Río Tastavins

De Biquipedia
Ir a la navegación Ir a la búsqueda
Tastavins
Puent sobre lo río Tastavins cerca de la suya boquera en la Matarranya.
Puent sobre lo río Tastavins cerca de la suya boquera en la Matarranya
Administración
Estatos {{{estatos}}}
Territorios Flag of Aragon.svg Aragón.
Cheografía
Longaria  km
Altaria d'o naixedero  m
Naixedero Penyarroya de Tastavins
Desembocadura Matarranya (entre Val de Robres y La Portellada)
Superficie d'a cuenca km²
Cabal meyano m³/s


Lo río Tastavins ye un afluent de lo río Matarranya que naixe en Penyarroya en lo forcallo de lo barranco d'Escalona y lo barranco de la Escresola.

Pasa por los termins municipals de Penyarroya de Tastavins, Mont-royo, Foz Espalda, Ráfals, la Portellada y Val de Robres, estando muga municipal en muitos tramos.

Considerando ixos dos barrancos y l'afluent riu dels Prats, que se reculle a pocos km auguas enta baixo de Penyarroya, la cuenca alta de lo Tastavins ocupa una part de la provincia de Castellón, con tot lo termin d'Herbers y part de lo termin de Moriella y la Puebla de Benifazán, ye por ixo que los aguaduitos de lo Tastavins son més grans, violentas y inesperadas que las de lo río Matarranya.

Lo río Tastavins traviesa zonas con materials terrichenos d'o terciario, y bi ha tramos a on los estratos d'almendrón s'estricallan formando tormos, d'astí toponimos como Lo Tormassal, que equivalen a los Tormagals d'atras zonas. Aproveitando uns estratos horizontals d'almendrón terciario que descansa sobre unas archila s'ha formado entre los termins de Val de Robres y La Portellada una cadreita dita Lo Salt de la Portellada.[1]

A part de lo mencionau riu dels Prats no tien afluents guaire importants; dende Mont-royo (y con auguas que vienen de puestos tan luent como lo Puerto de Torremiró) baixa lo río Escorza. Los atros afluents son barrancos que desauguan los termins de los lugars de la cuenca y que fueras d'anyos pluviosos u meses con plevias abundants gosan estar secos.

Tien un rechimen torrencial y ya pocos kilometos auguas entabaixo de Penyarroya ya tien muita glera. Bi ha huerta con reganos tradicionals que encara existen pero l'augua de lo Tastavins no ye regulada.

Referencias[editar | editar código]

  1. (es) Alejando Pérez, José Luis Simón, Manuel J. Vivó: Paisajes naturales de la región del Maestrazgo y Guadalope. Instituto de Estudios Turolenses, Mancomunidad turística del Maestrazgo, Teruel 1983, pp97-98


Ríos de la cuenca hidrografica de Matarranya
Marguin izquierda Pena | Tastavins
Marguin dreita Ulldemó | Algars