Premios David de Donatello
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| |||
|---|---|---|---|
| Edición actual | 67ena edición (2022) | ||
| Nombre local | David di Donatello | ||
| Premio a | las millors contrebucions de l'anyo enta lo cine italiano | ||
| Concedito por | Accademia del Cinema Italiano | ||
| País |  Italia
| ||
| Pachina web | http://www.daviddidonatello.it/ | ||
| Historia | |||
| Primera edición | 1a edición 1956 | ||
| |||
Os Premios David de Donatello (en italiano y oficialment, Premios David di Donatello) son un conchunto de premios cinematograficos conceditos cada anyada por l'Accademia del Cinema Italiano a diferents categorias y ye considerato l'equivalent italiano d'os Premios Oscar[1]. A suya primera edición estió en l'anyo 1956 y dende alabez se conceden cada anyada, sin garra interrupción.
En Italia o David de Donatello ye a o cine lo mesmo que o Premio Regia Televisiva t'a televisión y o Premio UBU ta lo teatro.
Historia[editar | modificar o codigo]
A historia d'o David di Donatello prencipió en a primera metat d'os anyos 50 con l'establimiento de l' Open Gate Club de Roma. En o prencipio o simbolo esleito estió una puerta ubierta por a ideya de que con o remate d'a Segunda Guerra Mundial prencipiaba un nuevo tiempo culturalment brilant[2].
En iste periodo cinematograficament brilant, apareixe en l'anyo 1953 o club romano creya o Comitato per l'Arte e la Cultura (Comité por l'Arte y a Cultura) y un anyada dimpués, en 1954, o Circolo Internazionale del Cinema (Cerclo Internacional d'o Cine) que en 1955 ye clamato Club Internazionale del Cinema (Club Internacional d'o Cine). Baixo a direución d'Italo Gemini (1900-1983) ye creyato o premio David di Donatello con l'obchectivo de premiar a os millors prochectos cinematograficos italianos y foranos, seguntes o criterio d'a Academy of Motion Picture Arts and Sciences estausunidense.
A primera edición d'os premios, en l'anyo 1956, estió celebrata en o Cine Fiamma de Roma. Dende a segunda edición os premios se celebroron en o teatro greco-roman de Taormina con bellas excepcions: as edicions de 1971, celebrata en as Tiermas de Caracalla de Roma; de 1978, en a Piazzale Michelangelo de Florencia; y de 1979, en o Teatro Costanzi de Roma. En l'anyo 1981 a ceremonia se celebró en dos seus diferents y en dos momentos: en o Teatro Costanzi de Roma y en o Palazzo Vecchio de Florencia. Dende 1982 os premios s'entregan en a ciudat de Roma[3].
En l'anyada 2006 con a celebración d'os 50 anyos dende a primera edición d'os premios, se creyó un premio especial clamato David del CInquantenario y os ganadors estieron ueito personalidatz importants d'o cine italiano: o sastre Piero Tosi, o director de fotografía Giuseppe Rotunno, o musico Ennio Morricone, o productor Dino De Laurentiis, o director de cine Francesco Rosi, o guionista Suso Cecchi D'Amico, o escenografo Mario Garbuglia y t'a l'actriz Gina Lollobrigida, primera ganadora d'o David de Donatello a la Millor Actriz.
O 25 de noviembre de 2009, Gian Luigi Rondi estió nombrato president vitalicio.
Categorías[editar | modificar o codigo]
Categorías vichents[editar | modificar o codigo]
Categorías desapareixidas[editar | modificar o codigo]
Edicions[editar | modificar o codigo]
Anyos 1950[editar | modificar o codigo]
| Edición | Calendata | Millor Cinta | Millor Actor | Millor Actriz | Millor Director | Lugar d'a ceremonia | Notas |
|---|---|---|---|---|---|---|---|
| 1a edición | 5 de chulio de 1956 | No concediu | Vittorio De Sica | Gina Lollobrigida | Gianni Franciolini | Cine Fiamma, Roma | |
| 2a edición | 3 d'agosto de 1957 | No concediu | No concediu | No concediu | Federico Fellini | Teatro de Taormina, Taormina (Sicilia) | |
| 3a edición | 29 de chulio de 1958 | No concediu | No concediu | Anna Magnani | No concediu | Teatro de Taormina, Taormina (Sicilia) | |
| 4ena edición | 26 de chulio de 1959 | No concediu | No concediu | Anna Magnani | Alberto Lattuada | Teatro de Taormina, Taormina (Sicilia) |
Anyos 1960[editar | modificar o codigo]
Anyos 1970[editar | modificar o codigo]
Anyos 1980[editar | modificar o codigo]
Anyos 1990[editar | modificar o codigo]
Anyos 2000[editar | modificar o codigo]
Anyos 2010[editar | modificar o codigo]
Anyos 2020[editar | modificar o codigo]
| Edición | Calendata | Millor Cinta | Millor Actor | Millor Actriz | Millor Director | Lugar d'a ceremonia | Notas |
|---|---|---|---|---|---|---|---|
| 65ena edición | 8 de mayo de 2020 | Il traditore | Pierfrancesco Favino | Jasmine Trinca | Marco Bellocchio | Estudio 2 d'o Centro de producción de televisión Raffaella Carrà, Roma (Lazio) | Presentada por Carlo Conti |
| 66ena edición | 11 de mayo de 2021 | Volevo nascondermi | Elio Germano | Sophia Loren | Giorgio Diritti | Estudio 5 d'o Estudio de televisión Fabrizio Frizzi, Roma (Lazio) Teatro de l'Opera de Roma, Roma (Lazio) |
Presentada por Carlo Conti |
| 67ena edición | 3 de mayo de 2022 | È stata la mano di Dio | Silvio Orlando | Swamy Rotolo | Paolo Sorrentino | Cinecittà, Roma (Lazio) | Presentada por Carlo Conti y Drusilla Foer |
Record[editar | modificar o codigo]
Cintas con mas premios[editar | modificar o codigo]
Actualizato dica l'edición de l'anyo 2015.
Actors con mas premios[editar | modificar o codigo]
Actualizato dica l'edición de l'anyo 2015.
| Numero de premios | Ganador |
|---|---|
| 7 | Alberto Sordi (totz como millor actor protagonista) Vittorio Gassman (totz como millor actor protagonista) Margherita Buy (5 como millor actriz protagonista y 2 como millor actriz no protagonista) |
| 6 | Sophia Loren (totz como millor actriz protagonista) |
| 5 | Marcello Mastroianni (totz como millor actor protagonista) Monica Vitti (totz como millor actriz protagonista) |
| 4 | Marina Confalone (3 como millor actriz no protagonista y uno como millor actriz protagonista) Giancarlo Giannini (totz como millor actor protagonista) Nino Manfredi (totz como millor actor protagonista) Mariangela Melato (totz como millor actriz protagonista) Toni Servillo (totz como millor actor protagonista) |
Curiosidatz[editar | modificar o codigo]
- Carlo Verdone, Massimo Troisi, Roberto Benigni, Nanni Moretti, Kim Rossi Stuart y Sergio Castellitto son os unicos con nominación en o mesmo anyo a os premios David de Donatello a o millor actor protagonista y David de Donatello a o millor actor no protagonista.
- La ragazza del lago ye a unica cinta ganadora d'o David de Donatello a la millor cinta y David de Donatello a o millor director, en l'anyo 2008.
- Massimo Troisi y Luigi Lo Cascio ganoron os suyos premios David de Donatello a o millor actor protagonista en as suyas primeras interpretacions cinematograficas (respectivament por Ricomincio da tre y I cento passi).
- Roberto Benigni y Nanni Moretti son os unicos actors-directors en ganar os premios Millor cinta-Millor director por cintas dirichitas e interpretatas por ells mesmos (respectivamente por La vita è bella y por Il caimano).
- Alberto Sordi, Carlo Verdone (2 veces), Massimo Troisi, Roberto Benigni y Sergio Castellitto son os unicos en ganar o premio David de Donatello por o millor actor protagonista por cintas dirichitas por ells mesmos (respectivament por Fumo di Londra, Borotalco; Maledetto il giorno che t'ho incontrato, Ricomincio da tre, La vita è bella e Non ti muovere).
- Florinda Bolkan, Angela Molina, Elena Safonova, Bruno Ganz, Penélope Cruz, Michel Piccoli y Zhao Tao son os unicos actors no italianos en ganar o premio David de Donatello a o millor actor protagonista/David de Donatello a la millor actriz protagonista.
- En l'anyo 2000 a cinta Pane e tulipani de Silvio Soldini gano os 4 premios con candidatas suyas (en orden Bruno Ganz, Licia Maglietta, Giuseppe Battiston y Marina Massironi). Tamién en l'anyo 2014, en a cinta Il capitale umano de Paolo Virzì con 3 premios de 4 candidaturas (Fabrizio Bentivoglio, Valeria Bruni Tedeschi, Fabrizio Gifuni y Valeria Golino).
- En l'anyo 2003, Massimo Girotti ganó o David de Donatello por o millor actor protagonista por a cinta La finestra di fronte de Ferzan Özpetek.
Referencias[editar | modificar o codigo]
Se veiga tamién[editar | modificar o codigo]
Vinclos externos[editar | modificar o codigo]
Se veigan as imachens de Commons sobre os Premios David de Donatello.- (it) (en) Pachina web oficial
