Sant Per (Toledo d'a Nata)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Sant Per, que ye un lugar en a Fueva. Ta altros usos de «Sant Per» se veiga Sant Per (desambigación).

Sant Per Samper
Lugar d'Aragón
Sant Per dende a carretera N-260.
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	16 hab. (2024)
Altaria  • Meyana	747 m.
Distancia  • 126 km  • 16 km  • 10 km	enta Uesca enta l'Aínsa enta Tierrantona
Codigo postal	22452
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Roque
Coordenadas
Sant Per Sant Per en Aragón

Sant Per (oficialment, en castellano, Samper, enantes Samper de Toledo de Lanata) ye un lugar aragonés d'o municipio d'a Fueva, en a comarca de Sobrarbe y a provincia de Uesca. A suya población ye de 20 habitants (2011).

Fue a capital d'o municipio historico de Toledo d'a Nata, dica que l'achuntamiento desapareixió absorvido por o municipio de a Fueva en a decada de 1960.

Cheografía

Sant Per se troba en o lemite d'un cantimplano que baixa dende os arredols de a Cabezonada dica o río d'a Nata, a on que i remata en una espuenda de bella docena de metros sobre o río. As casas de Sant Per se troban en l'altro d'ixa espuenda, aman d'a carretera nacional N-260 en o suyo transecto Campo-L'Aínsa. Cuan se dentra en Sobrarbe por o puerto d'a Foradada, Sant Per ye o segundo nuclio de población que se troba en a man dreta d'a carretera, y, a demés, ye a on remata la baixada d'o puerto y a carretera comienza a fer plano.

Como toda a redolada d'o que va estar o Toledo d'a Nata, sinyorea por alto de Sant Per a sierra Ferrera. En a man cuentra d'a Nata ye a on se troba os lugars de l'Atiart y Sant Chuan, que s'envistan dende lugar.

Urbanistica

Todas as casas de Sant Per son arredol d'a plaza, que ha nombre «Plaza de Toledo de La Nata», tan significativo. A ilesia parroquial, consagrada a l'advocación de Sant Per apóstol, le da nombre a la población, y tamién ye colindadera con a plaza en o suyo costau sud-ueste, sin garra altro edificio adosau.

Por tot o lugar, alto d'as puertas d'as casas, i ha recholas pintadas con o nombre de cada casa. Ista iniciativa se va sacar t'adebant fa relativament pocos anyos, y gracias a la suya presencia un se i puede paseyar y acatar os nombres d'as casas que tan a sobén son nombres d'altros lugars d'a redolada, de toda a comarca, u tamién apellidos comuns.

Demografía

Evolución demografica

1992 1994 1996 1997 1998 1999 2000 2001 2002 - - - - - - 23 23 21

2003 2004 2005 2006 2007 2008 2009 2010 2011 22 21 22 23 23 22 23 20 20

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Imáchens

• 
  Rechola en a plaza.
• 
  Ilesia de Sant Per apóstol.
• 
  A plaza de Sant Per, con a ilesia.
• 
  As casas de Sant Per tienen o nombre inscrito en racholas alto d'a puerta. Belunas tienen nombres que recuerdan a lugars d'a redolada (Griébal).

Fiestas

• 15 d'agosto, Fiesta Mayor de Toledo d'a Nata, fendo-le honras a Santa María de l'Asumpción, que se celebra de conchunta con os vecins de a Cabezonada, con Sant Chuan, Fuent de Campo y Fosau.
• 16 d'agosto, Fiesta Mayor propia d'o lugar, fendo-le honras a Sant Roque.
• 4 d'aviento, Fiesta d'hibierno, fendo-le honras a Santa Barbara.

Vinclos externos

• Se veigan as imáchens de Commons sobre Sant Per.

• Datos: Q9073242
• Multimedia: Samper de Toledo de Lanata / Q9073242