Productor cinematografico
Un productor cinematografico u simplament productor ye, en o mundo d'o Cine, qui financia u coordina la financiación antes d'a filmación d'una cinta, telefilm u episodio de serie de televisión y/u qui, demientres a suya filmación, fa lo control d'os gastos feitos t'achustar-los a o presupuesto que teneba la cinta en prencipiar o rodache. Tamién fa bellas labors d'aduya a lo director cinematografico, como la contractación d'os actors esleyius por o casting, y gosa estar l'interlocutor entre los actors y lo director si amanixen problemas mientres o rodache, tenendo-ie asinas tamién un papel artistico y no nomás que financiero.
Inicialment o productor gosaba estar qui financiaba dreitament a cinta, pero dende que facioron a suya aparición as grans empresas ditas productoras, son mas que mas treballadors en as productoras, estando lo suyo treballo la coordinación d'a producción d'a cinta.
Se veiga tamién
[editar | modificar o codigo]Vinclos externos
[editar | modificar o codigo]
Se veigan as imáchens de Commons sobre los productors cinematograficos.
Datos: Q3282637- Multimedia: Film producers / Q3282637