Mar Roya

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Mar Roya
لبحر الأحمر - ים סוף
Ocián u mar d'a IHO (n.º id.: 37)
Imachen por satelite d'a mar Roya
Imachen por satelite d'a mar Roya
Localización administrativa
Estau Flag of Egypt.svg Echipto
Flag of Sudan.svg Sudán
Flag of Eritrea.svg Eritrea
Flag of Djibouti.svg Chibuti
Flag of Somalia.svg Somalia
Flag of Israel.svg Israel
Flag of Jordan.svg Chordania
Flag of Saudi Arabia.svg Arabia Saudita
Flag of Yemen.svg Yemen
Cheografía
Oceano Oceano Indico
Continents Africa-Asia
Mars mugants Golfo d'Adén
Ciudatz costeras Assab, Massawa, Hala'ib, Port Sudan, Port Safaga, Hurghada, El Suweis, Sharm el-Sheij, Eilat, Aqaba, Dahab, Jedda y Al Hudaydah
Accidents
 • Golfos y badías Golfo d'Aqaba y golfo de Suez (canal de Suez)
Superficie 450.000 km²
Largaria maxima 2.200 km
Amplaria maxima 335 km
Fondura meyana 500 m
Fondura max. 2.130 m
Mapa
Situación d'a mar Roya
Situación d'a mar Roya

A Mar Roya[1] u Mar Royo (en arabe Bahr el-Ahmar) ye un golfo de l'Oceano Indico situato entre Africa y Asia. A lo sur, a Mar Royo se chunta con l'Oceano Indico por o estreito de Bab el-Mandeb y o golfo d'Adén. A lo norte se troba a peninsula d'o Sinai, o golfo d'Acaba y o canal de Suez (que premite a comunicación con a Mar Mediterrania). A Mar Roya tien poco más de 1900 km de largaria, por un amplo maximo de 300 km y una fondura maxima de 2500 m, con una fondura meyana de 500 m. A superficie d'a Mar Roya ye de bells 450.000 km². Ye poblata por más de 1.000 especies d'invertebratos, 200 especies de corals y 300 especies de tiburons.

As temperaturas d'a superficie son relativament estables, entre 21 y 25 °C. A visibilidat ye prou buena dica os 200 m de fundo pero se pueden devantar a escape aireras fuertes y as corrients se tornan riesgosas.

A creyación d'a Mar Roya se debe a la deseparación d'Africa y a Peninsula Arabica (Asia). O movimiento prencipió fa bells trenta millons d'anyos y contina hue, o que esplica a existencia d'una actividat volcanica en as partis más fundas d'iste mar.

Os países situatos a o canto d'a Mar Roya son Echipto, Sudán, Eritrea e Chibuti en o veral africano y Israel, Chordania, Arabia Saudita y Yemen en o veral asiatico.

Bellas ciudatz en a costa d'a mar Roya son: Assab, Port Sudan, Port Safaga, Hurghada, Suez, Sharm el-Sheikh, Eilat, Acaba, Dahad, Jedda y Al-Hudaidah.

Toponimia[editar | modificar o codigo]

Os griegos deciban a esta mar Eruthra Thalassa (a "Mar Roya") y os romanos lo traducioron como Mare Erythraeum. En aragonés medieval bi ha referencias a la "Mar Roya", por eixemplo en o "Libro d'o Trasoro":

qui es departido en dos braços: "vna que mueue deues Persia, lotro que viene deues Arabia. Et sabet que en la ribera de la mar Roya es una fuent de tal natura que si los ne beuen, lego en aquel punto mudan la color de la tondidura de los carneros dentro la piel; e aquella color crexe e viene,

Referencias[editar | modificar o codigo]

  1. Dawn E. Prince (ed.). The Aragonese version of Brunetto Latini's Libro del trasoro. Madison, 1995