Río Pena

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pena
Administración
Estaus	{{{estaus}}}
Territorios	Aragón.
Cheografía
Longaria	20 km km
Altaria d'o naixedero	m
Naixedero	Lo Port (Val de Robres),
Desembocadura	Matarranya (auguas ent'alto de Val de Robres)
Superficie d'a cuenca	km²
Cabal meyano	m³/s
Mapa
Lo Pena en Aragón

Lo río Pena (catalán riu Pena), ye un afluent de lo río Matarranya que naixe en la partida de Lo Port de Val de Robres y caye en Matarranya pocos km ent'alto de Val de Robres.

Pasa por lo termin municipal de Val de Robres, fendo de muga con lo de Beceit en un tramo entre la presa de lo entibo de Pena y la boquera de lo riu Racó del Patorrat.

Son tributarios por la suya marguin dreita los ríos Racó del Patorrat y Formenta. Son tributarios por la suya marguin ezquierda los barrancos d'els Figuerals y d'els Ferrers u Rosselló.

En lo tramo entre lo naixedero a piet de lo tozal d'els Tres Reis y lo entibo de Pena traviesa un terreno karstificau por a on trascola l'augua de lo cauz enta lo subsuelo.

Lo entibo de Pena tiene la suya presa en una foz fluvio-karstica entre las sierras d'sierra d'el Cavaller y de l'Arca antes de travesar un anticlinal con lutitas y chesos de facies Keuper (Triasico superior). La zona inundada corresponde a una antiga huerta de Beceit y Val de Robres y plega dica un recolón que ye la suya coda. En los pinars de las marguins de lo entibo bi ha una "colonia" d'alemans que habitan uns chaletz dende mitat de lo sieglo XX.

Auguas enta baixo de lo entibo de Pena gosa baixar seco tanto por la retención d'augua como por la retirada d'augua de lo suyo cauz con las cequias que riegan buena part de las huertas de Val de Robres, en particular La Riera.

Toponimia

L'hidronimo riu Pena corresponde a una variant muit minoritaria de lo catalán penya con una evolución fonetica de la -NN- de lo latín PINNA mes propia de l'occitán pero que yera relativament común en catalán medieval. Fa referencia a l'antiga penya d'Aznar Laganya, vistable penya de calsinera de lo Churasico inferior actualment conoixida como La Caixa por la suya forma.

En Beceit lo río Pena ye conoixiu como riu Sec por plegar cuasi seco a lo Pla de les Tàpies.

Bibliografía

• (es) Carmelo López Esteruelas, Manuel Siurana Roglan: Valderrobres paso a paso. Coedición de lo Concello de Val de Robres, l'Omezyma y l'Asociación Cultural Repavalde. 2005.
• (es) Instituto Geológico y Minero de España: Mapa Geológico de España E 1:50.000. Castelserás. Servicio de publicaciones del Ministerio de Industria y Energía, 1978.
• (es) Instituto Geológico y Minero de España: Mapa Geológico de España E 1:50.000. Peñarroya de Tastavins. Servicio de publicaciones del Ministerio de Industria y Energía, 1978.
• (es) Instituto Geológico y Minero de España: Mapa Geológico de España E 1:50.000. Horta de San Juan. Fuella 496 31-19. Servicio del publicaciones de Ministerio de Industria y Energía, 1985.
• (es) Instituto Geológico y Minero de España: Mapa Geológico de España E 1:50.000. Beceite. Servicio de publicaciones del Ministerio de Industria y Energía, 1985.

• Datos: Q11945742