Tamarix

De Biquipedia
Ir ta: navego, busca
Tamarix
Tamaris3.jpg
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Caryophyllales
Familia: Tamaricaceae
Chenero: Tamarix
Nomenclatura binominal
Tamarix
L.

Tamariza ye a denominación común d'as especies d'o chenero Tamarix, propias de zonas secas y salobrals u suelos salobrencos.

Descripción[editar | editar código]

Son arbustos con fuella perén u caduca u chicotz árbols entre 1 y 15 m d'altaria.

As ramas son finas y o follache gris verdenco. A crosta d'as brancas chovens ye lisa y royenca-parda. Con a edat se fan rugosas y de color porpra. As fuellas tienen 1–2 mm e se solapan, a sobén tienen secrecions incrustatas de sal.

As flors son blancas u rosencas, están en densas masas de 5–10 cm en as puntas d'as brancas en primavera y verano (fueras de T.aphylla).

Cada flor puet producir mils de simients d'1 mm de diametro, contenitas en una chicota capsula por un regular adornata con una tufa de pelos que aduyan a que l'aire se las leve (dispersión anemofila). Tamién pueden dispersar-sen con l'augua. A cherminación desiche que o suelo siga saturato muitos días.

Ecolochía[editar | editar código]

En os salobrals plegan a tolerar dica 15000 ppm de NaCl y tolerar alcalis. Ye capable d'aproveitar l'augua sotorrana, con una radices que plegan dica o libel freatico. Aturan a expansión d'atras plantas absorbendo sal que acumulan en o suyo follache en forma de concreccions que dimpués cayen a lo suelo, on se concentra estando verenoso pa atras plantas. Tamién ye adaptato a cremar-se y tornar a rechitar.

Especies[editar | editar código]

En a Val de l'Ebro a especie més comuna de tamariza ye Tamarix gallica, pero en a lacuna de Chiprana a que ye present ye Tamarix boveana. Son intresants as selvas galería de Tamarizas en a Val Cuerna, o tamarizal d'o Vedau de Penyaflor y o tamarizal d'o Planerón.