Oriuela (Teruel)

Oriuela
Municipio d'Aragón
Entidat  • País  • Provincia  • Comarca	Municipio Aragón  Teruel Sierra d'Albarrazín
Superficie	71,4 km²
Población  • Total	578 hab. (2006)
Altaria	1447 m.
Distancia  • 62,2 km	enta Teruel
Codigo postal	44366
Coordenatas	40°33’ 0’’N 1°39’ 0’’U
Oriuela Situación d'Oriuela en Aragón

Oriuela (Orihuela del Tremedal en castellán) ye un municipio de la provincia de Teruel, situau en la comarca de la Sierra d'Albarrazín. La suya población ye de 578 habitants (2006), en una superficie de 71,4 km² con una densidat de 8,1 hab/km².

Cheografía

Ye situato en una plana, que corresponde a un polje karstico, en lo cabalto de la compleganza de lo río Gallo. Bi ha extensas pinetas de pin royo u Pinus sylvestris; lo pin royo en bells puestos sustituye a lo caixico Quercus pyrenaica, dito aquí Marhojo. Bi ha bellas turberas u tremedals, con plantas carnivoras de los cheners Drosera y Pinguicola; las pauls huei son ocupatas por la pineta de pin royo, pero que dica lo sieglo IX teneban abetullos. Los dos zaguers abetullos de la provincia de Teruel se troban en una part de lo termin d'Oriuela mugando con Guadalachara.

Mugas

Lo suyo termin municipal muga con Alustante, con Rodenas, con un enclau rectangular de lo termin municipal d'Albarrazín, con Bronchals, con una prolongación occidental de lo termin d'Albarrazín que desepara de Orihuela de lo termin de Griegos y Noguera d'Albarrazín y con Orea.

Toponimia

Lo toponimo Oriuela se relaciona con lo toponimo vicín Orea como forma diminutiva a l'egual que Santolarieta con Santolaria, pero con la -uela. Una de las primeras mencions ye como Oreyuela, pero sabemos si la epentesi antihiatica ye real u una hipercorreción de lo escribán. Ye posible veyer escrito en textos antigos en castellán u en aragonés la forma Origüela, d'alcuerdo con una traza de pronunciar-se.

S'escribiba Orihuela en 1857 y ye oficialment Orihuela del Tremedal dende 1860. Prene l'apelativo por como se dicen las turberas en Oriuela y la suya redolada. Las turberas son suelos tovos que quan lo pisan tremola.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									3
Partido de los Socialistas de Aragón									2
Partido Aragonés									2
Total									7