Ludién
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Ludién Ludiente Lludient | ||
| Municipio d'o País Valenciano | ||
| ||
 Envista de Ludién. | ||
| Entidat • Estau • Comunidat • Provincia • Comarca |
Municipio Espanya.svg){kind=small} País ValencianoCastellón Alto Millars | |
| Superficie | 31,40 km² | |
| Población • Total |
140 hab. (2013) | |
| Altaria • Meyana |
431 m. | |
| Distancia • 57 km • 110 km |
enta Castellón de la Plana enta Valencia | |
| Alcalde | Nemesio Abargues Chiva | |
| Codigo postal | 12123 | |
| Coordenadas | | |
| Web oficial | ||
.svg)
Ludién (Ludiente en castellano; Lludient en catalán) ye un municipio de la provincia de Castellón, situau en la comarca de l'Alto Millars y partiu chudicial de Castellón de la Plana.
La suya población ye de 160 habitants (2017), en una superficie de 31,40 km² con una densidat de 5,1 hab/km².
Toponimia[editar | modificar o codigo]
Lo toponimo Ludién presenta la terminación -én, variant arabizada con imala de la terminación -án derivada de lo sufixo -ANUS, que indica propiedat. Ludién se remonta a ELODIANUS propiedat de ELODIUS,[1] nombre d'un latifundista hispanorromano.
L'aragonés local prenió sin cambios la forma transmesa por l'arabe hispano, y la podemos veyer en un texto de 1319, quan Pero Churdán d'Arenoso y la suya muller Marquesa Lopiz de Rada donan propiedatz a su fillo Gonzalvo:
En lo Reino de Valencia los toponimos arabizaus con terminación -én fuoron adaptaus con la terminación -ent en la luenga de los repobladors catalans, (Crevillent, Ontinyent)[2] d'astí que en catalán exista lo exotoponimo Lludient, que dimpués se castellanizó como Ludiente. Lo historiador aragonés de lo sieglo XVI Cheronimo Zurita lo escribiba como Ludient amostrando estas influencias:
Bi ha una partida de lo suyo termin municipal con lo nombre El Chafaret[3].
Cheografía[editar | modificar o codigo]
La localidat de Ludién ye en la marguin ezquierda de lo río Linars auguas ent'alto de lo recolón cosirau por lo castiello de Buei Negro, a lo sud de la sierra de Penyagolosa y a 431 metros d'altaria sobre lo livel d'a mar, a una distancia de 57 km de la ciudat de Castellón de la Plana, la capital de la suya provincia, y de 110 km de la ciudat de Valencia, la capital de lo País Valenciano.
Pedanías y mases[editar | modificar o codigo]
Bi ha tres pedanías La Chiraba, Benachera y La Raduela, pero en realidat bi ha un habitat ixemenau historico con unas quantas masadas y casals. A mitat de lo sieglo XIX lo diccionario de Pascual Madoz informaba sobre bellas 24 masadas que complegaban 326 vecins, un tercio de la población municipal. D'entre sieglo XX buena part d'estos mases han quedau despoblaus:
- Benachera. Conchunto de casas a cinco km a l'ueste de Ludién. Tiene una ermita adedicada a Santa Rosa de Lima, puesto de pelegrinache de la villa y atros puntos de la comarca. Ye una de las pocas masadas habitadas de lo termin.
- Casa Tadeo. Conoixida tamién como Masía Tadeo. Ubicada a l'ueste de lo termin municipal, tiene una fuent.
- Mas d'Arriba. Situau entre los termins de Ludién y de Cirat. Tamién s'ha dito mas de la Belenguera.
- El Jaqués. Ye a lo nord-este de lo lugar.
- El Molar. Ye a l'este de lo lugar, a canto de lo termin municipal d'Archelita.
- La Casa Blanca. Ye la masada mes occidental de lo termin, cerca de Zucaina.
- La Caseta. Se troba en lo centro de lo termin municipal, a bells 1.000 m a lo norte de lo lugar de Ludién.
- La Casilla. Ye a lo norte de lo termin municipal, a canto de lo termin de lo Castiello de Villamalefa.
- La Cervera. Esta masada ye a l'este de lo termin municipal, cerca de la muga con Archelita. Conserva un alchub.
- La Corraliza. Mas situau a l'ueste de lo termin, muit cercano a lo de l'Hostal.
- La Crebá. Ye a l'ueste de lo lugar de Ludién, conectau con un camín con lo Mas d'el Cabezo.
- La Granella. Esta masada ye sobre la mesma muga municipal entre Ludién y lo Castiello de Villamalefa. Tiene una vintena d'edificacions, que s'alzan en un cantimplano.
- La Morilla. Ye a lo nord-este de lo lugar de Ludién.
- La Noguereta. Este mas ye en lo cabo sud-ueste de lo termin, a canto de los de Tuega y Torrechiba y de lo barranco de Santana. Cerca tiene lo endreito torrechibero conoixiu como lo Pozo Negro. Ha estau rehabitau.
- La Puebla. Esta masada ye una de las mes cercanas de lo lugar de Ludién, a bells 500 metros en dirección ueste, seguindo lo camín de Lucena.
- La Reduela. Masada situada en lo cabo este de lo termin municipal, a canto de lo de Lucena. Estió un de los mases de mes población, dica lo punto que se pensó posar en marcha una escuela quan la II Republica Espanyola. Fue abandonau en lo decenio de los anyos 60 de lo sieglo XX. A primers de la centuria vinient se rehabilitó beluns de los edificios de la masada y hue ye habitada.[3]
- L'Artijuela. Este mas ye a l'ueste de Ludién, a canto de lo termin de Tuega.
- L'Hoya de l'Agua. Ye en centro de lo termin, enta lo norte de lo lugar. Tiene una fuent.
- Los Cubos de Royo. En la part oriental de lo termin, los edificios que composan la masada son en lo cabalto d'una loma. Ye en lo recorriu de lo camín de Lucena.
- Los Ingleros. Situada en la partida homonima, esta masada ye en lo sud-ueste de la villa.[4]
- Los Majuelos. Este mas ye un de los mes cercanos a Ludién, auguas entabaixo de lo río Linars. Tiene una fuent.
- Los Mores. Este conchunto de mases ye a l'ueste de la villa, cerca de la raya con lo termin de Cirat y en lo versant sud de la rambla de Santa Ana. Con 16 casas y 34 habitadors en lo cens de 1901, estió una de las masadas mes pobladas. Tenió uns quantos edificios publicos, como forno, trinquet, lavadero y escuela, que permaneixió ubierta dica l'anyo 1966, decenio quan se despobló. Lo toponimo proviene de lo apelliu Mor, común entre los masovers. Lo cens de 1895 sinyala a quatro personas con este apelliu residents en la masada. En este indreito naixió Rafael Edo, sanador a qui se li ha dedicau una carrera en lo lugar de Cirat.
- Los Tal. Ye en lo cabo occidental de lo termin, cerca de la muga a on complegan los termins de Zucaina, Aranyuel, Cirat y Ludién.
- Los Vidales. Masada situada a l'ueste de lo nuclio urbán, cerca de Masia Cabezo, de que yera unida con una senda. La suya denominación provién de l'apelliu de la familia de masovers, Vidal.
- Los Zafones. Masada situada a l'ueste de lo nuclio urbán. La suya denominación proviene de l'apelliu de la familia de masovers, Zafón.
- Mas de Ángel. Ye en lo cabo oriental de lo termin.
- Mas de Benito. Esta masada ye en lo nord-ueste de Ludien, cerca de Benachera.
- Mas de Gil. S'alza en lo cabo oriental de lo termin, cerca de l'antigo camín de Lucena. Cerca transcurre la pista que comunica la Reduela con la Masía de Gasque. Este mas ha recibiu tamién lo nombre de mas de Patirás.
- Mas de Pradas. Este mas ye en la part occidental, muit cerca de Los Mores.
- Mas de Vicenta. Ye en dirección este de lo nuclio urbán. Ye puesto de paso de l'antigo camín a Lucena.
- Mas d'Elvira. Ye en lo cabo este de lo termin municipal.
- Mas d'Espelleta. Este mas ye en la part occidental, adintro de la conoixida como Partida de Los Mores.
- Masía de Gasque. Esta masada ye en lo cabo nord-este de lo termin municipal. Tiene un conchunto de casas en estau d'abandonamiento.
- Masía de Juan Edo. Este mas ye en lo cabo nord-este de lo termin municipal de Ludién. En la suya redolada bi ha dos esplugas: la cueva de Juan Edo y la coveta de Juan Edo.
- Masía de Fuente la Higuera. Ye un de los mases mes cercanos a lo nuclio urbán, encara trobando-se a lo sud. Se composa d'un conchunto d'edificios, actualment en enruna.
- Masía d'el Cabezo. Ye en lo cabalto d'un cabezo, de que recibe la denominación, a una distancia de bells 1.500 m a l'ueste de Ludién. Tamién s'ha dito Masía de Mingoyerbas.
- Masía d'el Cabezo Royo. Este mas ye a lo nord-ueste de lo nuclio urbán. Actualment ye en situación d'enruna.
Luengas y parlas[editar | modificar o codigo]
Actualment en Ludién ye una localidat castellanoparlant, charrando-se en la suya variant churra. La parla churra s'orichinó por castellanización de l'aragonés que se charró en la comarca en la baixa Edat Meya, quan manimenos Ludién yera poblau por moriscos que charraban l'algarabía u arabe hispano. La expulsión de los moriscos de 1609 suposó una substitución poblacional y tamién lingüistica.
Bi ha aragonesismos como chemecar y chemeque. Bi ha una desinencia personal en -bis en cuenta de ís pa tiempos como lo condicional y lo futuro (si supierabis lo que hago).[4]
Demografía[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Administración[editar | modificar o codigo]
Alcaldes[editar | modificar o codigo]
| Lechislatura | Nombre | Partiu politico |
|---|---|---|
| 1979–1983 | Jesús Abel Ibáñez Rocher | Unión de Centro Democrático |
| 1983–1987 | Octavio Solsona Negre | Alianza Popular |
| 1987–1991 | Benjamín Chiva Cruz | Partit Socialista del País Valencià-PSOE |
| 1991–1995 | Benjamín Chiva Cruz | Partit Socialista del País Valencià-PSOE |
| 1995–1999 | Benjamín Chiva Cruz | Partit Socialista del País Valencià-PSOE |
| 1999–2003 | Nemesio Abargues Chiva | Partido Popular |
| 2003–2007 | Nemesio Abargues Chiva | Partido Popular |
| 2007–2011 | Nemesio Abargues Chiva | Partido Popular |
Vinclos externos[editar | modificar o codigo]
- (es) Información de Ludient en la pachina web de la Cheneralidat Valenciana.
Referencias[editar | modificar o codigo]
- ↑ (es) Joan Carles Membrado Tena: Etimología y semántica de topónimos municipales valencianos y aragoneses. Actes de la VII Jornada d'Onomàstica. Xerica 2013. pp. 239-254, AVL, València.
- ↑ (es) Javier Terrado Pablo: Metodología de la investigación en toponimia. Editor: Javier Terrado Pablo, 1999. p 92.
- ↑ (ca) Garcia Osuna, Antoni: Fluïdesa semàntica i variació regional en hidrònims de les comarques valencianes de parla xurra. En: Quaderns de filologia. Estudis lingüístics, 2015, Nº 20, p 220.
- ↑ (es) Isabel Alba: El habla de Ludiente. Castellón. Deputación Provincial de Castellón. 1986.
| Municipios d'a comarca Alto Millars | |
|---|---|
| Aranyuel | Archelita | Ayódar | Castiello de Villamalefa | Cirat | Cortes d'Arenoso | Espadiella | Fanzara | Fuent la Reina | Fuents d'Ayódar | Ludién | Montanellos | Montán | Puebla d'Arenoso | Tuega | Torralba | Torrechiva | Vallat | Villafermosa | Villamalur | Villanueva de la Reina | Zucaina |