Actor
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Un actor (u actriz en femenín) ye un artista qui interpreta a un presonache en una cinta, un telefilm, una serie de televisión, una telenovela, una obra de teatro, un serial radiofonico en a radio u un espectaclo en a carrera. Seguntes as necesidaz d'o papel que interpreta, amás puet cantar u bailar.
Un actor que mira de fer redir en as suyas actuacions u que fa comedia ye un comediant u humorista.
O concepto d'actor ha teniu una important variación dende que amanixió o cine. D'antis mas, en o mundo d'o teatro, os actor yeran mas que mas itinerants, fendo as suyas representacions en grupos u companyías (a sobén con una sola obra teatral u poca cosa mas en o suyo repertorio) por un breu espacio de tiempo en escenarios. Muit poquez actors plegaban en una situación que lis permetese de treballar en teatros estables en as grans ciudaz. Sindembargo, en o sieglo XX o cine cambeó ista situación, de manera que l'actor esdevenió un gran presonache mediatico, estando a suya fegura muit conoixita mesmo arredol de tot o mundo a traviés d'os medios de comunicación de masas.
Se veiga tamién[editar | modificar o codigo]
- Cine.
- Cinta.
- Espectaclo.
- Obra de teatro.
- Papel.
- Personache.
- Escenario.
- Serial radiofonico.
- Serie de televisión.
- Teatro.
- Telefilm.
- Telenovela.
Vinclos externos[editar | modificar o codigo]
Se veigan as imachens de Commons sobre os actors.- Se veigan as imachens de Commons sobre as actrices.
