Tamarix

*Tamarix*
Tamariza en Alcheria
Denominacions populars
tamariza, tamarices
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Caryophyllales
Familia:	Tamaricaceae
Chenero:	Tamarix
Descripción
Tamarix L.,
Especies:
Se veiga o texto

As tamarizas^[1]^[2] u tamarices^[1]^{[nota 1]} (nombre cientifico Tamarix, d'o latín tamarīce) son un chenero d'arbustos propios de zonas secas y salobrals u suelos salobrencos.

Descripción

Son arbustos con fuella perén u caduca u árbols chicos entre 1 y 15 m d'altaria.

As ramas son finas y o follamen gris verdenco. A crosta d'as brancas chóvens ye lisa y royenca-parda. Con a edat se fan rugosas y de color porpra. As fuellas tienen 1–2 mm y se solapan, a sobén tienen secrecions incrustadas de sal.

As flors son blancas u rosencas, están en densas masas de 5–10 cm en as puntas d'as brancas en primavera y verano (fueras de T.aphylla).

Cada flor puet producir mils de simients d'1 mm de diametro, contenidas en una chicota capsula por un regular adornada con una tufa de pelos que aduyan a que l'aire se las leve (dispersión anemofila). Tamién pueden dispersar-sen con l'augua. A cherminación desiche que o suelo siga saturau muitos días.

Ecolochía

En os salobrals plegan a tolerar dica 15000 ppm de NaCl y tolerar alcalis. Ye capable d'aproveitar l'augua soterranya, con una radices que plegan dica o livel freatico. Aturan a expansión d'atras plantas absorbendo sal que acumulan en o suyo follamen en forma de concreccions que dimpués cayen a lo suelo, a on se concentra estando verenoso pa atras plantas. Tamién ye adaptau a cremar-se y tornar a rechitar.

Especies

En a val d'Ebro a especie mes comuna de tamariza ye Tamarix gallica, pero en a salada de Chiprana a que ye present ye Tamarix boveana. Son intresants as selvas galería de tamarizas en a Val Cuerna, o tamarizal d'o vedau de Penyaflor y o tamarizal d'o Planerón.

Notas

↑ Tanto femenín como masculín.

Referencias

1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 29

Datos: Q164163
Multimedia: Tamarix / Q164163
Especies: Tamarix

[3] Tanto femenín como masculín.

[DACC-1] 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[2] (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 29

[1]

[2]

[nota 1]