106,10 km² con una densidat de 82,28 hab/km².

Cheografía

Ye situato sobre dos cabezos d'a marguin d'o río Palancia.

Parla

Se i charra castellán churro con seseyo d'orichen valencián. Bi ha muitos aragonesismos como tarquín.

Toponimia

S'ha creyito que o nombre se remontaba a lo celtiberico Segobriga, pero agora se considera que ye d'orichen latín y que tien relación con urbs, urbis, sub urbem.

En a documentación arabe s'emplegaban derivatos d'a radiz suburb. En un texto de 1122-1124 de quan Alifonso I lo Batallero s'escribe Xeborc, con una X por estar preso a traviés de l'arabe:

Ad honorem autem Dei et sancte militie sustentationem, dedit rex medietatem redituum ipsius civitatis, et medietatem medietatis sue Xeborc, et de Biniol, et de Conca, et de Molina, et de Burbaca, et de portu de Caramana

A evolución natural d'o prefixo latín SUB en aragonés ye so, en aragonés meyeval s'escribia a vegatas Sogorb, con prefixo so- y a vegatas Segorb, con a variant se d'este sufixo. Tamién en a documentación bi heba dandaleyo entre a forma con O, Sogorbio, y formas con E. L'alternancia de E y O ye normal en aragonés y dica se desvién en o prefixo so- (Somontano y Semontano), pero emplegar a forma con E yera una forma de fer o toponimo más pareixito a Segobriga. En a documentación eclesiastica se manipulaban tamién as consonants en un sentito u atro: en a Seu de Valencia, on no se quereba que Segorb pasase a depender d'o bispato de Toledo s'escribe segorbicense, pero atros escriben segobricense.

Curiosidatz

A falsa identificación de l'antiga Segobriga con l'actual Segorb s'orichina en a Edat Meya, por os intereses que teneba a Seu bispal de Toledo sobre lo bispato d'Albarrazín. A Segobriga visigoda perteneixeba a la diocesi de Toledo, pero al desapareixer con enchaquia d'a dominación musulmana se perdió a conoixencia d'on yera. En o sieglo XIV Toledo quereba incorportar Albarrazín a la churisdicción suya, y identificar Segobriga con Segorb, mas a l'este d'Albarrazín, lechitimaba as suyas pretensions. Huei se sape que l'antiga Segobriga ye l'actual Saelices en a provincia de Cuenca.

Bibliografía

• Cayetano Torres Fornes Sobre voces aragonesas usadas en Segorbe (1903). [1]