Fuero de Daroca

De Biquipedia
Ir a la navegación Ir a la búsqueda

O Fuero de Daroca son o fuero d'estremadura concediu por o conte y prencipe d'Aragón Remón Berenguer IV de Barcelona a la ciudat de Daroca en 1142.

Orichen[editar | editar código]

Pareixen redactaus en base a os Fueros de Soria que concedió a la ciudat castellana o rei d'Aragón y Pamplona Alifonso I en 1129. O texto dau a la ciudat aragonesa por o conte y prencipe d'Aragón Remón Berenguer IV pareixe una recopilación d'os anteriors, encara que beluns d'ells fuoron redactaus en a mesma Daroca.

Expansión[editar | editar código]

Os Fueros de Daroca s'estendillaban dica Benatanduz, y puet estar que con bella alteración dica Teruel, a on estioron en vigor dende a conquiesta de Tirwal en 1171 por parti d'o rei Alifonso II d'Aragón o Casto, dica que iste rei i concedió uns fueros especificos, os Fueros de Teruel el 1176.

Valoración[editar | editar código]

Os Fueros de Daroca, conchuntament con os Fueros de Calatayú y os Fueros de Teruel, constituyiban os tres grans fueros d'a Estremadura aragonesa, que atorgaba una gran autonomia a os Consellos y notables excepcions fiscals y melitars ta favoreixer-ne a colonización. Asinas mesmo, os Fueros de Daroca en concreto destacan por a protección d'o ciudadán local debant d'o forano, a on son encara mas exichents que no os Fueros de Calatayú, encara que bi ha menos tolerancia contra l'homicidio de foranos. Tamién destaca por protecher a la familia lechitima y no permiten que en o testamento se deixe a un fillo una parti menor que a un atro; i apareixe tamién o dreito d'a troncalidat.

Bibliografia[editar | editar código]

Vinclos externos[editar | editar código]