Turdus merula
Turdus merula | |
---|---|
Masclo de Turdus merula. | |
Denominacions populars | |
Estato de conservación | |
Clasificación scientifica | |
Eukaryota | |
Animalia | |
Filo:
|
Chordata |
Aves | |
Passeriformes | |
Turdidae | |
Turdus | |
T. merula | |
Descripción | |
Turdus merula
LINNAEUS, 1758 | |
Distribución cheografica | |
Distribución. Verde fusca = resident. Verde clara = estival. Amariella = invernal. Marrón = introducida. |
A merla común (nombre scientifico: Turdus merula (L., 1758)) ye una especie d'au paseriforme d'a familia Turdidae; unas d'as millor reconoixibles d'o chenero Turdus por tener os masclos o plumache de color negra intensa y, en temporada de reproducción,[1] o pizco y os parpiellos amariellos u naranchas vivos.
Descripción[editar | modificar o codigo]
A merla ye un paixaro d'arredol de 25 cm de largaria y entre 75 y 120 gramos de peso,[1] sin diferenciar-se os sexos por a mida.
Os masclos adultos destacan por as plumas negras y brillants que tienen y por tener o pizco y os parpiellos (vistables con a forma d'un disco arredol d'o uello) de color amarellisca u narancha, que reviscola en a temporada nupcial. As fembras y os chovens son de color marrón discreta,[1] prou lisa, anque en bell eixeplar puet presentar-se piquetas d'una tonalidat marrón una mica mas fusca y mas u menos vistables contra la resta.
Alimentación[editar | modificar o codigo]
Como todas as tordas, a merla ye omnivora pero prefiere os insectos, cucos y atros ivertebraus como limacos y caragols. Tamién mincha fruitos, como bayas y drupas que pilla entre as bardas y matullos por a on que gosa esbulligar. Eventualment tamién caza vertebraus chicorrons, como ranuecos y engardaixinas.[1]
Habitat[editar | modificar o codigo]
A merla ye una especie de selva que s'ha adaptau a muitos atros habitats, como parques y bardas en arias urbanas, sin guaire dificultat. Necesita que i haiga buena cobertura d'árbols.[1]
Ye una especie territorial, que defensa y marca lo suyo territorio con a canta, de regular de maitins y en a tardada.[1] Os masclos defensan agresivament lo territorio contra las intrusions d'atras merlas y dica atras especies de paixaros.
Fa o niedo bien amagau entre os arbustos, as hiedras u menos vegadas en a corona d'os árbols. A cobada gosa estar feta de 5 uevos que coba la fembra.[1]
Referencias[editar | modificar o codigo]
Se veiga tamién[editar | modificar o codigo]
Vinclos externos[editar | modificar o codigo]
Se veigan as imachens de Commons sobre Turdus merula.
Wikispecies tiene un articlo sobre Turdus merula.