Turdus merula

*Turdus merula*
Masclo de Turdus merula.
Denominacions populars
torla / torlla, chorda, mierla / miarla, merla, mierlo / merlo, torda negra, tordo pardo
Estau de conservación
Seguro (IUCN)
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Passeriformes
Familia:	Turdidae
Chenero:	Turdus
Especie:	T. merula
Descripción
*Turdus merula* LINNAEUS, 1758
Distribución cheografica
Distribución. Verde fusca = resident. Verde clara = estival. Amariella = hibernal. Marrón = introducida.

A mierla^[1]^{[nota 1]} u torla^[1]^{[nota 2]} (nombre cientifico Turdus merula (L., 1758)) ye una especie d'au paseriforme d'a familia Turdidae; unas d'as millor reconoixibles d'o chenero Turdus por tener os masclos o plumache de color negra intensa y, en temporada de reproducción,^[2] o pizco y os parpiellos amariellos u naranchas vivos. Tamién se conoixe como chorda^[1], torda negra^[1] u tordo pardo^[1].

Descripción

A mierla ye un paixaro d'arredol de 25 cm de largaria y entre 75 y 120 gramos de peso,^[2] sin diferenciar-se os sexos por a mida.

Os masclos adultos destacan por as plumas negras y brillants que tienen y por tener o pizco y os parpiellos (vistables con a forma d'un disco arredol d'o uello) de color amarellisca u narancha, que reviscola en a temporada nupcial. As fembras y os chóvens son de color marrón discreta,^[2] prou lisa, anque en bel eixemplar puet presentar-se piquetas d'una tonalidat marrón una mica mas fusca y mas u menos vistables contra la resta.

Alimentación

Como todas as tordas, a mierla ye omnivora pero prefiere os insectos, cucos y atros ivertebraus como limacos y caragols. Tamién mincha fruitos, como bayas y drupas que pilla entre as bardas y matullos por a on que gosa esbulligar. Eventualment tamién caza vertebraus chicorrons, como ranuecos y engardaixinas.^[2]

Habitat

A mierla ye una especie de selva que s'ha adaptau a muitos atros habitats, como parques y bardas en arias urbanas, sin guaire dificultat. Necesita que i haiga buena cobertura d'árbols.^[2]

Ye una especie territorial, que defensa y marca lo suyo territorio con o cantao, de regular de maitins y en a tardada.^[2] Os masclos defensan agresivament lo territorio contra las intrusions d'atras mierlas y dica atras especies de paixaros.

Fa o niedo bien amagau entre os arbustos, as hiedras u menos vegadas en a corona d'os árbols. A cobada gosa estar feta de 5 uevos que coba la fembra.^[2]

Notas

↑ Con as variants miarla y merla y en masculín mierlo y merlo
↑ Con a variant palatalizada torlla

Referencias

↑ ^1,0 ^1,1 ^1,2 ^1,3 ^1,4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ ^2,0 ^2,1 ^2,2 ^2,3 ^2,4 ^2,5 ^2,6 (es) Losange, Aves de España y Europa. Susaeta Ediciones. Madrid, 2012. ISBN 9788499281407

Se veiga tamién

Torda.
Charlo.

Vinclos externos

Se veigan as imáchens de Commons sobre Turdus merula.
Wikispecies tiene un articlo sobre Turdus merula.

Datos: Q25234
Multimedia: Turdus merula / Q25234
Especies: Turdus merula

[2] Con as variants miarla y merla y en masculín mierlo y merlo

[3] Con a variant palatalizada torlla

[DACC-1] 1,0 ^1,1 ^1,2 ^1,3 ^1,4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[Aves-4] 2,0 ^2,1 ^2,2 ^2,3 ^2,4 ^2,5 ^2,6 (es) Losange, Aves de España y Europa. Susaeta Ediciones. Madrid, 2012. ISBN 9788499281407

[1]

[nota 1]

[nota 2]

[2]