Ir al contenido

Monts de Castellón

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Monts de Castellón
Montes de Castejón
Monts de Castellón, a o fundo o vértiz Esteban
Cheografía
Cordelera
Sector
' {{{ran}}}
Maxima altaria 746 m, Vértiz Esteban
Cimas importants Vértiz Esteban, Guarizo, Muses, Pola, Pinatonar, Pogallinero
Largaria
Amplaria
Superficie
Vértiz cheodesico
Subsistemas
Administración
Estau
País Aragón
'
Cheolochía
Edat Mioceno
Materials Rocas sedimentarias
Tipo
Mapa

Os Monts de Castellón (en castellano Montes de Castejón) son un conchunto de monts en a comarca de Cinco Villas, en Aragón, situaus a bels 30 km a o norte de Zaragoza. Levan o nombre d'a localidat de Castellón de Val de Chasa, en o centro d'ista zona montanyosa. Parti d'a sierra se troba declarada Zona d'Especial Protección pa las Aus (ZEPA), por lo que apareixe reflexada en o rechistro europeu d'espacios protechius d'a Rete Natura 2000.

Situación cheografica[editar | modificar o codigo]

O cobalto d'a sierra ye o vértiz Esteban (746 m), a on podemos trobar unas instalacions militars. Atras altarias importants son o Guarizo (745 m), Muses (741 m), Pola (688 m), Pinatonar (685 m) u Pogallinero (639 m). Instalaus en o cobalto d'as crenchas superiors podemos trobar aerocheneradors eolicos.

A versant norte d'a sierra que da a la localidat d'Erla se conoixe tamién como sierra d'Erla, u como Mont de Sora en a redolada d'o castiello de Sora.

A serranía que forman istos monts chunto con os Monts de Zuera, son conoixius tamién a vegadas como Muela d'el Castellar. Podríamos decir que a deseparación entre as dos sierras coincidiría con a siguient relación:

A debantdita deseparación d'istas dos sierras, que igualment coincide con a d'os termins municipals d'as dos localidaz, se da en una ralla de bels 9 km d'orientación norte-sud, clarament visible dende cualques zonas amanadas. Por ista crencha descurre o Camin d'o Cerro de Castellón, coincident en bels trampos con a Canyada Reyal d'a Muga de Zuera, dende o parache d'o Cubilar Hondo dica l'Alto de Sant Esteban, puerto de montanya de 700 m d'altaria en a carretera A-1102.

D'atra man os Monts de Castellón tienen atras dos versants a esmentar, la que perteneixe a o termin municipal de Taust, tamién dita localment sierra de Mont Alto, y la que s'orienta enta Zaragoza y arriba dica la zona de Lo Castellar, perteneixient a o municipio d'a ciudat pero ocupau cuasi en a suya totalidat por o Campo de Maniobras militars de Sant Gregorio, centro instructor de l'Exercito de Tierra.

Flora[editar | modificar o codigo]

Os Monts de Castellón son cubiertos de vechetación mediterrania, en a suya mayoría constituyida mas que mas de carrasca (Quercus ilex) y pin borde (Pinus halepensis), amás d'eixemplars aislaus d'acirons (Acer campestre y Acer monspessulanum) u caixigos (Quercus faginea), en lo que se refiere o estrato arborio. En o referente a l'arbustivo bi ha coscollos, chinebros, sabinas, retamas y lamials. Conchuntos vechetals que son tipicos d'as sierras amanadas a la depresión d'Ebro, repetius por eixemplo en a sierra d'Alcubierre, Monegros. Ditas formacions son a sobén victimas d'incendios forestals recurrents, mas que mas exposadas mientres a epoca de sequera. O zaguer incendio grieu se dio en verano de 2008, habendo mesmo de desalochar-se o lugar por a cercanía d'as flamas,[1] cremando 1.700 ha de mont d'o termin municipal[2] y 2.200 en total afectando tamién a os Monts de Zuera. A causa de dito incendio estió un accident en a carretera en a que un vehiclo se salió d'a calzada impactando contra un árbol. O incendio tardó dos días en amortar-se, habendo de desplazar-sen a-saber-los medios civils y militars, como a UME y as BRIF. No bi habió perdidas humanas.

Se pueden trobar cuantos árbols molimentals en istos monts como a Sabina Mateo[3] u a Carrasca de Pui Oliva,[4] catalogaus os dos como Árbol Singular d'Aragón.

Feguras de protección[editar | modificar o codigo]

Os Monts de Castellón se troban en una serranía d'a que tamién fan parti os Monts de Zuera, y Lo Castellar, en una zona protechida con a fegura de Zona d'Especial Protección pa las Aus denominada "ZEPA Montes de Zuera, Castejón de Valdejasa y El Castellar", tamién adintro d'o Rete Natura 2000.[5]

Referencias[editar | modificar o codigo]

Vinclos externos[editar | modificar o codigo]

Se veiga tamién[editar | modificar o codigo]


Muelas y plataformas estructurals d'a depresión d'Ebro
Borcha | Cabeza de las Lebatas | Castellar (Monts de Castellón · Monts de Zuera) | Fuell | Insa | Les Moletes | La Molilla | Las Muelas | Plana de María | Plana Negra | Planas de Casterló | Santa María Magdalena | Tosca | La Radigüela | La Romana | Talayas de Sant Per | Val Corba | Zaragoza