Machairodontinae

De Biquipedia
Ir a la navegación Ir a la búsqueda
Machairodontinae
Smilodon fatalis Sergiodlarosa.jpg
Reconstrucción infografica de l'aspecto que podeba tener un Smilodon fatalis en vida.
Denominacions populars
Macairodontins
Rechistro fosil
Dende o Mioceno dica o Pleistoceno
Clasificación scientifica
Dominio:
Eukaryota
Reino:
Animalia
Filo:
Chordata
Clase:
Mammalia
Orden:
Carnivora
Suborden:
Feliformia
Familia:
Felidae
Subfamilia:
Machairodontinae
Descripción
Machairodontinae
GILL, 1872

Os macairodontins, scientificament Machairodontinae (en latín), fuen una subfamilia d'a familia d'os felidos de gran mida que en l'actualidat se troba extinctos. Se caracterizaban por a mida d'os dients canins superiors, desenvolicaus dica protruir como catirons difuera d'a boca, razón por a qual asobén se los conoix con o nombre popular de «felidos de dients de sabre».

Descripción[editar | editar código]

Todas as especies de macairodontins conoixidas yeran felidos de mida gran, semellants a qualques especies de panterins modernos. Teneban a coda más curta que en a mayoría de felidos actuals, y as patas zagueras más curtas que as devanteras, por o que se crei que debeban haber sacrificau bella cosa d'achilidat y velocidat en favor d'una mayor fuerza, en comparanza con os atros grupos de felidos consideraus.

A suya principal caracteristica anatomica, a más envistable y a que les ha dau as suyas diferents denominacions populars, ye a mida d'os canins superiors. Istos dients son más desenvolicaus en os adultos que en a resta de felidos conoixius, y en quasi todas as especies yeran tan grans que debeban amaneixer por difuera d'os labios de l'animal en vida. En paralelo a ixes dients, os macairodontins sufrión una modificación de l'articulación temporo-mandibular que les permitiba ubrir a boca en un anglo superior a la resta de felidos, probablement con a sola razón que de liberar totalment a mandibula inferior d'os canins superiors tan granizos, pa poder mosigar.

O conchunto d'as diferenciacions morfolochicas d'o grupo fa pensar que os macairodontins yeran felidos especializaus en fer un tipo de caza que no se fa entre os suyos parients actuals. Se crei que os macairodontins depredaban principalment sobre especies de mamiferos más grans que ellos, a os qui debeban inflichir feridas profundas con os canins y posiblement se retiraban dimpués a distancia prudencial, tot reducindo o tiempo de luita cuerpo-a-cuerpo a lo minimo.

Historia evolutiva[editar | editar código]

Grau d'ubertura de boca en un macairodontino d'o chenero Smilodon.

Un estudio chenetico de l'anyo 2005 trobó que as orichens d'o linache d'os macairodontins yeran diferenciadas d'a resta d'os Felidae modernos bien luego en a escala evolutiva. Isto significa que o primer antipasau d'o grupo se deseparó luego, en a historia evolutiva conchunta d'os felidos, perdendo-se a-escape o vinclo chenetico con o tronco principal (bien luego deixó d'haber-ie hibridación).[1]

Os macairodontins entre ells, manimenos, sí que mantienen (u se considera que mantienen) una homocheneidat con variación acceptable, o que chustificaría d'alcuerdo con os autors d'o estudio mantener una subfamilia clasificativa solo que pa ells.[1]

Historicament s'heba considerau tres tribus adintro d'a subfamilia Machairodontinae: Metailurini u metailurinins, Machairodontini u macairodontinins y Smilodontini u smilodontinins. Actualment os metailurinins se clasifican adintro d'os felins y no pas como macairodontins, considerando-se que a mida levement superior d'os canins d'ixes animals se deben a analochía morfolochica por converchencia adaptativa, y no pas a una verdatera relación filetica.

Tribu Machairodontini[editar | editar código]

Tribu Smilodontini[editar | editar código]

Extinción[editar | editar código]

En cheneral, se considera que a reducción d'as presas de mida gran d'as que dependeban ye entre as causas d'a suya extinción. As zagueras especies de macairodontins vivas fuen miembros d'os cheneros Smilodon y Homotherium, que desapareixón en America d'o Norte y o norte d'Europa respectivament, en o Pleistocén tardano, fa bells 11.000 anyos, por o que heban coexistiu con l'hombre.

Se veiga tamién[editar | editar código]

Referencias[editar | editar código]

  1. 1,0 1,1 (en) Lars W. van den Hoek Ostende, Michael Morlo, Doris Nagel. Fossils explained 52 Majestic killers: the sabre-toothed cats. Blackwell Publishing Ltd, Geology Today, Vol. 22, Num. 4, chulio-agosto de 2006 Abstract en linia.

Vinclos externos[editar | editar código]