Tractor

De Biquipedia
Un tractor Ebro

Un tractor (de l'anglés tractor, y iste d'o latín tractus, participio pasivo de trahĕre ‘rastrar’, y -or), que a-sobén se pronuncia "trautor"[1][2][3] en aragonés de Semontano de Balbastro y de Sobrarbe y como "tractó"[4] en aragonés ribagorzano, ye un vehíclo especial autopropulsau que se fa servir pa rastrar u empentar remolques, embarcacions, ainas u atra maquinaria u cargas pesadas. Bi ha tractors destinaus a diferents fainas, como l'agricultura, a construcción, a nautica, o movimiento de tierras u os mantenimientos d'espacios verdes profesionals (tractors compactos). Se caracterizan mas que mas por a suya buena capacidat d'adherencia a o terreno.

O suyo uso ha feito posible disminuyir prou a mano d'obra emplegada en o treballo agricola, asinas como a mecanización de fainas de carga y de tracción que tradicionalment se feban con o esfuerzo d'animals como somers, bueis u mulas.

Referencias[editar | modificar o codigo]

  1. CASTILLO SEAS, Fabián. Bocabulario de l'aragonés d'Alquezra y lugars d'a Redolada. Publicazions d'o Consello d'a Fabla aragonesa, 2001. ISBN 84-86036-94-1.
  2. CORONAS CABRERO, Mariano, Vocabulario aragonés de Labuerda-A Buerda (Sobrarbe); Prensas Universitarias de Zaragoza + Xordica Editorial. Zaragoza, 2007. ISBN 978-84-96457-23-2
  3. TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
  4. ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2

Se veiga tamién[editar | modificar o codigo]

Commons
Se veigan as imáchens de Commons sobre os tractors.