Río Aragón

De Biquipedia
Ir ta: navego, busca
Aragón
Administración
Estatos {{{estatos}}}
Territorios Flag of Aragon.svg Aragón
Flag of Navarre.svg Navarra
Cheografía
Longaria 195 km
Altaria d'o naixedero 2.050 m
Naixedero Astún
Desembocadura Ebro
Hidrolochía
Superficie d'a cuenca 8.524 km²
Cabal meyano 1.300 m³/s
{{{mapa}}}

O río Aragón ye un d'os grans cursos fluvials d'a compleganza d'o río Ebro. A suya cuenca tien una superficie de 8.524 km². Recorre 195 km dica plegar a l'Ebro, aportando una meya de 1.300 hm³/anyo.

Naixe en o circo glacial d'a val d'Astún (Uesca) a 2.050 m sobre o mar. En a cabecera reculle as auguas d'os ibons d'Escalar y de Truitas. Descurre auguas entabaixo por l'alta montanya dica plegar ta Chaca, a on as suyas auguas cambean de dirección ta enfilar-sen ta l'ueste a las tierras navarras. A compleganza d'alimentación d'o río Aragón tien una gran amplaria que plega a os 2.886 metros en o Pico de Collarada. En ista redolada la caita de nieu ye abundant, lo que orichina en primavera grans creixidas, atra epoca d'avenidas ye l'agüerro con as plevias.

Entre os afluyents de l'Aragón son os siguients ríos: Gas, Lubierre, Candanchú, Estarrún, Aragón Subordan, Veral, Eska, Iratí, Regal, Onsella, Zidacos y Arga.

O curso d'o río ye regulato por o entibo de Yesa, con una capacidat de 470 hm³ d'augua que s'aproveita ta usos agricolas a traviés d'a canal d'as Bardenas, que dende o suyo orichen en o entibo dica a suya desembocadura en o río Galligo en Ardisa tien una largaria de 139 km.

En a compleganza de l'Aragón bi ha una gran diversidat vechetal podendo trobar-se especies de diferents climas y ambients que van dende o pin negro, carrasca, fabo, pin royo, abet, abetoch, acirón, tremolín, fraixin, cerollera, buixo, allaga, chinipro, caixico, etc.

Desemboca en o río Ebro en a población de Miraglo (Navarra).

Vinclos externos[editar | editar código]