Actitis hypoleucos

De Biquipedia
Ir a la navegación Ir a la búsqueda
Actitis hypoleucos
Actitis hypoleucos - Laem Pak Bia.jpg
Una biecadeta chicota u chifleta (Actitis hypoleucos).
Denominacions populars
biecadeta chicota, chifleta, correrríos chicot[1]
Estato de conservación
Status iucn2.3 LC.svg
Seguro (IUCN)
Clasificación scientifica
Animalia
Chordata
Aves
Charadriiformes
Scolopacidae
Actitis
A. hypoleucos
Descripción
Actitis hypoleucos
Linnaeus, 1758
Distribución cheografica
ActitisHypoleucosIUCNver2018 2.png
Distribución d'a biecadeta chicota u chifleta.

A biecadeta chicota[2] u chifleta[3] (Actitis hypoleucos (Linnaeus, 1758)[4]) ye una au d'a orden d'os Charadriiformes y familia Scolopacidae que mide 18–20 cm de luengo con una envergadura de 32–35 cm. Tien dorso pardo grisenco, dorso blanco, patas y pietz curtos de color amarillenca fosca y pico con base palida y punta fosca. En o plomache d'hibierno, son mas amortaus y tienen una barra mas chocant en as alas, encara que isto nomás ye visible a curta distancia.

A biecadeta chicota u chifleta se reproduz en a mayor parti d'as redoladas d'Europa y Asia atemperadas y subtropicals, y migra ent'Africa, o sud d'Asia y Australia d'hibierno.

A biecadeta chicota u chifleta busca virolla a simple envista en o solero u en auguas mica fundas, replegando virollas chicotas como insectos, crustazios y atros invertebraus; mesmo puede atrapar insectos en vuelo.

Fa niedo en o solero amán de l'augua dulza. Quan se sienten menazaus, os chovens pueden aferrar-se a cuerpo d'os suyos pais pa que os portien a un puesto seguro. [5]

Referencias[editar | modificar o codigo]

  1. (es) Alberto Bueno Mir: Las aves limícolas de Aragón, Instituto de Estudios Altoaragoneses, Revista Lucas Mallada 7, ISSN 0214-8315, 1995, p. 77-104
  2. (es) Miniguía de Ornitología de la Comarca de la Hoya de Huesca / Miniguia d’Ornitolochía d’a Comarca Plana de Uesca, 2016, Comarca Plana de Uesca
  3. (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p. 113
  4. (la) Linnaeus, C. (1758). "Tringa hypoleucos". Systema Naturae per regna tria naturae, secundum classes, ordines, genera, species, cum characteribus, differentiis, synonymis, locis. Volume 1 (Tenth ed.). Holmiae (Stockholm): Laurentii Salvii. p. 149.
  5. (en) Mann, C.F. (1991). "Sunda Frogmouth Batrachostomus cornutus carrying its young". Forktail. 6: 77–78.

Vinclos externos[editar | modificar o codigo]