Uevo

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Bels uevos d'aus y atros animals

Un uevo[1] (pronunciau /ˈbwɛbo/ u /ˈgwɛbo/, como "buevo" u "güevo" respectivament, por protesi debant de diftongo), uego[2] u ou (en aragonés benasqués)[3] (d'o latín < OVUM) ye un cuerpo mas u menos arrondiau y de dureza variable que producen as fembras de muitos animals, y que sirve pa guardar y sustentar o cigoto y dimpués l'embrión dica que naixca. L'acción por a cual a fembra libra o uevo a l'exterior se describe con os verbos «ficar o uevo» u «meter o uevo» en aragonés.

Meten uevos os vertebraus oviparos, en os cuals no i ha sique una mica u garra desarrollo adintro de su mai, y tamién muitos invertebraus. O uevo ye a forma clasica de reproducción de muitos peixes, amfibios y reptils, de todas as aus, os mamiferos monotremas y a mayoría d'insectos y aracnidos.

Casca[editar | modificar o codigo]

Ta más detalles, veyer l'articlo casca de uevoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O uevo d'os reptils, as aus y os monotremas presenta una cubierta de carbonato calcico dita casca[4] u cosca[5]. En La Iglesuela se conserva a denominación de clasca.[6]

Uevo amniotico[editar | modificar o codigo]

Ta más detalles, veyer l'articlo uevo amnioticoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Aus, reptils y mamiferos fan servir o uevo amniotico t'o desembolique d'os suyos embrions. Os dos primers grupos presentan un uevo protechito per un embolique externo recio. A cosca guarancia la protección de l'embrión y reduz l'efecto d'os achents atmosfericos sobre iste. Antiparti actúa como filtro contra achents patochenos.

Referencias[editar | modificar o codigo]

  1. (an) Estudio de Filología Aragonesa: Propuesta ortografica de l'Academia de l'Aragonés, Edicions Dichitals de l'Academia de l'Aragonés, Zaragoza, octubre de 2010; 2ª edición, aviento de 2010.
  2. (an) Diccionario Aragonés-Castellano/Castellano-Aragonés. Fernando Romanos Hernando. Edicions Transiberiano. ISBN 978-84-16825-16-5. Zaragoza, 2017.
  3. (es) Huevo en Aragonario. Diccionario Castellano-Aragonés
  4. (es) Pilar Mendiara Ornat, Alicia Pérez Barcos, Josefina Mendiara Gastón, Montse Castán Arnal: Diccionario del dialecto ansotano. Villa de Ansó, 2003. p 27.
  5. (es) Fernando Blas Gabarda, Fernando Romanos Hernando: Diccionario Aragonés: chistabín-castellano. (Bal de Chistau). Gara d'Edizions, 2008, p 171.
  6. Julián Rochela, Carlos: El Habla de La Iglesuela del Cid. Mira Editores, 1998, p 43.