Tremarctos ornatus

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Tremarctos ornatus
Osoandino.jpg
Onso andino (Tremarctos ornatus)
Denominacions populars
Onso andino
Clasificación scientifica
Eukaryota
Animalia
Chordata
Mammalia
Subclase:
Theria
Carnivora
Suborden:
Caniformia
Ursidae
Subfamilia:
Tremarctinae
Tremarctos
T. ornatus
Descripción
Tremarctos ornatus
Cuvier, 1825
Distribución cheografica
Tremarctos ornatus distribution.svg
Distribución de T. ornatus

L'onso andín/o (nombre scientifico: Tremarctos ornatus (Cuvier, 1825)) ye una especie de mamifero placentario carnivoro d'a familia d'os ursidos. A más d'estar a sola especie viva d'o suyo chenero y d'a subfamilia Tremarctinae, ye a sola especie d'onso propia de Sudamerica.

Descripción[editar | modificar o codigo]

Ye un onso de color negra uniforme, sacando una taca amariella u color crema, de forma variable, sobre o morro y a frent. A dita taca puede prolargar-se por a gorga dica lo peito de l'animal.

De midas ye un onso mediano, con una largaria corporal d'entre 120 y 200 centimetros en os masclos, que pesan arredol de 150 kilogramos. As fembras son normalment un tercio más chicas que os masclos y gosan pesar a metat que els.

A capeza ye relativament gran en comparanza con a d'atros onsos, y o morro ye más curto y amplo. Esta caracteristica s'ha trobau tamién en atras especies extinctas de Tremarctins, y se piensa que ye una adaptación a una dieta firme carnivora. Manimenos, l'onso andino ye mayoritariament vechetariano.

Habitat[editar | modificar o codigo]

Os onsos andins se troban en o norte y l'occident de Sudamerica. Se'n puede trobar en Venezuela, Colombia, Ecuador, Perú, en l'ueste de Bolivia y en o norueste d'Archentina. De regular en montanya u en os altiplanos d'os Andes. Antes de que as poblacions se tornasen fragmentarias, a especie teneba reputación d'estar adaptable y se'n podeba trobar en bella cosa d'habitats y altitutz diferents adentro d'a suya zona de distribución, o que incluiba selvas pluvials, pasturas altas, selvas secas, matullars y disiertos. I ha una población d'onsos andins en a muga entre Perú y Ecuador que tiene y ocupa una diversidat d'habitats tan ampla como as que troban todas as poblacions d'onso pardo (Ursus arctos) d'o mundo chuntas.[1]

Os habitats por os quals tiene predilección a especie son as selvas humedas u muit humedas, que en a suya aria de distribución son entre os 500 y os 1000 msnm u entre os 1000 y os 2700 metros msnm. Normalment, como más humeda sía la selva más diversidat d'especies vechetals que puedan sostener a estes onsos i habrá.

L'onso andino ye un onso prou arboricola. S'ha sinyalau que, a lo menos en parte, o suyo exito de supervivencia en habitats en os que i hai sers humans se debe a que ye capable de puyar a os árbols, mesmo os más alteros. De regular ye un animal que fuye d'a presencia humana, a sobén enfaixonando-se en un árbol.[2]

Alimentación[editar | modificar o codigo]

L'onso andino se puya muito a os árbols, aon que consume fruita, lulos y plantas epifitas menors. S'ha documentau que pueden fer-se niedo en una forcanadura de ramas pa descansar-se u pa almagazenar alimentos. Ye entre as especies más herbivoras d'os onsos, con una inchesta de carne que no puya d'o 5-7 %.[3]

O minchar más común d'estes onsos incluye cactos, bromeliacias, follas de palmera y canyas como o bambú. Tamién minchan hierba, nueces y lulos con cascla que se troban en tierra u en os árbols. S'alimentan pues de productos vechetals que a mayoría d'animals no pueden ubrir u dicherir, por estar masa bastos u fibrosos, y gosa estar a sola especie en o suyo habitat que espleita ixas fuents d'alimento.

Entre a fracción de carne en a suya dieta, consume más que más uevos d'aus, radedors, conellos asilvestraus, insectos y larvas y carnuzos que se trobe. Como atros onsos, puede emprender-la con as arnas d'as abellas domesticas.

Imáchens[editar | modificar o codigo]

Referencias[editar | modificar o codigo]

  1. (en) Servheen, C., Herrero, S. and Peyton, B. (1999). Bears: Status Survey and Conservation Action Plan. IUCN/SSC Bear and Polar Bear Specialist Groups, IUCN, Gland, Switzerland and Cambridge, UK.
  2. (en) LaFee, Scott (2009-09-07). "Hanging on, bearly: South America's only bear species struggles to avoid extinction". SignOnSanDiego.Com. The San Diego Union-Tribune. Retrieved 2009-09-09.
  3. (en) Nowak, R.M. (1991). Walker’s Mammals of the World.'. The Johns Hopkins University Press, Baltimore and London, ISBN 0801857899.

Se veiga tamién[editar | modificar o codigo]

Vinclos externos[editar | modificar o codigo]