Occitanismo (lingüistica)

De Biquipedia
(Reendrezau dende Oczitanismo (lingüistica))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un occitanismo ye un caracter occitán que se troba en una luenga a on este caracter no se trobaba orichinalment. Por la gran influencia que tenió la cultura, literatura y luenga occitana en la Edat Meya, bi ha occitanismos en totas las luengas romances occidentals, y mesmo en luengas chermanicas occidentals como l'anglés u o neerlandés. Los occitanismos de las luengas occidentals se contan por centenas[1] y han teniu como intermediarios lo francés, lo italiano, lo catalán, l'aragonés u lo castellano. Por lo que fa a las luengas iberorromanicas, muitos han entrau por lo Camín de Sant Chaime y con las repoblacions medievals. I heba muitas ciudaz a on i heba burgos con occitans dedicaus a la artesanía (los francos).

Occitanismos en aragonés[editar | modificar o codigo]

Ta más detalles, veyer l'articlo Occitanismos en aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Bi ha occitanismos chenerals en l'aragonés que s'introducioron dende antigo, y mesmo sufixos.

Lo sufixo -ache provién de lo latín -ATICU, se diz que en aragonés haberba evolucionau ta -azgo, -atgo, pero talment reflecte puntos de vista castellanista. O sufixo -ache puet estar perfectament autoctono en aragonés. Palabras en aragonés cheneral con este sufixo son Orache, Mesache, Perche, que se troban tamién en lo castellano d'Aragón como repui de l'aragonés que se i charraba. Tamién ye lo caso de las palabras medievals peache, pontache y canonche (encara lo documenta Arnal Cavero en un refrán de lo Semontano).

Lo sufixo -aire provién de lo latín -ATORE, siguindo la lei fonetica occitana de trasformar -TR- ta -ir-, (FRATER > fraire). Este sufixo equivale a lo sufixo -ador en aragonés actual. En catalán y aragonés lo sufixo -aire s'aplicó a oficios artesanals que no daban guaires ganancias u posibilidaz d'ascenso social, pelaire, chesaire, u a qui se dedica a bellas actividaz que no plegan a estar un oficio cazataire, pescataire, charraire, y en o caso valenciano colombaire. Como en l'anterior sufixo, tamién se troba en lo castellano d'Aragón, en palabras como charraire, yesaire, pelaire.

La terminolochía relichiosa ye en parte d'orichen occitán: flaire (derivau de lo latín FRATER, chirmán, a traviés de l'occitán fraire), confrairía, moncha (derivau de lo latín MONACA), canonche, ecetra...

En las vals pirenencas aragonesas bi ha occitanismos locals presos en cheneral de lo gascón (cauquerre en ansotano; broya en cheso; biera y heus en tensino; limanda en belsetán; rebel en chistabín; pai y mai en chistabín y benasqués), beluns d'ellos que s'agaforon pa fer l'aragonés unificato. Como se puet veyer pai y mai responden a la fonetica occitana, pero no a la fonetica aragonesa, on darían primero patre y matre y dimpués han dau padre y madre.

En aragonés medieval i habió occitanismos presos de lo dialecto lengadocián, como por eixemplo traucar (foratar), con diftongo -au-.

Occitanismos en castellano[editar | modificar o codigo]

Palabras muito usuals en castellano como alojar, antorcha, bosque, carruaje u desastre son d'orichen occitán. Atras palabras con menos emplego como burdel y capellán tamién.

Occitanismos en catalán[editar | modificar o codigo]

Bosc ye un occitanismo que substituyó a la palabra chenuina Selva, que da nombre a una comarca (La Selva).

Refefencias[editar | modificar o codigo]

  1. (fr) Alberto Vàrvaro: Quatorzième Congrès international de linguistique et de philologie romanes. John Benjamins Publishing, 1976, p 194.

Bibliografía[editar | modificar o codigo]

Vinclos externos[editar | modificar o codigo]


O lexico occitán y os occitanismos ampraus por atras luengas
Os occitanismos en galaicoportugués | os occitanismos en astur-leyonés | os occitanismos en castellano | os occitanismos en aragonés | os occitanismos en catalán | os occitanismos en francés | os occitanismos en arpitán | os occitanismos en piemontés | os occitanismos en italiano | os occitanismos en neerlandés | os occitanismos en anglés


Gramatica de l'occitán
Fonetica Accentuación · Fonetica · Fonolochía · H aspirada en gascón
Morfolochía Adverbios · Articlos definius · Articlos indefinius · Chenero · Conchuncions · Determinants · Numerals · Numero · Pronombres (Pronombre personal) · Pronombres adverbials · Prefixo · Sufixo · Preposicions · Verbos · Conchugación verbal (Conchugacions incoativas) · Locucions verbals · Perifrasis verbals
Sintaxi Concordancia · Negación · Sintagma adchectival · Sintagma nominal · Sintagma verbal · Oracions con infinitivo · Oracions impersonals · Orden de pronombres · Voz pasiva
Lexicolochía Antroponimia · Cultismos · Fitonimia · Lexico (Anglicismos · Arabismos · Aragonesismos · Castellanismos · Catalanismos · Celtismos · Chermanismos · Escandinavismos · Eslavismos · Galicismos · Goticismos · Helenismos · Italianismos · Lusismos · Neerlandismos · Persismos · Superstrato francico · Tudesquismos · Turquismos) · Nominalización · Oronimia · Semicultismos · Toponimia · Zoonimia
Ortografía Normas ortograficas de l'occitán