Turdus viscivorus
- No entivocar-se con a griba, escrito con "b", u porgadero
| Turdus viscivorus | |
|---|---|
 | |
| Denominacions populars | |
| Estau de conservación | |
| Clasificación cientifica | |
| Eukaryota | |
| Animalia | |
Filo:
|
Chordata |
| Aves | |
| Passeriformes | |
| Turdidae | |
| Turdus | |
| T. viscivorus | |
| Descripción | |
Turdus viscivorus
LINNAEUS, 1758 | |
| Distribución cheografica | |
 Amariello = Estival. Azul = Invernant. | |
O charro pardo[2], chorda blanca[2] u torda charra[2], tamién dito mas chenericament charro[3] u charlo[3] (nombre cientifico Turdus viscivorus (L., 1758)), nombres que coexisten con griva[2] en aragonés ribagorzano,[3] ye un au paseriforme d'a familia Turdidae y o chenero Turdus.
Ye reconoixible por a suya mida (ye la especie mas gran d'o chenero Turdus en Europa[4]), as alas y o dorso grisos, y por a suya canción, pareixida anque mas monotona que a d'una merla. En Espanya se considera especie cinechetica.[4]
Descripción
[editar | modificar o codigo]O charro pardo ye una torda graniza, de 26 cm de largaria y d'entre 100 y 125 gramos de peso.[4] Tiene o dorso, a cabeza y a parte superior d'as alas de color grisa, y o papo y a tripa blancas picudas con marrón u griso. As alas son blancas por debaixo, y cuan vola se le vei a tripa blanca dende o suelo.
Habitat
[editar | modificar o codigo]O charro pardo vive y fa o niedo en zonas forestals a on que as selvetas y corroldes d'arbols s'intercalen con espacios ubiertos, os cuals prefiere pa alimentar-se. Fa niedo en una forca entre dos ramas, siempre alto en os árbols.
Se'n troba a sobén en huertas y espacios humanizaus.[4] Manimenos, ye un paixaro timido y siempre presto a fuyir, por o que anque sía un animal numeroso costa de viyer-lo.
Pasa mas tiempo que atras especies de tordas en o suelo, de forma parella a como lo fa una merla, y pareix que cuan se desplaza por tierra lo fa de forma mas erguida.[4]
Alimentación
[editar | modificar o codigo]Como todas as especies Turdus, o charro pardo ye omnivoro con preferencia por os invertebraus, como insectos, cucos y larvas. Devoran os limacos y os caragols, por o que gosa estar una especie bien buena pa los hortals que frecuenta.
Cuan os insectos faltan, mincha fruitos y bayas. O suyo apelativo cientifico viscivorus («devorador de visca») fa referencia a la frecuencia con que mincha lulos d'ixa planta epifita, mas que mas en l'hibierno.[4] A simient d'a visca amenista que la dichieran y la caguen pa poder naixer, por o que as tordas que fan isto fan parte necesaria d'o suyo ciclo reproductivo.
Comportamiento
[editar | modificar o codigo]Ye una especie fura con atros paixaros, y poco sociable con os d'a suya mesma especie. De regular va solo, anque en l'agüerro y l'hibierno se'n puede trobar que vaigan chuntos, en pantilla, a mirar-se l'alimento.[4]
Se veiga tamién
[editar | modificar o codigo]Referencias
[editar | modificar o codigo]- ↑ (es) BLASCO ZUMETA, Javier, Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009, ISBN 978-84-8321-971-3
- ↑ 2,0 2,1 2,2 2,3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ 3,0 3,1 3,2 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza, 2004. ISBN 978-84-8986-235-7
- ↑ 4,0 4,1 4,2 4,3 4,4 4,5 4,6 (es) Losange, Aves de España y Europa. Susaeta Ediciones. Madrid, 2012. ISBN 9788499281407
Vinclos externos
[editar | modificar o codigo]
Se veigan as imáchens de Commons sobre Turdus viscivorus.
Wikispecies tiene un articlo sobre Turdus viscivorus.
| Control d'autoridaz |
|
|---|
Datos: Q178942- Multimedia: Turdus viscivorus / Q178942
- Especies: Turdus viscivorus