Sierra de Canciás

De Biquipedia
Ir a la navegación Ir a la búsqueda
Iste articlo tracta sobre a sierra de Canciás. Pa atros usos d'o toponimo Canciás, se veiga Canciás (desambigación).
A sierra de Canciás, con a penya Canciás bien vistera en o centro.

A sierra de Canciás ye una sierra d'Aragón que se troba entre as comarcas de Sobrarbe y Alto Galligo, en a provincia de Uesca. Fa parte d'as sierras interiors pirenencas, y ye conoixida, más que más, por a penya Canciás (1928 metros), o suyo pico más alto y que le da nombre; una formación de penya calsinera muit vistable y caracteristica.

A sierra fa de divisoria d'auguas entre a cuenca hidrografica de l'Ara en o suyo costau norte y a d'a Guarga por o sud. En as suyas garras meridionals tamién i naix o río Basa, de forma que ye una buega fenomenal entre as valles de Basa y Guarguera en Sarrablo, y a Ribera de Fiscal en Sobrarbe. A suya gran prominencia determina un paisache pocino, de pacos y selvas de caducifolios en a man sobrarbenca.

A crencha superior ye una succesion de cerros más chicorrons que penya Canciás, como o tozal de Gradatiello y o de Sant Salvador, pero no guaire (totz se sitúan entre os 1900 y os 1600 mslm), de forma que van cutio-cutio a enlazar-se con as estribacions de Santa Orosia y os atros puertos que zarran o Sobrepuerto en ponient. Por o costau de la cuentra, a sierra de Canciás forma tamién un contino con a sierra de Gabardón, que s'adentra en o corazón de Sarrablo.

O puerto de Petralba ye un d'os diferents cuellos naturals por alto d'a sierra por aon que pasaban os camins tradicionals. Actualment a sierra ye perforada por a variant Yebra-Fiscal d'a N-260.

Toponimia[editar | editar código]

Chesús Vázquez Obrador opina que Canciás podría estar un toponimo de radiz latina, que dimanaría d'una hipotetica forma <*CANCELLOS, a traviés d'a seqüencia Canciellos* > Canciachos* > Canciachs* > Canciás. Iste fenomeno de reducción d'as silabas finals atonas dezaga d'elle piensa l'autor que tamién se vei en atros toponimos aragoneses, como Casiquiás, Sortiás, Fenariás u Sarratiás.[1] en os quals s'habría produciu formas diminutivas aon que la -LL- s'habría tornau -CH- en os primers sieglos d'evolución de l'aragonés.[1]

Referencias[editar | editar código]

Se veiga tamién[editar | editar código]


Macizos, sierras y sarratos pirenencos y prepirenencos
Macizos Corberas | Cotiella | Maladeta | Infiernos | Plantaurel | Tres Serols | Turbón
Sierras Abodi | Aineto | Alano | Albera | Algaralleta | Arro | Baraguás | Balcetz | Belarra | Beldú | Berganui | Buil-Camporretuno | Caballera | Cadí | Campanué | Canciás | Capitiellos | Carrodilla | Cis | Chía | Chiribeta | Entremont | Erata | Esdolomada | Ferrera | Gabardiella | Gabardón | Gratal | Guara | Illón | Leire | Luesia | Monchoya | Montsec | Muro de Roda | Musera | Nobla | Orba | Partaqua | Partara | Penya | de Peranera | Picardiello | Portiello | Queralt | Sant Chuan d'a Penya | Sant Martín d'a Solana | Santa Quiteria | de Santo Domingo | Sant Quílez | Sant Visorio | Sarbil | Tendennera | Trallata | Vernera | Xabierre
Sarratos Sarrastanyo | Trillo