Marte (planeta)

De Biquipedia
Ir a la navegación Ir a la búsqueda
Articlo d'os 1000
Marte Simbolo astronomico de Marte
Marte
Caracteristicas orbitals
Radio meyo: 227.936.640 km
Excentricidat: 0,09341233
Periodo orbital
(sideral):
686,98 días
Periodo orbital
(sinodico):
779,95 días
Inclinación: 1,85061°
Velocidat orbital meya: 24,1309 km/s
Satelites: 2
Caracteristicas fisicas
Diametro equatorial: 6.794,4 km
Superficie: 144.798.500 km²
Masa: 6.4185×10²³ kg
Densidat meya: 3,94 g/cm³
Gravedat superficial: 3,71 m/s²
Velocidat d'escape: 5,02 km/s
Periodo de rotación: 24,6229 horas
Inclinación axial: 25,19°
Albedo: 0,15
Temperatura superficial:
 • Minima: 133K
 • Maxima: 293K
 • Meyana: 210K
Caracteristicas atmosfericas
Presión: 0,7-0,9 kPa
Dioxido de carbonio 95,32%
Nitrocheno 2,7%
Argón 1,6%
Oxichén 0,13%
Monoxido de carbonio 0,07%
Vapor d'augua 0,03%
Neón Cantidatz chicotas
Criptón Cantidatz chicotas
Xenón Cantidatz chicotas
Ozón Cantidatz chicotas
Metano Cantidatz chicotas
Iste articlo ye sobre a planeta, ta atros usos d'iste termin se veiga Marte.

Marte (en aragonés medieval, Mars), tamién conoixita como a Planeta Roya, ye a quatrena planeta d'o Sistema Solar.[1] Fa parte d'o grupo de planetas teluricas, de naturaleza rocosa, como a Tierra, y ye a primera d'as planetas exteriors a la orbita terrestre. Ye, talment, a planeta mas pareixita a la Tierra.

Tycho Brahe midió con muita precisión o movimiento de Marte en o cielo. Os datos respectives a o movimiento retrograu aparent (lazos) premitioron a Kepler de trobar a naturaleza eliptica d'a suya orbita y determinar as leis d'o movimiento planetario conoixitas como leis de Kepler.

Fa parte d'o grupo de planetas superiors o exteriors, asinas clamatas porque nunca no pasan entre o Sol y a Tierra, ni se veyen ni en o crexient ni en mingua. A suyas fases son poco sinyalatas, feito que ye fácil de contrimostrar cheometricament. Considerando o trianglo Sol-Tierra-Marte (STM), l'anglo de fase lo forman o Sol y a Tierra vistos dende Marte. Plega en a suya valura maxima en as quadraturas quan o trianglo STM ye rectanglo en a Tierra. Ta Marte, iste anglo de fase no ye nunca mayor que 42º, y o suyo aspecto de disco cheposo se pareix a o que presienta a Luna 3.5 diyas antes u dimpués d'o plenilunio. Ista fase, que puede estar vista con un telescopio d'aficionato, no la podío veyer Galileo, qui nomás suposó a suya existencia.

Clima[editar | editar código]

As estacions de Marte son similars a la Tierra a causa d'o semellant inclinación d'eixe en as planetas. Sindembargo los periodos d'as estacions en Marte son aproximadament dos vegadas aquells d'a Tierra perque d'a mayor distancia enta o Sol. As temperaturas marcianas en a suya superficie vareyan dende os -143 °C en l'hibierno en os polos dica 35 °C en o suyo estiu equatorial. Marte tiene las tronadas de polvo mas grans en tot o Sistema Solar, aconseguindo velocidatz de dencima de 160 km/h. Istes pueden variar dende una tronada sobre una aria chicota, enta tronadas chigants que portiada la planeta entera.

Lunas[editar | editar código]

Marte tien dos chicotas lunas u satelites naturals. Estioron descubiertos en 1877 per Asaph Hall y son clamatos Phobos (aproximadament 22 km en diametro) y Deimos (aproximadament 12 km en diametro), os quals orbitan prou cercanos a la planeta. Creye que son asteroides capturaus.

Phobos
Deimos

Exploración[editar | editar código]

Dende 1962 Marte ha estau visitau per numbrosas naus espacials. Marte tiene fama d'estar un obchectivo dificil d'exploración espacial; nomás 25 d'as 55 misions dica 2019, u lo 45.5%, han estau completament exitosas, con atras tres parcialment exitosas y parcialment fallidas. Manimenos, d'as deciséis misions dende 2001, dotze d'ellas han teniu exito y ueito d'ellas encara son operativas.

Anyada Sonda espacial País Notas
1962 Mars 1 URSS
1964 Mariner 4 Estatos Unitos Primer sobrevuelo con exito.
1969 Mariner 6 Estatos Unitos Sobrevuelo.
1971 Mars 2 URSS Primera nau en orbita de Marte.
1971 Mars 3 URSS Primera aterrizada con exito en Marte. Se perdió lo contacto dimpués de 14 segundos.
1975 Viking 1 Estatos Unitos
1975 Viking 2 Estatos Unitos
1988 Phobos 1 URSS
1988 Phobos 2 URSS
1996 Mars Global Surveyor Estatos Unitos Orbitó siet anyadas.
1996 Mars Pathfinder Estatos Unitos
2001 Mars Odyssey Estatos Unitos
2003 Mars Express ESA
2003 Spirit Estatos Unitos
2003 Opportunity Estatos Unitos
2011 Curiosity Estatos Unitos
2013 Mars Orbiter Mission India
2013 MAVEN Estatos Unitos
2016 ExoMars Trace Gas Orbiter ESA
2018 InSight Estatos Unitos


En 2019, bi ha siet sondas espacials estudeando Marte: Mars Odyssey, Mars Express, Mars Reconnaissance Orbiter, Curiosity, MAVEN, Mars Orbiter Mission y ExoMars Trace Gas Orbiter.

Puestos d'intrés[editar | editar código]

Planas[editar | editar código]

  • Vastitas Borealis.
  • Terra Sirenum.

Montanyas[editar | editar código]

  • Elysium Monts, con 13 km d'altaria.
  • Olympus Monts,con 22 km d'altaria ye a montanya mas alta de tot o sistema solar.
  • Pavonis Monts, con 18 km d'altaria.

Vals[editar | editar código]

  • Valles Marineris, con 4.000 km de longaria y 7 km de fondaria.

Craters[editar | editar código]

  • Hellas Planitia.

Marte en a cultura[editar | editar código]

Os viaches u os vesitans de planetas foranos ye un tema recurrent en a filmografía, literatura y videochuegos de sciencia ficción, a mas a mas, Marte ye o planeta d'a on esdevien a parola marciano, o nombre común ta os vesitants d'atras planetas. Bi ha bells cintas con iste planeta como tema central y os suyos suposatos habitants.

Vinclos externos[editar | editar código]

Referencias[editar | editar código]

  1. (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.376


O Sistema
Solar
Solar System XXVII.png
Planetas · Nanas Sol · Mercurio · Venus · Tierra · Marte · Ceres · Chupiter · Saturno · Urano · Neptuno · Plutón · Eris