Mississippi Burning

De Biquipedia
[[{{{4|Wikipedia:Articlos destacaus|...]]
Mississippi Burning
Títol Mississippi Burning
Póster d'a cinta.
Póster d'a cinta.
Ficha tecnica
Dirección Alan Parker
Aduyant de dirección Aldric La'auli Porter
Dirección artistica John Willett
Producción Frederick Zollo
Robert F. Colesberry
Disenyo de producción Philip Harrison
Geoffrey Kirkland
Guión orichinal Chris Gerolmo
Basau en Os asasinatos de Chaney, Goodman y Schwerner
Musica Trevor Jones
Soniu Robert J. Litt
Elliot Tyson
Rick Kline
Danny Michael
Fotografía Peter Biziou
Montache Gerald Hambling
Escenografía Jim Erickson
Vestuario Aude Bronson-Howard
Maquillache David Forrest
Peluquería Paul LeBlanc
Actors Gene Hackman
Willem Dafoe
Frances McDormand
Brad Dourif
Michael Rooker
R. Lee Ermey
Gailard Sartain
Stephen Tobolowsky
Pruitt Taylor Vince
Datos y cifras
País(es) Estaus Unius
Anyo 1988
Debantadera 2 d'aviento de 1988 Washington, DC (Estaus Unius)[1]
9 d'aviento de 1988 Estaus Unius[1]
Chenero(s) Cine d'intriga
Cine policiaco
Cine de drama
Durada 128 min.
Idioma(s) Anglés
Companyías
Productora(s) Orion Pictures
Distribución Orion Pictures
Presupuesto 15 millons de dólars
Recauto 34,6 millons de dólars
Informacions en bases de datos especializadas:
Póster editau por o FBI amostrando las fotografías d'Andrew Goodman, James Chaney y Michael Schwerner dimpués d'a suya desaparición en 1964.
L'actor Gene Hackman, en o papel de Rupert Anderson.
L'actor Willem Dafoe interpreta a Alan Ward.
L'actriz Frances McDormand interpreta a Mrs. Pell.
Una cruz cremando-se, simbolo d'o Ku Klux Klan.
L'actor Brad Dourif, en o papel d'aduyant d'o sheriff Clinton Pell.
L'actor R. Lee Ermey interpreta a l'alcalde Tilman.
L'actor Stephen Tobolowsky interpreta a Clayton Townley.
L'actor Michael Rooker interpreta a Frank Bailey.
L'actor Kevin Dunn interpreta a l'achent d'o FBI Monk.
Michael Schwerner, un d'os activistas de dreitos civils asasinaus.
Andrew Goodman, un d'os activistas de dreitos civils asasinaus.
James Chaney, un d'os activistas de dreitos civils asasinaus.
Cartel recordatorio d'os asasinatos de Chaney, Goodman y Schwerner.
Memorial en a honor d'os tres asasinaus.

Mississippi Burning (títol orichinal en anglés, en aragonés Mississippi ardendo, enguerada en Aragón con o títol en castellano de Arde Mississippi) ye una cinta de drama d'intriga policiaca dirichida en 1988 por Alan Parker seguntes un guión orichinal de Chris Gerolmo (basau en feitos reals), con una banda sonora orichinal de Trevor Jones y una dirección de fotografía de Peter Biziou. Producida por Frederick Zollo y Robert F. Colesberry ta la productora Orion Pictures, en l'elenco d'a cinta se troban actors como Gene Hackman, Willem Dafoe, Frances McDormand, Brad Dourif, Michael Rooker, R. Lee Ermey, Gailard Sartain, Stephen Tobolowsky u Pruitt Taylor Vince, entre d'atros.

Chris Gerolmo escribió lo guión d'a cinta en basando-se en un caso real, os asasinatos de Chaney, Goodman y Schwerner, cuan en chunio de 1964 personaches vinclaus a lo Ku Klux Klan (KKK) asasinoron a tres activistas por os dreitos civils, James Chaney, Andrew Goodman y Michael Schwerner, en a localidat de Philadelphia, en l'estau de Mississippi, con a complicidat u mesmo participación activa de miembros d'a policía local. Gene Hackman y Willem Dafoe en son os protagonistas, en interpretar a dos achents d'o FBI encargaus d'a investigación d'o caso, con l'animadversión y hostilidat d'a población local que, por motivos racistas, refirma l'actuación d'o KKK en l'asasinato.

Ambientada en 1964 en o ficticio condau de Jessup, en Mississippi, Mississippi Burning se rodó en os estaus d'Alabama y Mississippi. En o suyo enguero, la cinta recibió criticas por parte d'o movimiento de dreitos civils y d'as familias d'os tres activistas asasinaus por o suyo tractamiento d'o caso. A critica cinematografica que recibió la cinta ye a sobén positiva, con mencions a las actuacions de Hackman, Dafoe y Frances McDormand y fació un recaudo en o suyo enguero de 34,6 millons de dólars frent d'una inversión de nomás que 15. Antiparte, Mississippi Burning recibió 7 nominacions a los Premios Oscar (incluyindo-ie l'Oscar a la Millor Cinta) y en ganó uno, l'Oscar a la Millor Fotografía.

Argumento[editar | modificar o codigo]

En o verano de l'anyo 1964, tres chóvens activistas d'o movimiento de dreitos civils (un d'éls afroamericano, estando os atros dos chodigos) se troban en o condau de Jessup, en Mississippi, en una campanya mientres a luita por os dreitos civils en ixe estau, en animando a la población afroamericana a rechistrar-se ta poder votar en as eleccions. Detenius por a Policía local, inmediatament dimpués d'estar liberaus en plena nueit son perseguius y asasinaus a tiros por un grupo de miembros d'o Ku Klux Klan (KKK) trobando-se entre éls mesmo l'aduyant d'o sheriff. Dimpués de l'asasinamiento, ocultan os suyos cadavres y l'auto que feban servir os asasinaus en os chapazals d'a redolada.

En constatar la desaparición d'os tres activistas, o FBI ninvía a dos d'os suyos achents, Alan Ward y Rupert Anderson, a investigar en a localidat a on se trobaban os tres activistas cuan desaparixioron. Ward y Anderson tienen mentalidaz bien diferents. Ward ye muito mas choven, provién d'o norte d'Estaus Unius y él mesmo ha estau un activista en a luita por os dreitos civils. Tanimientres, Anderson ye un antigo aduyant d'o sheriff en un lugarón d'o mesmo estau de Mississippi. Ixo se reflexa en a forma que cadagún d'els aborda la investigación: Ward la fa sin mover-se ni un milimetro d'as instruccions chenerals que dicta lo FBI ta las investigacions, pero Anderson, muito mas curtiu y con muita mas experiencia en a vida real, sabe que ta conseguir rematar a investigación cal estar mas practico. En principiar as investigacions, troban en primeras que los habitants d'o lugar no lis dicen cosa porque en realidat toz son baixo lo control d'o sheriff Ray Stuckey y d'os suyos aduyants, muit vinclaus a lo KKK: a población blanca d'o lugar ye en a suya mayor parte racista y refirma l'actuación d'o KKK, y la población negra ye con a coda preta debant d'os ataques que lis fa lo KKK, con menazas d'asasinato, palizas u incendios en as suyas casas y propiedaz. Asinas, cuan Ward aborda en publico a un ciudadán negro cualsiquiera ta interrogar-lo, a lo día siguient ixe negro ye secuestrau, palizau y albandonau debant d'a oficina a on se troban os miembros d'o FBI, amostrando clarament que ye lo KKK qui controla lo lugar.

Continando con a investigación, plegan en a conclusión de que la oficina d'o sheriff ye complicada y que cuan engarcholoron a los activistas yera ta dar tiempo a lo KKK ta organizar-se ta lo suyo asasinato, que s'escaició bien luego d'estar liberaus por o sheriff cuan comprobó que o KKK ya yera preparau. Tanimientres, o sheriff Ray Stuckey tien coartada solida, mesmo que toz os suyos aduyants, pero un d'els, Clinton Pell, nomás tien como coartada que la palabra d'a suya muller. Consiguen detener a bels miembros d'o KKK pero cuan plegan en un chuez local, iste los dixa libres. Ward compren que cal dixar a Anderson ta que contine la investigación a la suya manera, porque en a forma que él ha emplegau dica l'inte no ha conseguiu cosa. Anderson li diz que cal acusar a los culpables no d'asasinato, so que de vulnerar os dreitos civils, y asinas l'acusación será debant d'un tribunal federal y no debant d'un tribunal local condescendient con os delictos.

Anderson organiza una trampa ta l'alcalde d'o lugar, Tilman, que se troba secuestrau y menazau por un achent negro encubierto d'o FBI, qui li suchiere que pueden capar-lo. Fendo servir ixe falso secuestro, Anderson logra que l'alcalde d'o lugar explique detalladament cualos estioron os feitos, que son conoixius por toz os habitants d'o lugar. Ward presiona a Anderson ta que consiga que la muller de Pell desmienta la suya coartada. Anderson, qui ha plegau a tener una buena relación con a esposa de l'aduyant d'o sheriff Clinton Pell, consigue que finalment li revele en una conversación discreta que los tres hombres desapareixius han estau asasinus y que los suyos cuerpos han estau envolcaus en un espondal en o lapayón, y asinas pueden localizar a los cadavres. Tanimientres, o KKK remata por conoixer la fuent que ha permitiu ixa localización y la reacción de Pell cuan li dicen que la suya muller ye qui ha dau la pista a o FBI ye de bataniar-la dica lo punto de ninviar-la a l'hospital.

Como Anderson y Ward ya conoixen os nombres d'os implicaus en l'asasinato d'os activistas, paran una trampa ta atrayer-los a una falsa reunión convocada por o dirichent local d'o KKK, veyer a suya reacción y ficar-lis niervos dencima. Como son ascuitando lo que se i diz, deciden concentrar-se en Lester Cowens, qui parixe estar una mica ababol y que ye amás qui ha amostrau estar mas niervoso en a falsa reunión. Consiguen presentar-lo como disposau a charrar con o FBI y, fendo servir ixo como desincusa, se fan pasar como falsos miembros d'o KKK, li plantan una cruz de fusta debant d'a puerta d'a suya casa y la creman, exactament como gosan fer os miembros d'o KKK a los suyos enemigos, y finalment organizan un falso secuestro fendo-se pasar por miembros d'o KKK y principian a aforcar-lo en un árbol, encara que bien luego plegan Anderson y Ward y fan fuyir a los falsos miembros d'o KKK, salvando a Cowens d'una aparent muerte inminent. Con ixo consiguen que Cowens accepte testificar, y ya se puet acusar a todos los culpables de l'asasinato d'os activistas debant d'un tribunal federal. Ya nomás falta que conoixer o resultau d'o chudicio y las suyas consecuencias en a vida d'os implicaus en os feitos y en a investigación, incluyindo-ie la posible relación entre la sinyora Pell y l'achent d'o FBI Rupert Anderson.

Elenco[2][editar | modificar o codigo]

Actor Papel Notas
Gene Hackman Rupert Anderson Basau en John Proctor
Willem Dafoe Alan Ward Basau en Joseph Sullivan
Frances McDormand Mrs. Pell Basau en Conner Price
Brad Dourif Aduyant d'o sheriff Clinton Pell Basau en Cecil Price
R. Lee Ermey Alcalde Tilman Basau en Abner Davis "Ab" Harbour
Gailard Sartain Sheriff Ray Stuckey Basau en Lawrence A. Rainey
Stephen Tobolowsky Clayton Townley Basau en Samuel Bowers
Michael Rooker Frank Bailey Basau en Alton Wayne Roberts
Pruitt Taylor Vince Lester Cowens Basau en Jimmy Snowden
Badja Djola Achent Monk Basau en Gregory Scarpa
Kevin Dunn Achent Bird
Frankie Faison Panechirista
Thomas B. Mason Chuez
Geoffrey Nauffts Goatee ("barbazoqueta")
Rick Zieff Activista Basau en Andrew Goodman
Christopher White Activista Basau en James Chaney
Gladys Greer Hattie
Jake Gipson Mose
Dianne Lancaster Cambrera
Stanley W. Collins Hollis
Daniel Winford Fennis
Marc Clement Floyd Swilley
Larry Shuler Earl Cooke
Stephen Bridgewater Wesley Cooke
Bob Penny Curtis Foy
James F. Moore Barbero
Park Overall Connie
Georgia F. Wise Muller en o salón de belleza
Lois Allen Muller en o salón de belleza
Barry Davis Jim Sr. Indio choctaw
Dan Desmond Locutor de televisión
Darius McCrary Aaron Williams
Lou Walker Vertis Williams
Billie Jean Young Mrs. Williams
Alisa R. Patrick Cantaire solista en a ilesia
Barbara Gibson Cantaire solista en a ilesia
Pat Funderburk Moza d'os Pell
Dawn Boyd Entrevistau
Dwight Boyd Entrevistau
Linda Fuller Entrevistada
George Isbell Entrevistau
Ethel L. Mayes Entrevistada
James Arnold Mayes Entrevistau
George Mason Granchero
Charles Franzen Periodista
Harry Franklin Periodista
Virginia Bennett Periodista
James Lloyd Periodista
Jesse Merle Speaks Vendedor de nueces
Simeon Teague Obie Walker
Tonea Stewart Sra. Walker
Harry Quick Medico
Cullen Gilliland Avogau
Zeke Davidson Avogau
Robert F. Colesberry Camara de televisión
Frederick Zollo Periodista
Judy Sasser Vecina
Mark Jeffrey Miller Incendiario d'o KKK
Ed Geldart Incendiario d'o KKK
Mert Hatfield Incendiario d'o KKK
James Eric Incendiario d'o KKK
Paul Savelis Soldau
John P. Fertitta Comentarista de televisión
Ron De Roxtra Periodista
Doug Jackson Periodista
Gary Moody Periodista
Robert Erickson Periodista
John Brook Periodista
Tobin Bell Achent Stokes
Daniel Chapman Achent MacMillan
Rick Washburn Achent Brodsky
Robert Glaudini Achent Nash
Ken Magee Achent Reilly
Everett Thrall Achent Tubbs
Bernice Poindexter Mai aflichida
Brenda Dunlap Mrs. Cowens
Lannie Spann McBride Cantaire de gospel
Jack Buck Voz d'o locutor de baloncesto No acreditau
Hoyt Chavers Achent No acreditau
Major Combs Aduyant d'o sheriff No acreditau
Ralnardo Davis Willie No acreditau
Betty Lucille DeJournette Ciudadana en a carrera No acreditau
Paul Henderson Ciudadán No acreditau
W. Mitchell Morgan Periodista en o puent No acreditau
Ralph Pruitt Vaughn Fustiaire No acreditau
James Lowell Turnham Hombre en auto No acreditau
Andrew Whatley Mesache en a botiga No acreditau

Contexto historico[editar | modificar o codigo]

O 21 de chunio de 1964 os activistas d'o movimiento de dreitos civils James Chaney, Andrew Goodman y Michael Schwerner fuoron arrestaus en a localidat de Philadelphia, en l'estau de Mississippi, en o sud d'Estaus Unius, por l'aduyant d'o sheriff Cecil Price, qui los portó enta la garchola d'o condau de Neshoba.[3] Os tres activistas heban estau treballando en a campanya Freedom Summer ("verano de libertat"), que quereba conseguir o rechistro d'os afroamericanos en o censo de votants de l'estau.[4] Price acusó a Chaney d'exceso de velocidat en conducir o suyo auto y retenió tamién a los atros dos activistas ta interrogar-los.[3] Siet horas dimpués los liberó pero los siguió dica que marchoron d'a ciudat.[5] Cuan os activistas no plegoron en o puesto de reunión previsto en Meridian, tamién en Mississippi, dende o Congress of Racial Equality (CORE) clamoron a las oficinas d'a garchola d'o condau de Neshoba ta conoixer si teneban bellas información d'a on se podeban trobar. Dos días dimpués, l'achent d'o FBI John Proctor y atros diez achents d'o FBI prencipioron a suya investigación en o condau de Neshoba. Recibioron informacions sobre que a cambioneta d'o CORE a on yeran os activistas s'heba visto cremando-se en una selva a bellas 20 millas a lo norueste de Philadelphia. Asignoron a la investigación o nombre en clave de "MIBURN" (abreviatura de "Mississippi Burning") y se ninvió a bellos inspectors d'o FBI t'aduyar en o caso.[3][6]

O 4 d'agosto de 1964 se troboron os cadavres d'os tres activistas luego de que un informant anonimo (en os informes d'o FBI amanixe como "Sr. X") proporcionase información a lo FBI.[5][7] Os cadavres se descubrioron baixo d'un talucio en una entibada en una grancha a pocas millas de distancia de Philadelphia,[8] y los cadavres amostraban haber recibiu tenazons. O Departamento de Chusticia d'os Estaus Unius imputó a 19 acusaus por violar os dreitos civils d'os activistas.[5] O 27 d'octubre de 1967 se celebró un chudicio federal en Meridian a on nomás que 7 d'os acusaus, incluyindo-ie Price, fuoron condenaus a penas d'entre tres y diez anyadas, absolvendo a nueu y dixando lo churau a atros tres en impasse (falta d'alcuerdo d'o churau, en o sistema chudicial estausunidense).

En l'anyo 2002, Jerry Mitchell, un periodista d'investigación de The Clarion-Ledger, descubrió nuevas pruebas sobre los asasinatos, localizó nuevos testigos y presionó a l'estau de Mississippi ta que reubrise lo caso.[9] Barry Bradford, un profesor de l'Adlai E. Stevenson High School de Lincolnshire, en Illinois, y tres d'os suyos alumnos aduyoron a Mitchell en a suya investigación, en haber esleyiu ixos tres alumnos investigar o caso ta un prochecto d'as suyas clases d'Historia.[10][11]

Mientres 40 anyadas se mantenió en secreto la identidat d'o "Sr. X",[9] dica que en o proceso de reubertura d'o caso Mitchell, Bradford y los tres estudiants en descubrioron la suya identidat: se tractaba de Maynard King, un patrullero de carreteras, qui reveló la localización d'os cadavres a l'achent d'o FBI Joseph Sullivan.[12] En 2005 un d'os participants en os asasinatos, Edgar Ray Killen, estió acusau y condenau por tres homicidios a 60 anyadas de garchola,[5][11][13] morindo preso l'11 de chinero de 2018.[14]

Producción[editar | modificar o codigo]

Desembolique[editar | modificar o codigo]

En l'anyo 1985 lo guionista Chris Gerolmo trobó un articlo que conteniba un extracto d'un capítol d'o libro Inside Hoover's FBI, a on se i charraba d'a investigación d'o FBI sobre los asasinatos de Chaney, Goodman y Schwerner.[15] Mientres que escribiba un esborrallo d'o guión, Gerolmo l'amostró a lo productor Frederick Zollo, con qui heba treballau en a cinta Miles from home (1988, Gary Sinise).[16] Zollo aduyó a Gerolmo a desembolicar l'esborrallo original y dimpués lo vendioron a Orion Pictures.[17]

L'estudió principió alavez la rechira d'un director ta lo prochecto, considerando entre d'atros a los directors Miloš Forman y John Schlesinger.[16] En setiembre de 1987, Mike Medavoy (cofundador y president executivo d'Orion Pictures) li dio a Alan Parker una copia d'o guión.[17] Cuan Parker viachó enta Chapón ta partecipar en o Festival Internacional de Cine de Tokio o suyo colega Robert F. Colesberry recopiló articlos de prensa, libros y atro material sobre los asasinatos de 1964.[18][19] En tornar en os Estaus Unius, Parker adedicó bellos meses a estudiar todo ixe material con Colesberry.[17][19] O director inició tamién a elección d'o de l'equipo d'a futura cinta, incluyindo-ie a muitos d'os suyos colaboradors habituals: o mesmo Colesberry, os directors de cásting Howard Feuer y Juliet Taylor, o director de fotografía Peter Biziou, o montador Gerry Hambling, a disenyadora de vestuario Aude Bronson-Howard, o disenyador de producción Geoffrey Kirkland, l'operador de camara Michael Roberts y lo compositor de musica Trevor Jones.[17][20]

Escritura[editar | modificar o codigo]

Gerolmo describió lo suyo esborrallo de guión orichinal como "una historia de detectives gran, apasionada y violenta que se desembolica contra lo cambio radical mas gran en la vida estausinidense mientres o sieglo XX, o movimiento de dreitos civils".[15] Por motivos de tipo legal, se cambioron os nombres d'as personas y bellos detalles relacionaus con a investigación d'o FBI.[6] En presentar a la muller de Clinton Pell como informant, Gerolmo dició: "... o feito de que denguno no sabese qui yera o Sr. X, l'informant, dixó ixo como una posibilidat dramatica ta yo, en a mía versión cinematografica de Hollywood d'a historia. Ye por ixo que o Sr. X se convertió en la muller d'un d'os conspiradors".[6] O secuestrador de l'alcalde Tilman s'escribió orichinalment como un mafioso asasín a sueldo que provoca una confesión en ficando una pistola en a boca de Tilman. Gerolmo s'inspiró en Gregory Scarpa, un mafioso presuntament reclutau por o FBI mientres a suya busca de Goodman, Chaney y Schwerner.[21]

Dimpués d'a contractación de Parker ta dirichir a cinta, Gerolmo ya heba completau dos esborrallos completos d'o guión.[17] Parker se reunió con Gerolmo en as oficinas d'Orion en o barrio de Century City, en Los Angeles, a on prencipioron a treballar en un tercer esborrallo d'o guión. Tanimientres, escritor y director tenioron terne que terne desalcuerdos sobre la forma de tractar a la historia. Ta resolver o problema, os executivos d'Orion en Nueva York li dioron a Parker un mes ta fer reescrituras en o guión sin acreditar antes de dar luz verde a lo prochecto.[17]

Desembolicando ista autorización, Parker fació cuantos cambios en l'esborrallo orichinal de Gerolmo. Omitió a l'asasín a sueldo d'a mafia y creyó lo personache de lachent Monk, un especialista afroamericano d'o FBI, que ye qui en a cinta secuestra a l'alcalde Tilman.[6] A ​escena en que Frank Bailey marroquia brutalment a un camarografo de noticias se basó en un feito real; Parker y Colesberry s'inspiroron en una noticia descartada que heban trobau mientres a suya investigación, en a que un camarografo de CBS News heba estau agrediu por un d'os sospeitosos en o caso de l'asasinato de 1964.[16] Parker tamién escribió una escena de sexo con os personaches de Rupert Anderson y la Sra. Pell, pero ista escena s'omitió mientres o rodache dimpués de que Gene Hackman, que ye l'actor que interpreta a Anderson, li sucherise a Parker que la relación entre los dos personaches estase mas discreta.[16][22] O 4 de chinero de 1988 Parker ya heba escrito un guión de rodache completo que ninvió a los executivos d'Orion.[17] Mientres que duró la fase de producción, Gerolmo no visitó lo set de rodache, en cumplimento d'a vada de 1988 d'os guionistas de Writers Guild of America.[18]

Cásting[editar | modificar o codigo]

Parker realizó audicions en Nueva York, Atlanta, Houston, Dallas, Orlando, Nueva Orleans, Raleigh y Nashville.[17] Decidioron no conservar os nombres reals d'as personas que amanixen en a cinta, y muitos d'os personaches segundarios yeran en realidat compuestos de dos u mas personas reals relacionadas con o caso d'asasinato.[6] Gene Hackman interpreta a Rupert Anderson, un achent d'o FBI y ex sheriff en l'estau de Mississippi,[18] encara que tamién consideroron bel tiempo a Brian Dennehy ta interpretar ixe papel,[23] antes de que Orion sucherise a Hackman.[18] De feito, entremientras que s'escribiba lo guión, Parker discutiba con frecuencia lo prochecto con Hackman.[17] Hackman dició que "se sintió bien en fer bella cosa d'importancia historica. Estió una experiencia extremadament intensa, tanto por o conteniu d'a cinta como por a suya realización en Mississippi.[22]

Orion yera menos decidiu sobre a qui quereban ta interpretar o papel de l'achent Alan Ward. Dimpués de filmar The Last Temptation of Christ (1988, Martin Scorsese), Willem Dafoe manifestó estar intresau en interpretar a Ward,[18] y Parker viachó enta Los Angeles, a on se i reunió con l'actor ta discutir o papel, estando finalment esleyiu bien luego Dafoe ta interpretar-lo.[18] Ta preparar-se ta lo papel, Dafoe investigó sobre os escaicimientos d'ixe periodo y sobre o mesmo condau de Neshoba, leyó a novela de Willie Morris The Courting of Marcus Dupree (1983) y analizó documentals d'os anyos 1960 a on se detallaba cómo heban seguiu o caso d'asasinato en os medios de comunicación.[24] Frances McDormand interpreta a la Sra. Pell, a esposa de l'aduyant d'o sheriff Clinton Pell. Sobre treballar con Hackman, McDormand dició: "Mississippi Burning, no investiguei. Nomás faciei que escuitar a [Hackman]. Teneba una capacidat que dixaba parau ta no revelar denguna parte de sí mesmo (en as lecturas). Pero en o momento en que plegamos en o set, as chicotas persianas d'os suyos uellos s'enlairoron y todo yera disponible. Estió fascinant. Ye realment increíble, y estió como una lección basica d'actuación".[25]

Gailard Sartain interpreta a Ray Stuckey, o sheriff d'o condau de Jessup, un personache basau en l'ex sheriff d'o condau de Neshoba, Lawrence A. Rainey.[18][26] Sartain describió a Stuckey como "un funcionario electo... que ha d'estar sociable, pero con matices siniestros".[27] Stephen Tobolowsky interpreta a Clayton Townley, un Gran Mago de los Caballers Blancos d'o Ku Klux Klan.[18] O personache se basa en o líder d'os Caballers Blancos, Samuel Bowers.[28] Michael Rooker interpreta a Frank Bailey, un miembro d'o Klan involucrau en os asasinatos d'os tres activistas de dreitos civils.[29] Pruitt Taylor Vince, qui tenió un chicot papel en l'anterior cinta de Parker, Angel Heart (1987), interpreta a Lester Cowens, un miembro d'o Klan que, sin saber-lo, se converte en un peón en a investigación d'o FBI. Vince describió a lo personache como "ababol, tonto-figo y zapullón" y dició: "Mai no he teniu cosa de prechudicio en o mío cuerpo. Me dió una sensación divertida interpretar a iste tipo con caperucha y tot. Pero cuan yes en bel medio de tot ixo, nomás que concentra-te en superar-lo".[30]

Kevin Dunn dentró en a producción en febrero de 1988 en interpretando a l'achente Bird d'o FBI, estando iste o suyo debut como actor.[31] L'actor Tobin Bell interpreta a l'achent Stokes, un executor d'o FBI clamau por Anderson ta interrogar a Cowens,[18] estando tamién ista cinta la suya cinta de debut.[32] Parker li comandó en primeras a Bell que leyese ta lo papel de Clinton Pell, pero finalment iste papel s'adchudicó a Brad Dourif.[33]

Ta interpretar a los tres activistas de dreitos civils asasinaus, s'esleyó a Geoffrey Nauffts como "Goatee", un personache basau en Michael Schwerner; a Rick Zieff como "Pasachero", basau en Andrew Goodman, y a Christopher White como "Pasachero blanco", basau en James Chaney.[18][20] Os productors d'a cinta, Frederick Zollo y Robert F. Colesberry, tamién amanixen en a cinta en dos chicoz papels: Zollo tien una breu intervención como un periodista[20] y Colesberry interpreta a un camarografo que ye ensebau brutalment por Frank Bailey.[16] Mientres que feban a busqueda de localizacions ta la cinta en Jackson (Mississippi), Parker organizó un cásting ubierto ta contractar a actors y extras locals,[17] y él y Colesberry conoixioron a la profesora de musica Lannie McBride, qui interpreta en a cinta a una cantaire de gospel.[17]

Filmación[editar | modificar o codigo]

Busqueda de localizacions[editar | modificar o codigo]

Mientres o proceso d'escritura d'o guión, Parker y Colesberry inicioron a busqueda de localizacions. Visitoron ueito estaus basando-se ​​en as sucherencias que lis heba feito o departamento d'ubicación. O guión de rodache requeriba que se fesen servir un total de 62 puestos diferents ta filmar.[17] En aviento de 1987, Parker y Colesberry viachoron enta l'estau de Mississippi ta visitar o trampo de carretera a on asasinoron a Goodman, Chaney y Schwerner.[18] Inicialment, os cineastas teneban reticencias ta filmar en Mississippi; expresoron o suyo intrés en filmar en o condau de Forsyth, en Cheorchia, antes de que lis persuadise John Horne, o chefe d'a comisión cinematografica de Mississippi.[16] Parker tamién se reunió con o gubernador de Mississippi, Ray Mabus, qui lis expresó lo suyo refirme a la producción d'a cinta en Mississippi.[17]

Parker y Colesberry buscoron ubicacions amanadas a Jackson, a on instaloron as suyas oficinas de producción en un hotel d'a cadena d'hotels Holiday Inn.[17] Tamién visitoron Canton antes de viachar enta Vaiden, a on explororon mas de 200 edificios de chuzgaus que puet estar que podesen fer-se servir ta filmar-ie.[17] Parker y Colesberry tenioron dificultaz ta trobar una ciudad chicota ta lo escenario d'a historia en Mississippi dica que finalment se decidioron por Lafayette en l'estau vecino d'Alabama, ta rodar-ie as escenas ambientadas en a ciudad ficticia d'o condau de Jessup en Mississippi, encara que atras escenas se rodoron en cuantos puestos en l'estau de Mississippi.[17]

Rodache[editar | modificar o codigo]

O rodache principal escomencipió lo 7 de marzo de 1988[17] con un presupuesto inicial de 15 millons de dólars[16][19][34] A filmación comenzó en Jackson, en Mississippi, a on l'equipo de producción filmó l'incendio de una ilesia; ta ista filmación se requirioron cuantas camaras, en un sistema de rodache multicamara, fendo-se servir un total de tres camaras mientres o rodache.[17] O 8 de marzo, l'equipo de producción filmó una escena ambientada en un motel a on Anderson (Hackman) li ufre un monologo a Ward (Dafoe);[17] y lo 10 de marzo la producción se trasladó enta un puesto remoto de Mississippi, a on l'equipo filmó un atro incendio d'una ilesia parroquial.[17]

L'11 de marzo la producción filmó escenas ambientadas en una grancha de tocins, a on tres asaltants atacan y secuestran a un choven negro. En a nueit siguient, l'equipo filmó la secuencia d'ubertura d'a cinta, en a que los tres voluntarios de dreitos civils son asasinaus.[17] Entre lo 14 y lo 18 de marzo, l'equipo filmó la cremada de cuantas ilesias mas, ytamién bellas escenas d'a cinta ambientadas en una grancha.[17] O 22 de marzo, l'equipo filmó escenas ambientadas en un deposito de cadavres que yera ubicau en o Centro Medico d'a Universidat de Mississippi, exactament o mesmo puesto a on i transportoron os cuerpos de Goodman, Chaney y Schwerner.[17] Un día dimpués, Parker y l'equipo filmoron una escena ambientada en un campo de cotón, encara que lo departamento d'arte tenió que cubrir cada planta d'o campo con capas de cotón porque as plantas de cotón encara no heban floreixiu completament.[17] L'equipo tamién filmó lo secuestro de l'alcalde Tilman (R. Lee Ermey) y lo suyo posterior interrogatorio por parte de l'achent d'o FBI Monk (Badja Djola).[17] O 24 de marzo, la producción se trasladó enta Raymond, a on l'equipo filmó una escena en l'aeropuerto John Bel Williams.[17] A escena representaba la marcha de Monk, y estió coreografiada por Parker y por os miembros de l'elenco para que podese filmar-se en una sola toma.[17]

Dimpués a producción se tresladó enta Vaiden ta filmar-ie bellas escenas ambientadas en o chuzgau d'o condau de Carroll, a on se i filmoron cuantas escenas d'a sala d'o tribunal, y tamién escenas ambientadas en a oficina d'o sheriff Ray Stuckey.[17][18] Dimpués marchoron enta Vicksburg, a on l'equipo filmó una procesión funebre, y l'11 d'abril de 1988 filmoron una escena ambientada en o Cementerio de Cedar Hill d'ixa mesma localidat.[17] Os días 15 y 16 d'abril a producción se trasladó enta la val d'o río Mississippi ta representar-ie la busqueda por o FBI y la United States Navy d'os tres voluntarios de dreitos civils. El departamento d'arte recreó un poblau indio d'os choctaw en ixe puesto, en basando-se en fotografías antigas.[17] O 23 de abril l'equipo filmó una escena que amostraba un miting d'os Citizens' Councils d'o Ku Klux Klan fendo-ne servir ta ixa escena 750 extras. O 25 d'abril, l'equipo tornó en Jackson, a on un edificio vuedo iba a recrear un restaurant que heban trobau en Alabama mientres o proceso de busqueda de localizacions, y un día dimpués, Hackman y Dafoe filmoron a suya escena inicial, en a que los personaches d'Anderson y Ward conducen dica lo condau de Jessup, en Mississippi.[17]

O 27 d'abril, la producción se tresladó enta LaFayette, en Alabama, ya ta cutio mientres a filmación.[17] Os días 28 y 29 d'abril, Parker y lo suyo equipo filmoron escenas ambientadas en a casa d'a Sra. Pell. O 5 de mayo, la producción filmó una d'as escenas finals d'a cinta, en a que Anderson descubre la casa d'a Sra. Pell espullada. O 13 de mayo, l'equipo filmó escenas en una antiga sala de cine en LaFayette, que en ixe momento s'heba convertiu en una botiga de pneumaticos ta tractors. O departamento d'arte restauró los interiors d'o teatro para reflexar-ie a epoca d'ambientación.[17] La filmación remató lo 14 de mayo de 1988, dimpués que la producción filmase un discurso d'o Ku Klux Klan supervisau por o FBI.[17]

Banda sonora[editar | modificar o codigo]

A banda sonora orichinal d'a cinta la componió Trevor Jones, en a suya segunda colaboración con Parker dimpués d'a cinta Angel Heart (1987).[35] Amás d'a partitura de Jones, a banda sonora presenta bellas cancions d'o chenero gospel, incluyindo-ie Walk on by Faith interpretada por Lannie McBride, Take My Hand, Precious Lord interpretada por Mahalia Jackson y Try Jesus interpretada por Vesta Williams. Os sellos discograficos Antilles Records y Island Records editoron un álbum con a banda sonora d'a cinta.[36]

Enguero[editar | modificar o codigo]

Mississippi Burning s'engueró mundialment en l'Uptown Theatre de Washington, DC, o 2 d'aviento de 1988,[37] con asistencia de cuantos politicos, embaixadors y periodistas de temas politicos. Ted Kennedy, miembro d'o Senau d'os Estaus Unius, expresó lo suyo refirme a la cinta en decindo que "ista película educará a millons d'estausunidenses que son masiau chóvens ta remerar os tristes escaicimientos d'ixe verano sobre cómo yera la vida en iste país antes d'a promulgación d'as leis de dreitos civils".[37] L'enguero s'escaició en una prochección restrinchida ta dimpués enguerar-se en bellas chicotas localidaz d'o norte d'Estaus Unius ta finalment enguerar-se en o resto d'o país. O 9 d'aviento s'engueró en Los Angeles, Chicago, Nueva York y la ciudat de Toronto, en Canadá.[37][38] A productora d'a cinta, Orion Pictures, confiaba en que ixe enguero limitau limitado aduyaría a calificar a película ta la suya consideración ta los Premios Oscar en chenerando tamién un fuerte refirme por o boca a boca d'o publico.[37][39] La cinta s'engueró amplament o 27 de chinero de 1989,[40] pochectando-se en 1.058 salas de cine y expandindo-se dica 1.074 salas en a suya novena semana.[41]

Taquilla[editar | modificar o codigo]

En a primera semana d'enguero limitau de Mississippi Burning se fació un recaudo de 225.034 dólars, con un promedio de 25.003,40 dólars recaudaus por sala,[41] con un recaudo de 160.628 dólars adicionals en o suyo segundo cabo de semana.[41] S'adhibioron mas cines muientres se feba ista exhibición limitada, y lo 27 de chinero de 1989 la cinta dentró oficialment en o suyo enguero cheneral. Mientres o suyo primer cabo de semana de gran enguero, la cinta recaudó atros 3,545.305 dólars, asegurando-se la cinquena posición en a taquilla nacional d'Estaus Unius con un recaudo nacional dica ixa calendata de 14,726.112 dólars.[41] A cinta cheneró un fuerte intrés local en l'estau de Mississippi, lo que se tradució en presentacions con dentradas empelingadas en os primers cuatro días d'enguero cheneral.[42] Dimpués de siet semanas d'enguero cheneralizau, Mississippi Burning remató la suya exhibición en salas de cine con un recaudo total de 34,603.943 dólars.[41] En Estaus Unius estió la trentatresena cinta con mas enguero de l'anyo 1988,[43] y la diecisetena cinta con clasificación R con mas recaudo en ixe anyo.[44]

Medios domesticos[editar | modificar o codigo]

Mississippi Burning s'engueró en formato VHS o 27 de chulio de 1989, editau por Orion Home Video.[45] O 3 d'abril de 1988 s'editó una versión en"edición de coleccionista" en formato LaserDisc.[46] L'8 de mayo de 2001 s'engueró en formato devedé por MGM Home Entertainment, incluyindo-ie como caracteristicas especials un comentario d'audio de Parker y un tráiler.[47] En sistema Blu-ray s'engueró lo 12 de mayo de 2015 por o sello de videos domesticos Twilight Time, con una edición limitada de nomás que 3.000 copias, con video d'alta definición 1080p en incorporando os mesmos extras que incorpora lo devedé de MGM.[48] Kino Lorber reeditó la cinta en Blu-ray o 18 de chunio de 2019, con una nueva transferencia 4K y toz os extras anteriors incorporaus.[49]

Critica[editar | modificar o codigo]

Critica profesional[editar | modificar o codigo]

O puesto web d'agregación de resenyas Rotten Tomatoes tomó escandallos de 26 resenyas y li atorgó a Mississippi Burning una puntuación d'o 85%, con una puntuación media de 6,8/10. O consenso diz: "Mississippi Burning se basa en a trachedia d'a vida real ta difundir un mensache digno con o control mesurau de un drama intelichent y l'impacto contundent de un thriller".[50] Un atro agregador de resenyas, Metacritic, asignó a la cinta una puntuación promedio ponderada de 65 sobre 100 basada en 11 resenyas de criticos principals, cosa que indica "criticas cheneralmente favorables".[51] Audiencias encuestadas por CinemaScore dioron a la cinta una calificación promedio d'"A" en una escala d'A+ dica F.[52]

En una resenya en a revista Time titulada "Just Another Mississippi Whitewash", l'autor Jack E. White describiba la cinta como un "linchamiento cinematografico d'a verdat".[53] O columnista Desson Howe d'o The Washington Post consideró que la cinta "accelera por o complicau y doloroso camín de los dreitos civils en busca d'un buen thriller. Sorprendentement, lo troba".[54] Jonathan Rosenbaum criticó licherament a dirección de Parker, en comentando que la cinta yera una "fantasía sordida" que "tracta sobre l'asasinato de tres activistas de dreitos civils en Mississippi en 1964, y la fiesta ta los farisaicos que tien poca relación con a historia, la sociolochía u mesmo lo sentiu común",[55] y The Washington Post criticaba la cinta en amostrar "a luita d'os negros dende una perspectiva blanca de raso", en realizando contimparanzas con Cry Freedom (1987, Richard Attenborough), escribindo que todas dos cintas teneban "a historia correcta, pero con los herois equivocaus".[56] Pauline Kael, escribindo ta The New Yorker, elogió l'actuación, pero describió la cinta como "moralment repugnant".[57]

Vincent Canby de The New York Times elochió la ficcionalización d'a historia que fa la cinta y escribió: "La cinta no pretende estar sobre los mesmos voluntarios de dreitos civils. Ye cuasi como si lo Sr. Parker y lo Sr. Gerolmo respectasen a las victimas, a los suyos ideals y a lo suyo destín masiau ta reinventar-los a traviés de l'emplego d'a ficción".[58] En a suya resenya ta lo Chicago Sun-Times, Roger Ebert concheturó: "Sabebamos o resultau d'iste caso cuan dentrabamos en o teatro. Lo que puet estar que haigamos ixuplidau, u puet estar que mai no hebamos sabiu, ye exactament qué tipo de corrients yeran en l'ambient en 1964".[59] En o programa de televisión Siskel and Ebert and the Movies, Ebert y o suyo colega Gene Siskel li dioron a la cinta una calificación de "dos pulgars entalto".[60] En a suya lista d'as diez millors cintas de cabo d'anyo, Ebert clasificó a Mississippi Burning como la cinta número 1 de 1988.[61] Escribindo ta lo Chicago Tribune, Siskel elochió las interpretacions "sutils" de Hackman y Dafoe, pero sintió que McDormand yera "mas efectiva como la conciencia moral d'a cinta".[62]

Mesmo que Siskel, a revista Variety tamién elochió las actuacions y escribió: "Dafoe ufre una interpretación disciplinada y notable de Ward... Pero ye Hackman qui s'apropia d'a imachen como Anderson... Brillant actuación de Frances McDormand como la muller de l'aduyant d'o sheriff que siente atracción por Hackman. ye una avantacha mesmo ta lo suyo papel que ta la cinta".[63] Sheila Benson, en a suya resenya ta Los Angeles Times, escribió: "La mayestría de Hackman en sucherir un numero infinito de capas por baixo d'una superficie ironica y autocritica plega en o suyo punto maximo aquí, pero McDormand s'eleva con él. Y en estar ella la sola voz de moralidat d'a cinta, ye verdat que ye tan memorable".[64]

O critico José Luis Vázquez, en Ciudad Real Digital, diz que:[65]

Impecable drama sobre dreitos civils (...) gran y documentau guión de Christopher Gerolino (...) Un potent thriller de denuncia de primera división que regala abundants momentos de gran fuerza cinematografica.

Pedro Gallego en Espinof comenta:[66]

Ista prodichiosa cinta d'Alan Parker (...) ye la clase de gran cinta que ya no se fa. Con grans actors, un director con fuerza narrativa pero que no imposa lo suyo estilo a lo desembolique organico d'una historia bien escrita y valor de producción necesario ta que pueda lucir. Y, tamién, una buena unión entre fer entretenimiento adulto y denuncia social seria.

En a web d'a Universidat de Zaragoza comentan sobre Mississippi Burning:[67]

Arde Mississippi ye una d'ixas cintas que a mida que vas veyendo se t'encende mas y mas la coda con o ser humano y en sentir la capacidat que tenemos d'estar uns burros sin cerebro. Arde Mississippi te fa tremolar y chilar d'indignación a mida que van pasando as dos horas de metrache. Arde Mississippi ye una cinta que apunta y analiza l'odio racial y tracta de buscar-ne los oríchens y de comprender una reacción tan salvache. (...) En Arde Mississippi se chunen cuantos ingredients que acotracian a moniquet una cinta de calidat. Una cinta denuncia y amás buena. Una d'ixas historias en as que l'odio racial se siente y fa mal. Un director efectivo como Alan Parker que cuan troba un buen tema sabe cómo dirichir-lo y plasmar-lo en imáchens con solucions encertadismas. Un guión bien construyiu. Una fotografía magnifica y una banda sonora acorde con os escaicimientos que se nos contan son o borbozo ta un magnifico elenco d'actors principals y segundarios que fan vibrar a cinta.

Controversias[editar | modificar o codigo]

Dimpués d'o suyo enguero, Mississippi Burning se trobó embolicau en una controversia sobre la ficción d'os eventos. Gerolmo y Parker han admeso una licencia artistica con o material orichinal y lo describen esencialment como una "obra de ficción". L'asasinato en sí, tal como amanixe en a cinta, diferiba d'os feitos reales en cuantos aspectos. En a cinta, mientres l'aturada de l'automóvil que precipitó l'asasinato, o conductor ye blanco (presumiblement Andrew Goodman u Michael Schwerner) y lo voluntario negro de dreitos civils (presumiblemente James Chaney) se troba en el asiento zaguero. En realidat, James Chaney conduciba l'automóvil en estar familiarizau con a redolada.[68] A cinta presenta los asasinatos como si s'hesen cometiu en o puesto mesmo de l'aturada mientres las victimas yeran en o suyo auto, en comencipiando con Frank Bailey en ponendo-li un revólver en o pulso d'o conductor de l'automóvil y disparando-li. En realidat, sacoron a las tres victimas de l'auto y las levoron a un atro puesto, a on mesmo Andrew Goodman que Michael Schwerner recibioron un tenazón en o corazón, seguius por James Chaney, qui recibió tres tenazons.[68] Gran cosa d'a violencia y la intimidación enta los negros en a cinta se basa en os escaicimientos que s'esdevenioron en ixe momento, anque no necesariament en relación con ista investigación. O mesmo títol provien d'o nombre en clau d'o FBI ta la investigación y parte d'o dialogo s'obtenió directament d'os suyos archivos. Muitos d'os elementos ficticios arredolan as accions d'os dos principals achents d'o FBI.[6]

Coretta Scott King, vidua de Martin Luther King Jr., boicoteó la cinta en decindo que: "Cuánto tiempo tiendremos que asperar antes de que Hollywood trobe los alinios y la integridat ta contar as historias de beluns d'os muitos mils d'hombres, mullers y ninos negros que arrisgan as suyas vidas por la igualdat?".[69] Myrlie Evers-Williams, la muller de l'activista de dreitos civils asasinau Medgar Evers, dició sobre la cinta: "Estió lamentable que tenese uns alcances tan limitaus que no amostrase un modelo a seguir negro que la choventud de hue que mira la cinta podese recordar".[70] Benjamin Hooks, director executivo d'a National Association for the Advancement of Colored People (NAACP), declaró que la cinta, en a suya ficcionalización d'eventos historicos, "pude a deshonestidat, follanca y frau" y retrata a los afroamericanos como "acobardaus, submisos y con aspecto de blancos".[71]

Carolyn Goodman, mai d'Andrew Goodman, y Ben Chaney Jr., o chermán chicot de James Chaney, expresoron que toz dos yeran "perturbaus" por a cinta.[72] Goodman sintió que "s'heba feito servir a muerte d'os chóvens como un medio ta presentar a lo FBI como uns herois en resolver os asasinatos".[72] Chaney declaró: "... la imachen que los chóvens obtenioron (d'a cinta) sobre la epoca, sobre lo mesmo Mississippi y sobre la pasividat d'as personas que participoron en o movimiento, estió bien negativa y no reflectaba la verdat".[72] Stephen Schwerner, lo chermán de Michael Schwerner, consideró que la cinta yera "terriblement deshonesta y muit racista" y "[distorsionaba] las realidaz de 1964".[71]

En un episodio d'o programa nocturno Nightline de l'American Broadcasting Company emitiu lo 16 de chinero de 1989 coincidindo con o Día de Martin Luther King Jr., Julian Bond, un activista social y líder d'o Movimiento por os Dreitos Civils, dio a la cinta la embotada de "Rambo Meets the Klan" ("Rambo satisfa a lo Klan"),[73] y desaprobó la descripción que feba la cinta d'o FBI: "La chent tiendrá una idea equivocada sobre ixa epoca... Simplament ye mal. Ixos tipos yeran intervenindo los nuestros telefons, sin investigar os asasinatos de [Goodman, Chaney y Schwerner]".[73] Cuan se le preguntó sobre la cinta en o Festival de Cine de Canas de 1989, o cineasta Spike Lee li criticó la mancanza de personaches afroamericanos centrals, en creyendo que la cinta feba parte de cuantas atras que emplegaban una narrativa d'"hombre blanco salvador" en explotar a los negros ta poder representar a los blancos como herois.[74]

debant d'istas criticas, Parker defensó la cinta en afirmando que se tracta d'una "ficción a l'igual que Platoon y Apocalypse Now son ficcions sobre la guerra de Vietnam. Pero lo important ye lo corazón d'a verdad, l'esprito... Yo esfendo lo dreito a cambiar-lo para plegar en a una audiencia que no sabe cosa d'a realidat y que ciertament no veye los documentals de PBS.[6]

Ángel Vallejo en a revista dichital de cine Encadenados[11], fa una ampla critica d'as incongruencias d'a cinta:

...de verdat pretende Parker que nos creyamos que lo FBI se comportó tan dignament en la esfensa d'os activistas por os dreitos civils, cuan iste movimiento yera en realidat una d'as bestias negras de Hoover que mesmo le fació disenyar o COINTELPRO, o programa de contraintelichencia clamau a esturrufar as organizacions disidents d'os Estaus Unius entre las que se trobaban os movimientos anti guerra de Vietnam y a favor d'os dreitos civils?
...o viello dito de «no remover a mierda» yera lo metodo mas efectivo ta no crebar a «paz social» en ixos lugars. Prou que sí, femos referencia a la paz d'os fosals, d'as cruces cremando-se y las foscas forcas en árbols a meyanueit.
Cal decir, en honor a la verdat, que lo sheriff Edgar Ray Killen fue chuzgau y condenau en 2007 a sesenta anyadas de prisión dimpués de que se reubriese lo caso gracias a... un documental feito por tres alumnas de segundaria! Iste treballo aportó nuevas pruebas que fuoron tomadas en consideración cuaranta anyos dimpués, puet estar porque los tiempos ya yeran maduros ta procesar a cualsiquiera, sin que realment importase la suya color de piel.
...un clímax apoteosico y una mica apresurau que tanimientres Parker sabe dimpués aplacar con ixe final realista: la sinyora Pell sola, a qui tienen quimera cuasi toz y sin atro refuchio que un hogar destrozau —en toz os sentius—, a lo cualo no renunciará encara que haiga renunciau a toda atra cosa; un predicador que charra sobre cómo los mesaches blancos asasinaus no serán apedacaus en os mesmos fosals que los negros y sobre cómo ya no li queda mas amor por predicar, sino nomás que una rabia que quiere que los atros compartan —y que puer estar que estase lo motor de futuras revolucions—; as familias afroamericanas en cantando en bel meyo d'o campo, sin garra ilesia a on acudir ta las suyas plegarias, que tamién quedarán solas cuan a man d'a chusticia d'o nord-este marche... y l'empliu argüello de qui creye haber cumpliu con a suya misión, encara que dixe dezaga una sociedat esgarrada y turbada. Ward marcha feliz, en tuteyando a Rupert Anderson, mientres o plano s'ubre y amuestra un fosal de tombas ixeminadas, ta dimpués centrar-se en una, a la sobatén, que sinyala que 1964 mai no será ixuplidau.
Qué suponió la investigación d'o FBI, a lo cabo y a la fin? Bella cosa mas que achitar un avrispero y producir decenas de damnificaus, muertos incluyius? A causa d'ixo... yera sucherindo lo predicador d'a zaguer wscena d'a cinta que los negros heban de pillar as armas, preludiando lo movimiento d'os Black Panthers u lo Black Liberation Army? A reacción d'o FBI a istos movimientos, basada en o COINTELPRO, no estió una nueva caza de bruixas? Hese estau millor no intervenir, en mantenendo la paz d'os fosals y las cruces cremando-se?.

Demandas chudicials[editar | modificar o codigo]

O 21 de febrero de 1989, l'antigo aduyant d'o sheriff d'o condau de Neshoba, Lawrence A. Rainey, presentó una demanda contra Orion Pictures, en alegando difamación y invasión d'a privacidat. A demanda, presentada en un tribunal de districto d'os Estadus Unius en Meridian (Mississippi), demanaba 8 millons de dólars por danyos.[26] Rainey, qui yera l'aduyant d'o sheriff d'o condau cuan s'escaicioron os asasinatos de 1964, alegó que los cineastas de Mississippi Burning l'heban retratau de manera desfavorable con o personache ficticio de l'aduyant Ray Stuckey (interpretau por Gailard Sartain). "Toz en todo lo sud saben que qui fa de sheriff en ixa cinta se refiere a yo", afirmó. "Lo que dicioron que succedió y lo que me ficioron ciertament no estió bien y cal fer bella cosa sobre ixo".[26] A demanda de Rainey no tenió exito; retiró la demanda dimpués que l'equipo de avogaus d'Orion menazó con demostrar que la cinta se basaba en feitos reals y que Rainey yera sospeitoso d'os asasinatos de 1964.[26]

Premios[editar | modificar o codigo]

Mississippi Burning recibió cuantos premios, a la propia cinta, a l'elenco y a caracteristicas tecnicas. Asinas, a National Board of Review incluyó la cinta en a suya lista d'as Top Ten Films de l'anyo, en compartindo ixa honor con cintas como Dangerous Liaisons (Stephen Frears), The Accused (Jonathan Kaplan), The Unbearable Lightness of Being (Philip Kaufman), The Last Temptation of Christ (Martin Scorsese), Tucker: The Man and His Dream (Francis Ford Coppola), Big (Penny Marshall), Running on Empty (Sidney Lumet), Gorillas in the Mist (Michael Apted) u Midnight Run (Martin Brest). Antiparte, en os Premios NBR d'a mesma National Board of Review en a suya 60ena edición recibió los premios a la Millor Cinta, a lo Millor Director, a la Millor Actor y a la Millor Actriz Segundaria.[75]

En chinero de 1989, en a 46ena edición d'os Premios Globos d'Oro, Mississippi Burning recibió tres nominacions, a la Millor Cinta Dramatica, a lo Millor Guión y a lo Millor Actor Dramatico, encara que no en ganó denguno.[76] En febrero de 1989 recibió siet nominacions a los Premios Oscar, incluyindo-ie Millor Cinta, Millor Director y Millor Actor; estando los suyos rivals mas amanaus Rain Man (Barry Levinson) con ueito nominacions y Dangerous Liaisons (Stephen Frears), tamién con siet nominacions;[77] o 29 de marzo de 1989, en a 61ena edición d'os Premios Oscar, Mississippi Burning no recibió so que un premio, l'Oscar a la Millor Fotografía.[78] En a 43ena edición d'os Premios BAFTA Mississippi Burning recibió cinco nominacions, ganando finalment os Premios BAFTA a lo Millor Soniu, Millor Fotografía y Millor Montache.[79] Antiparte, en l'anyo 2006 l'American Film Institute incluyó Mississippi Burning en o suya lista AFI 100 anyos...100 exprisons.[80]

Premio Calendata Edición Categoría Premiau Notas
Premios Oscar[78] 1989 61ena edición Oscar a la Millor Fotografía Peter Biziou
1989 61ena edición Nominada a l'Oscar a la Millor Cinta Mississippi Burning
1989 61ena edición Nominada a l'Oscar a lo Millor Director Alan Parker
1989 61ena edición Nominada a l'Oscar a lo Millor Actor Gene Hackman
1989 61ena edición Nominada a l'Oscar a la Millor Actriz Segundaria Frances McDormand
1989 61ena edición Nominada a l'Oscar a lo Millor Montache Gerry Hambling
1989 61ena edición Nominada a l'Oscar a lo Millor Soniu Robert J. Litt, Elliot Tyson, Rick Kline, Danny Michael
Premios Eddie[81] 1989 39ena edición Eddie a lo Millor Montache Dramatico Gerry Hambling
Premios ASC[82] 1989 3a edición Nominau a l'Eddie a lo Millor Montache Gerry Hambling
Premios d'o Festival Internacional de Cine de Berlín[83] 1989 39ena edición Onso d'Archent a lo Millor Actor Gene Hackman
1989 39ena edición Nominau a l'Onso d'Archent a lo Millor Director Alan Parker
Premios BAFTA[79] 1989 43ena edición BAFTA a lo Millor Soniu Robert J. Litt, Elliot Tyson, Rick Kline, Danny Michael
1989 43ena edición BAFTA a la Millor Fotografía Peter Biziou
1989 43ena edición BAFTA a lo Millor Montache Gerry Hambling
1989 43ena edición Nominau a lo BAFTA a lo Millor Director Alan Parker
1989 43ena edición Nominau a lo BAFTA a la Millor Banda Sonora Trevor Jones
Premios BSC 1989 BSC a la Millor Fotografía en Largometrache Peter Biziou
Premios Artios[84] 1989 5ena edición Artios a lo Millor Casting en Largometrache de Gran Presupuesto de Drama Howard Feuer, Juliet Taylor
Premios de l'Asociación de Criticos de Cine de Chicago[85] 1989 1a edición Premio de l'Asociación de Criticos de Cine de Chicago a la Millor Cinta Mississippi Burning
1989 1a edición Premio de l'Asociación de Criticos de Cine de Chicago a la Millor Actriz Segundaria Frances McDormand
1989 1a edición Nominau a lo Premio de l'Asociación de Criticos de Cine de Chicago a lo Millor Actor Gene Hackman
1989 1a edición Nominau a lo Premio de l'Asociación de Criticos de Cine de Chicago a lo Millor Actor Segundario Brad Dourif
Premios David de Donatello[86] 1989 34ena edición Nominada a lo David de Donatello a la Millor Cinta Forana[87] Mississippi Burning
1989 34ena edición Nominau a lo David de Donatello a lo Millor Actor Forano[87] Gene Hackman
Premios Directors Guild of America[88] 1989 41ena edición Nominau a lo Directors Guild of America a lo Millor Director Alan Parker
Premios KCFCC[89] 1989 KCFCC a la Millor Actriz Segundaria Frances McDormand
Premios LAFCA 1989 14ena edición Nominau a lo LAFCA a lo Millor Actor Gene Hackman
Premios Globos d'Oro[90] 1989 46ena edición Nominada a lo Globo d'Oro a la Millor Cinta Dramatica Mississippi Burning
1989 46ena edición Nominada a lo Globo d'Oro a lo Millor Director Alan Parker
1989 46ena edición Nominada a lo Globo d'Oro a lo Millor Actor Dramatico Gene Hackman
1989 46ena edición Nominada a lo Globo d'Oro a lo Millor Guión Chris Gerolmo
Premios NBR[91] 1989 60ena edición Premio NBR a la Millor Cinta Mississippi Burning
1989 60ena edición Top Ten Films 1988 Mississippi Burning
1989 60ena edición NBR a lo Millor Director Alan Parker
1989 60ena edición NBR a lo Millor Actor Gene Hackman
1989 60ena edición NBR a la Millor Actriz Segundaria Frances McDormand
Premios NSFC[92] 1989 23ena edición Nominau a lo NSFC a lo Millor Actor Gene Hackman
Premios NYFCC[93] 1989 54ena edición Nominada a lo NYFCC a la Millor Cinta Mississippi Burning
1989 54ena edición Nominau a lo NYFCC a lo Millor Actor Gene Hackman
Premios d'a Political Film Society[94] 1989 Political Film Society d'os Dreitos Humans Mississippi Burning

Se veiga tamién[editar | modificar o codigo]

Referencias[editar | modificar o codigo]

  1. 1,0 1,1 (en) Enguero de Mississippi Burning en Internet Movie Database.
  2. (en) Mississippi Burning en Internet Movie Database.
  3. 3,0 3,1 3,2 (en) FBI — 50 Years Since Mississippi Burning, en o sitio web d'o FBI.
  4. (en) Stephen Smith: "Mississippi Burning" murders resonate 50 years later, en CBS News, 10 de mayo de 2016.
  5. 5,0 5,1 5,2 5,3 (en) Slain civil rights workers found - Aug 04, 1964 - HISTORY.com, en History Television Channel.
  6. 6,0 6,1 6,2 6,3 6,4 6,5 6,6 (en) Wayne King: FILM; Fact vs. Fiction in Mississippi, en The New York Times, 4 d'aviento de 1988.
  7. (en) Don Whitehead: Murder in Mississippi, en Reader's Digest, num. 214, setiembre de 1970.
  8. (en) Cartha DeLoach: Hoover's F. B. I.: The Inside Story by Hoover's Trusted Lieutenant, 1a edición, 25 de chunio de 1995, Regnery Publishing, Inc. ISBN 978-0-89526-479-4.
  9. 9,0 9,1 (en) Jerry Mitchell: Mississippi Burning, en BarryBradford.com, 7 de marzo de 2013.
  10. (en) Kathy L. Gilbert: , Students, teacher 'carry burden' for slain civil rights workers, Ilesia Metodista Unida, United Methodist News Service, 9 de marzo de 2005.
  11. 11,0 11,1 11,2 (es) Ángel Vallejo: Arde Mississippi (Mississippi burning, 1988), de Alan Parker - La trinchera y el puente, en Encadenados, 15 d'aviento de 2020.
  12. (en) Jerry Mitchell: Mississippi Burning - Who is Mr. X?, en BarryBradford.com, 2 de setiembre de 2014.
  13. (en) Alan Parker: A Conviction in Mississippi, en a web oficial d'Alan Parker.
  14. (en) Edgar Ray Killen, convicted of 1964 "Mississippi Burning" killings, dies at 92, en NBC News. Associated Press. 13 de chinero de 2018.
  15. 15,0 15,1 (en) Chris Gerolmo: Mississippi Burning, Reconsidered, en Huffington Post, 26 de febrero de 2014.
  16. 16,0 16,1 16,2 16,3 16,4 16,5 16,6 (en) Patrick Goldstein: Classic Feature: Mississippi Burning, en Empire, chunio de 1989.
  17. 17,00 17,01 17,02 17,03 17,04 17,05 17,06 17,07 17,08 17,09 17,10 17,11 17,12 17,13 17,14 17,15 17,16 17,17 17,18 17,19 17,20 17,21 17,22 17,23 17,24 17,25 17,26 17,27 17,28 17,29 17,30 17,31 17,32 17,33 (en) Alan Parker: Mississippi Burning - Alan Parker - Director, Writer, Producer - Official Website, en AlanParker.com.
  18. 18,00 18,01 18,02 18,03 18,04 18,05 18,06 18,07 18,08 18,09 18,10 18,11 (en) David F. Gonthier Jr. y Timothy L. O'Brien: 9. Mississippi Burning, 1988, en The Films of Alan Parker, 1976–2003, McFarland & Company, mayo de 2015. pp. 162–182. ISBN 978-0-7864-9725-6.
  19. 19,0 19,1 19,2 (en) Jeffrey Ressner: The Burning Truth, en Rolling Stone, vol. 539, 17 de noviembre de 1988, pp. 45–46.
  20. 20,0 20,1 20,2 (en) Index to Motion Picture Credits - Academy of Motion Picture Arts and Sciences, Academy of Motion Picture Arts and Sciences.
  21. (en) Ewan MacAskill: FBI used mafia capo to find bodies of Ku Klux Klan victims, en The Guardian, 31 d'octubre de 2017. Guardian News and Media Ltd..
  22. 22,0 22,1 (en) Clifford Terry: Brian Interview: Gene Hackman, en Film Comment, 9 de setiembre de 1990.
  23. (en) Clifford Terry: Brian Dennehy's Quest, en o Chicago Tribune, 9 de setiembre de 1990.
  24. (en) Harold Reynolds: Provocative Dafoe Prefers His Film Roles Served Hot, en Orlando Sentinel, 17 de chinero de 1989.
  25. (en) Willem Dafoe: Frances McDormand by Willem Dafoe, en BOMB Magazine.
  26. 26,0 26,1 26,2 26,3 (en) Sheriff sues film studio, claiming he was libeled, en Spokane Chronicle.
  27. (en) John Wooley: Tulsa's Gailard Sartain Takes on Serious Role In "Mississippi Burning", en Tulsa World, 13 de chinero de 1989.
  28. (en) John David Smith, Thomas H. Appleton y Charles Pierce Roland: 9. Hollywood and the Mythic Land Apart 1988–1990, en A Mythic Land Apart: Reassessing Southerners and Their History, Greenwood Publishing Group, chinero de 1997, pp. 179–180. ISBN 978-0-313-29304-7.
  29. (en) Mark Meszoros: Michael Rooker talks "Mississippi Burning," "Guardians of the Galaxy", en The Morning Journal, 3 de febrero de 2013.
  30. (en) Candace Russell: Actor Says "Mississippi" Bad-guy Role Was A Good Part, en Sun-Sentinel, 3 de febrero de 1989.
  31. (en) Kathy O' Malley y Hanke Gratteau: Bidding Wars ..., en o Chicago Tribune, 21 de febrero de 1988.
  32. (en) Richard Harrington: Tobin Bell: A Pivotal Piece of the "Saw" Puzzle, en The Washington Post, 26 d'octubre de 2007.
  33. (en) Steve Heisler: Tobin Bell · Random Roles, en The A.V. Club, 29 d'octubre de 2008.
  34. (en) Patrick Goldstein: A Time for Burning--Murder in Mississippi, en Los Angeles Times, 5 de chunio de 1988.
  35. (en) Sergio Benitez: Two Days with Trevor Jones at the Phone (First Day), en BSO Spirit.
  36. (en) Trevor Jones - Mississippi Burning (Original Soundtrack Recording) (Vinyl, LP, Album), en Discogs.
  37. 37,0 37,1 37,2 37,3 (en) Penny Pagano: Civil Rights Star in D.C. Film Opening, en Los Angeles Times, 5 d'aviento de 1988.
  38. (en) John M. Wilson: "Burning" Mad in Ole Miss, en Los Angeles Times, 11 d'aviento de 1988.
  39. (en) Tony Brown: Hollywood dirty little secret, en o Indianapolis Recorder, Indianapolis, 25 de febrero de 1989.
  40. (en) Mississippi Burning (1988), en Box Office Mojo.
  41. 41,0 41,1 41,2 41,3 41,4 (en) Mississippi Burning (1988) - Weekend Box Office Results, en Box Office Mojo.
  42. (en) Adam Nossiter: 8. Downfall of the Old Order and Reawakening of Memory, en Of Long Memory: Mississippi and the Murder of Medgar Evers, Da Capo Press, 16 de chunio de 2009, pp. 228–231. ISBN 978-0-306-81162-3.
  43. (en) 1988 Yearly Box Office Results, en Box Office Mojo.
  44. (en) 1988 Yearly Box Office for R Rated Movies, en Box Office Mojo.
  45. (en) Mary Stephens: Old Stars, New Kids In Summer Rock Tapes, en o Chicago Tribune, 21 de chulio de 1989.
  46. (en) Mississippi Burning: Collector's Edition ID3922OR, en LaserDisc Database.
  47. (en) Mississippi Burning (1988) - DVD, en Barnes & Noble.
  48. (en) Mississippi Burning Blu-ray, en Blu-ray.com.
  49. (en) Mississippi Burning Blu-ray en Blu-ray.com.
  50. (en) Mississippi Burning (1988) - Rotten Tomatoes, en Rotten Tomatoes.
  51. (en) Mississippi Burning en Metacritic.
  52. (en) Home - Cinemascore, en Cinemascore.
  53. (en) Jack E. White: Show Business: Just Another Mississippi Whitewash, en Time, 9 de chinero de 1989.
  54. (en) Desson Howe: Mississippi Burning (R), en The Washington Post, 9 d'aviento de 1988.
  55. (en) Mississippi Burning (R), en Chicago Reader.
  56. (en) Mississippi Burning (R), en The Washington Post'.
  57. (en) Pauline Kael: Kael Reviews.
  58. (en) Vincent Canby: Review/Film - Retracing Mississippi's Agony, 1964, en The New York Times, 9 d'aviento de 1988.
  59. (en) Roger Ebert: Mississippi Burning, Chicago Sun-Times, RogerEbert.com.
  60. (en) Gene Siskel y Roger Ebert: Siskel and Ebert and the Movies, 3 d'aviento de 1988.
  61. (en) Siskel and Ebert Top Ten Lists - Inner Mind, www.innermind.com.
  62. (en) Gene Siskel: Subtle Portrayals Imbue Heavy Drama "Burning", en Chicago Tribune, 9 d'aviento de 1988.
  63. (en) Redacción de Variety: Review: "Mississippi Burning", 31 d'aviento de 1988.
  64. (en) Sheila Benson: RCritic's Notebook: Some "Burning" Questions, en Los Angeles Times, 18 d'aviento de 1988.
  65. (es) José Luis Vázquez: Arde Mississippi, en Ciudad Real Digital.
  66. (es) Pedro Gallego: Qué ver de Alan Parker: un candente thriller policial que mete el dedo en la llaga sobre el racismo en el Sur de Estados Unidos, en Espinof, 28 d'agosto de 2022.
  67. (es) Arde Mississippi (Ciclo "Yo no soy racista pero..."), en a web d'a Universidat de Zaragoza.
  68. 68,0 68,1 (en) True Crime Story: Mississippi Burning (Crime Documentary) | Real Stories, en Youtube.
  69. (en) Robert Brent Toplin: Mississippi Burning: A Standard to Which We Couldn't. History by Hollywood: The Use and Abuse of the Hollywood Past, University of Illinois Press, 1996, pp. 26–27. ISBN 978-0-252-06536-1.
  70. (en) Bob Thomas: Picture Oscar Field Wide-Ranging, en The Schenectady Gazette, 23 de marzo de 1989.
  71. 71,0 71,1 (en) Brother of Slain Rights Worker Blasts Movie, Associated Press, 18 de chinero de 1989.
  72. 72,0 72,1 72,2 (en) Irv Leftovsky: Another Case of Murder in Mississippi: TV movie on the killing of three civil rights workers in 1964 tries to fill in what "Mississippi Burning" left out, en Los Angeles Times, 4 de febrero de 1990.
  73. 73,0 73,1 (en) Candace Russell: Julian Bond Disputes Portrayal Of FBI, en o Sun-Sentinel, 20 de chinero de 1989.
  74. (en) David Handelman: "Do the Right Thing": Insight to Riot, en Rolling Stone, 13 de chulio de 1989.
  75. (en) 1988 Archives – National Board of Review, National Board of Review.
  76. (en) Nina J. Easton: "Rain Man" Sends a Global Message, en Los Angeles Times, 30 de chinero de 1989.
  77. (en) Michael Cipely: Academy Showers "Rain Man" With 8 Oscar Bids: "Dangerous Liaisons" and "Mississippi Burning" Get 7 Each, en Los Angeles Times, 16 de febrero de 1989.
  78. 78,0 78,1 (en) Ganadors y nominaus d'os Premios Oscar 1989 en a pachina web de l'Academia d'as Artes y as Ciencias Cinematograficas de Hollywood.
  79. 79,0 79,1 (en) Premios BAFTA 1989 en a pachina web de l'Academia Britanica d'as Artes d'o Cine y d'a Televisión.
  80. (en) AFI's 100 Years ... 100 Cheers Nominees (PDF). American Film Institute.
  81. (en) Aleene MacMinn y Claudia Puig: Kudos, en Los Angeles Times, 20 de marzo de 1989.
  82. (en) The ASC Awards for Outstanding Acheivement in Cinematography - COMPLETE LISTING OF NOMINEES AND WINNERS FROM PAST AWARDS, en a web de l'American Society of Cinematographers.
  83. (en) Berlinale - PRIZES & HONOURS 1989.
  84. (en) 5ena edición d'os Premios Artios en a web d'a Casting Society of America.
  85. (en) Premios de l'Asociación de Criticos de Cine de Chicago 1988-1997 en a web d'a Chicago Film Critics Association.
  86. (it) Premios David de Donatello en a web de l'Accademia del Cinema Italiano.
  87. 87,0 87,1 (it) Mississippi Burning en a web de l'Accademia del Cinema Italiano.
  88. (en) Ganadors y nominaus d'a 41ena>/sup> edición d'os Premios Directors Guild of America.
  89. (en) Ganadors d'os Premios KCFCC 1980-89 en a web d'o Kansas City Film Critics Circle.
  90. (en) Ganadors y nominaus d'a 46ena edición d'os Premios Globos d'Oro en a web oficial d'os Premios.
  91. (en) Ganadors y nominaus d'a 60ena edición d'os Premios NBR en a web oficial d'os Premios.
  92. (en) Dave Kehr: "Unbearable Lightness" Named Best Film Of "88 By Critics Group", en o Chicago Tribune.
  93. (en) Jay Boyar: Critics Picks Are Oscar Indicators, en l'Orlando Sentinel, 25 de chinero de 1989.
  94. (en) Political Film Society - Previous Award Winners". Political Film Society. Political Film Society, en a web d'a Political Film Society.

Vinclos externos[editar | modificar o codigo]