Cella

Este articlo trata sobre Cella que ye un municipio teruelano en a comarca d'a Comunidat de Teruel. Ta la cella d'o uello se veiga cella (anatomía).

Cella
Municipio d'Aragón
Pozo artesián de Cella
Entidat  • País  • Provincia  • Comarca	Municipio Aragón  Teruel Comunidat de Teruel
Superficie	124,7 km²
Población  • Total	2.935 hab. (2006)
Altaria	1020 m.
Distancia  • 21 km	enta Teruel
Codigo postal	44370
Coordenatas	40°27’ 10’’N 1°17’ 9’’U
Cella Situación de Cella en Aragón
www.cella.es

Cella ye un municipio d'a provincia de Teruel, situato en a comarca d'a Comunidat de Teruel. A suya población ye de 2935 habitants (2006), en una superficie de 124,7 km² y una densidat de población de 23,54 hab/km².

Cheografía

Ye situato en a fosa d'o río Xiloca, que fa part d'a depresión de Calatayú-Teruel. Ye en a parte alta d'a val d'o Xiloca. Iste río prene augua contina en un naixedero situato en o mesmo Cella; iste naixedero ye o pozo artesián más gran d'Europa.

Actualment ye en l'aria d'influencia de Teruel, pero entre os sieglos XIV y XVI yera muito más important y a capital d'una comarca dita Río de Cella.

Mugas

O suyo termin municipal muga con Albarrazín, con Santa Olalia, con Villar Cremato, con Celadas, con Teruel y con un apéndiz d'o termin d'Albarrazín correspondient a Las Casiellas de Bezas.

Toponimia

O suyo nombre se relaciona con l'arabe Sahla u plana. No ha tenito nombre estable en aragonés meyeval. En bells textos latins d'os primers tiempos d'a conquiesta cristiana y en o poema de Mio Cid se veye como Celfa, isto puet considerar-se una metatesi (l'adaptación lochica de l'arabe -hl- ye -fl-). Se conoixen atras variants como Cegla.

A forma Cella s'explica egual que o lugar teruelano Sollavientos < Soplavientos y o castellán Chillar < Sif(i)lare. Os grupos -pl- y -fl- pueden evolucionar ta -ll- en luengas como castellán. En o sieglo XV un escriba teruelano encara escribiba Zelha, o qualo encara que pareixca un occitanismo grafico, ye más probable que siga una traza de remerar a -f- de Zelfa/Zefla.

Apellitos

Uno d'os apellitos más comuns en Zella ye Bujeda, que en a Edat Meya yera Buxeda y fa referencia a lo buixo.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									6
Partido de los Socialistas de Aragón									5
Total									11

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999	María del Carmen Pobo Sánchez	Partido Popular
1999–2003	María del Carmen Pobo Sánchez	Partido Popular
2003–2007	María del Carmen Pobo Sánchez	Partido Popular
2007–2011	María del Carmen Pobo Sánchez	Partido Popular
2011–2015	María Jesús Pérez Esteban	Partido Popular

Molimentos

A edificación arredol d'o pozo artesián, clamata Fuente de Cella.

Esporte

O fútbol ye representato por o Club Deportivo Cella que partecipa en divisions rechionals aragonesas.

Fiestas

• Sant Sabastián, 21 de chinero.
• Santa Rosina, 15 de mayo.
• 15 d'agosto.

Curiosidatz

En l'aria d'influencia de Teruel os cellanos tienen fama de brutos, y, como con os d'Almudévar u Lepe, se fan chistes con cellanos.

Vinclos externos

• www.cella.es, pachina web oficial.
• Vocabulario cellano.
• Etimolochía de Cella.

Referencias

Lugars d'o municipio de Cella
Cella | Villar d'el Salz