Cuco

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Un cuco oligoqueto, a lombriz Lumbricus terrestris.

Cuco (d'o latín <CUCUS) ye un nombre popular que s'aplica, en aragonés, a cualsiquier animal invertebrau de forma vermiforme; ixo ye, a os invertebraus sin patas, de cuerpo cilindrico y mas largos que no amplos.

Popularment, s'aplica de forma impropia a las larvas d'os insectos holometabolos, por a similitut morfolochica con os verdaders cucos. A parola cuco tamién s'aplica en aragonés, despectivament, a cualsiquier invertebrau que se considera desagradable anque a especie no tienga una metamorfosi holometabola: "Os cucarachos son uns cucos fastiosos", "Le he sacau as caparras a o can. Siempre me pilla cucos", etc.

Verdaders cucos[editar | modificar o codigo]

En zoolochía, s'accepta a denominación de «cucos» unicament ta cualques grupos d'invertebraus, mientres que se refusa que s'aplique a belatros con os cuals, de forma popular, se fa marchar. Son invertebraus que os zoologos acceptan que se les diga cucos:

Toz ellos son filos u tipos morfolochicos zoolochicos, o que quiere dicir que son emerchius de forma independient y en diferents intes de a historia evolutiva de a vida en a Tierra, o que gosa fer entender o exitoso que ha estau o modelo corporal vermiform d'entre os invertebraus.

Aragonesismo lexico[editar | modificar o codigo]

En castellano ye una parola que podría estar un aragonesismo lexico con una important extensión, en estando un termino habitual en o castellano d'Aragón, en o castellano churro d'as comarcas interiors valencianas y en o castellano rechional de Murcia. En toz ixes casos, con significaus pareixius como os que tiene en aragonés.

En atras rechions a on se parla tradicionalment formas de castellano oriental, ha adoptau significaus mas concretos, pasando a estar o nombre propio d'una especie d'invertebrau vermiforme por cuentas d'una denominación chenerica. P. ex. En a provincia de Ciudad Real o «cuco» ye a lombriz intestinal d'os humans (Ascaris lumbricoides), y en a provincia de Cordoba ye a larva de o escarabacho d'a farina (Tenebrio molitor).

En aragonés medieval bi heba formas como viermen y vierben derivadas d'o latín VERMIS.

Se veiga tamién[editar | modificar o codigo]

Vinclos externos[editar | modificar o codigo]