Platoon

Platoon
Títol	Platoon
Póster d'a cinta, obra de Bill Gold.
Ficha tecnica
Dirección	Oliver Stone
Dirección artistica	Rodell Cruz Sherman Williams
Producción	Arnold Kopelson
Disenyo de producción	Bruno Rubeo
Guión orichinal	Oliver Stone
Musica	Georges Delerue
Soniu	John K. Wilkinson Richard Rogers Charles Grenzbach Simon Kaye
Fotografía	Robert Richardson
Montache	Claire Simpson
Maquillache	Cecille Baun Derek Howard Gordon J. Smith Gionilda Stolee
Casting	Pat Golden Warren McLean Bob Morones
Actors	Charlie Sheen Tom Berenger Willem Dafoe Keith David Forest Whitaker Francesco Quinn Kevin Dillon John C. McGinley Reggie Johnson Mark Moses Corey Glover Johnny Depp Chris Pedersen Bob Orwig Corkey Ford David Neidorf Richard Edson Tony Todd Dale Dye
Datos y cifras
País(es)	Estaus Unius
Anyo	1986
Debantadera	19 d'aviento de 1988 Estaus Unius
Chenero(s)	Cine belico
Durada	120 min.
Idioma(s)	Anglés Vietnamita
Companyías
Productora(s)	Hemdale Film Corporation
Distribución	Orion Pictures
Estudio(s)	6 millons de dólars
Presupuesto	138 millons de dólars
Informacions en bases de datos especializadas:

Platoon (títol orichinal en anglés, en aragonés Pilotón, enguerada en Aragón con o suyo títol orichinal) ye una cinta de cine belico de cine estausunidense de l'anyo 1986 dirichida por Oliver Stone seguntes un guión orichinal d'él mesmo, con una banda sonora orichinal de Georges Delerue, una dirección de fotografía de Robert Richardson y una producción cinematografica d'Arnold Kopelson ta la productora cinematografica Hemdale Film Corporation. Conta con un elenco d'o cual en fan parte Charlie Sheen, Tom Berenger, Willem Dafoe, Keith David, Forest Whitaker, Francesco Quinn, Kevin Dillon, John C. McGinley, Reggie Johnson, Mark Moses, Corey Glover, Johnny Depp, Chris Pedersen, Bob Orwig, Corkey Ford, David Neidorf, Richard Edson, Tony Todd y Dale Dye, entre d'atros [[actor]s.

Platoon fa parte d'una trilochía de cintas sobre la guerra de Vietnam dirichidas por Oliver Stone, que continó con Born on the Fourth of July (1989) y Heaven & Earth (1993) y ta la escritura d'o guión cinematografico aproveitó las suyas propias experiencias, en haber combatiu en ixa guerra como soldau en una unidat d'infantería (ista estió la primer cinta estausunidense ambientada en a guerra de Vietnam que estió dirichida por un ex combatient d'ixa guerra).

A cinta conta la historia de Chris Taylor, qui plega en Vietnam en 1967 como voluntario, estando adscrito a la 25^ena División d'Infantería. Lo chefe nominal d'o pilotón a lo cual l'han incorporau ye lo tenient Wolfe, pero en realidat en estar o tenient inexperto en a guerra los autenticos chefes d'o pilotón son dos sarchentos, Barnes y Elias, estando iste zaguero d'un comportamiento muito mas humano que lo primero. En a suya primera patrulla en a chungla, Taylor recibe una ferida y un atro d'os miembros d'o pilotón muere. Bien luego Taylor prencipia a simpatizar muito mas con Elias y con o suyo cerclo de sgeuidors, fumadors habituals de marihuana, a la vegada que se mantiene distant de Barnes. Cuan en una segunda patrulla mueren atros tres miembro d'o pelotón, Barnes dentra en una aldeya amanada de malas maneras, fendo un brutal interrogatorio a lo chefe de l'aldeya ta dimpués matar a su muller cuan iste li recrimina y menazar a su filla con un arma en a cabeza. Cuan plega Elias impide que contine la violencia de Barnes pero toz dos luitan entre éls, a la vegada que Taylor impide que dos amigos de Barnes violen en un atro puesto de l'aldeya a una nina. En tornar en a base comunican a lo capitán Harris os feitos y iste diz que se fará una investigación, a la vegada que Elias diz que ye bien disposau a testificar en chudicio contra Barnes. En ixa tensa situación con un pelotón dividiu entre partidarios de cada sarchento y atros miembros que se mantienen neutrals, se ninvía a lo pilotón a ua tercera patrulla, a on esclatará la tensión acumulada cuan Barnes dispra contra Elias y lo dixa abandonau ta que lo maten.

Platoon s'ambienta en l'anyo 1967 en Vietnam mientres a guerra de Vietnam, y las suyas escenas se filmoron en Manila y bels atros lugars en as Filipinas.

Se tracta d'una cinta que ha recibiu cuantismos premios y nominacions, entre los cuals se pueden mencionar cuatre Premios Oscar (Millor Cinta, Millor Director, Millor Montache y Millor Soniu) y cuatre nominacions (dos a lo Millor Actor Segundario, Millor Guión Orichinal y Millor Fotografía) en a suya 59^ena edición, dos Premios BAFTA (Millor Montache y Millor Director) y una nominación (Millor Fotografía) en a suya 41^ena edición, u tres Premios Globos d'Oro (Millor Director, Millor Cinta Dramatica y Millor Actor Segundario) y una nominación (Millor Guión) en a suya 44^{ena edición}.

Elenco

Actor	Papel	Notas
[[]]	'

Se veiga tamién

• Cine en 1986.
• Cintas de 1986.