Steven Spielberg

Steven Spielberg
Steven Spielberg en 2017.
Información personal
Calendata de naixencia	18 d'aviento de 1946
Puesto de naixencia	Cincinnati (Ohio, Estaus Unius)
Ocupación	Director cinematografico, productor y guionista
Conchuche	Amy Irving (1985-1989) Kate Capshaw (1991- )
Fillos	6
Pachina web	http://amblin.com/steven-spielberg/
Sinyal

Steven Allan Spielberg, naixiu de Cincinnati (Ohio, Estaus Unius) o 18 d'aviento de 1946, ye un director cinematografico, productor y guionista estausunidense, activo en o cine estausunidense dende primerías d'os anyos 1960; ye uno d'os directors de cine mas reconoixius y populars d'a historia d'o cine y autor d'importants exitos cinematograficos dende los anyos 1970 dica hue y con cuantos premios recibius mientres a suya carrera cinematografica, entre los que cal destacar dos Premios Oscar a lMillor Director, uno a la Millor Cinta y atras catorce nominacions ta iste premio.

A suya luenga carrera artistica puet dividir-se en d'os partes: en a primera yera mas centrau en cintas de cine de ciencia-ficción y aventuras que son arquetipos de cine d'entretenedera y una segunda parte en que ye mas centrau en dar un mensache humanista ta la sociedat con tematicas como l'Holocausto, o comercio d'esclaus, os dreitos civils y politicos, a guerra y lo terrorismo.

D'entre la suya filmografía, se puet destacar bellas cintas como Jaws (1975, con Roy Scheider, Richard Dreyfuss, Robert Shaw y Lorraine Gary), Close Encounters of the Third Kind (1977, con Richard Dreyfuss, François Truffaut, Melinda Dillon y Terri Garr), E.T. the Extra-Terrestrial (1982, con Henry Thomas, Dee Wallace, Robert MacNaughton, Drew Barrymore y Peter Coyote), Poltergeist (1982, con Craig T. Nelson, JoBeth Williams, Beatrice Straight, Dominique Dunne y Oliver Robins), Indiana Jones and the Temple of Doom (1984, con Harrison Ford, Kate Capshaw, Jonathan Ke Quan y Amrish Puri), Back to the Future (1985, de Robert Zemeckis, con Michael J. Fox, Christopher Lloyd, Lea Thompson y Crispin Glover), The Color Purple (1985, con Whoopi Goldberg, Oprah Winfrey y Danny Glover), Empire of the Sun (1987, con Christian Bale, John Malkovich, Miranda Richardson y Nigel Havers), Hook (1991, con Dustin Hoffman, Robin Williams, Julia Roberts y Bob Hoskins), Jurassic Park (1993, con Sam Neill, Laura Dern, Jeff Goldblum, Richard Attenborough y Joseph Mazzello), Schindler's List (1993, con Liam Neeson, Ben Kingsley, Ralph Fiennes y Caroline Goodall), Saving Private Ryan (1998, con Tom Hanks, Edward Burns, Matt Damon y Tom Sizemore), u Indiana Jones and the Kingdom of the Crystal Skull (2008, con Harrison Ford, Shia LaBeouf, Cate Blanchett, Karen Allen, Ray Winstone, John Hurt y Jim Broadbent).

Tamién fayena como productor cinematografico con empresas d'a suya propiedat. Con Amblin Entertainment cal destacar a producción de Poltergeist, Transformers, The Flintstones, Casper, Men in Black, Deep Impact, Jurassic Park, Back to the Future y The Mask of Zorro y con estudios DreamWorks SKG, que tamién ye distribuidora de cintas, American Beauty, Gladiator, Cast Away, Memoirs of a Geisha, as de animación por ordenador Shrek, Kung Fu Panda, Madagascar entre d'atras y os videochuegos Medal of Honor y Boom Blox.

Amás d'os suyos treballos en a industria cinematografica ye un reconoixiu filantropo mas que mas ta organizacions relacionadas con a Segunda Guerra Mundial y prencipalment ta Righteous Persons Foundation que destina diners ta prochectos chudieus y organizacions ta recordar l'Holocausto.

Estrela de Steven Spielberg en o Paseyo d'a Fama de Hollywood.

Steven Spielberg y Chandran Rutnam en Sri Lanka mientres o rodache d'a cinta Indiana Jones and the Temple of Doom

Premios

Premios Oscar

Anyo	Categoría	Cinta	Resultau
2018	Premio Oscar a la Millor Cinta	The Post	Nominada.
2016	Premio Oscar a la Millor Cinta	Bridge of Spies	Nominada.
2013	Premio Oscar a la Millor Cinta	Lincoln	Nominada.
	Premio Oscar a o Millor Director	Lincoln	Nominada.
2012	Premio Oscar a la Millor Cinta	War Horse	Nominada.
2007	Premio Oscar a la Millor Cinta	Letters from Iwo Jima	Nominada.
2005	Premio Oscar a la Millor Cinta	Munich	Nominada.
	Premio Oscar a o Millor Director	Munich	Nominada.
1998	Premio Oscar a la Millor Cinta	Saving Private Ryan)	Nominada.
	Premio Oscar a o Millor Director	Saving Private Ryan	Ganador.
1993	Premio Oscar a la Millor Cinta	Schindler's List	Ganador.
	Premio Oscar a o Millor Director	Schindler's List	Ganador.
1985	Premio Oscar a la Millor Cinta	The Color Purple	Nominatda.
1982	Premio Oscar a la Millor Cinta	E.T. the Extra-Terrestrial	Nominada.
	Premio Oscar a o Millor Director	E.T. the Extra-Terrestrial	Nominada.
1981	Premio Oscar a o Millor Director	Raiders of the Lost Ark	Nominada.
1977	Premio Oscar a o Millor Director	Close Encounters of the Third Kind	Nominada.

Premios BAFTA

Anyo	Categoría	Cinta	Resultau
2015	Millor cinta	Bridge of Spies	Nominata
	Millor director	Bridge of Spies	Nominata
2012	Millor director	Lincoln	Nominata
2011	Millor cinta animata	The Adventures of Tintin	Nominata
1998	Millor cinta	Saving Private Ryan (En salvando a o soldato Ryan)	Nominata
	Millor director	Saving Private Ryan (En salvando a o soldato Ryan)	Nominata
1994	Millor cinta	Schindler's List (A lista de Schindler)	Ganadora
	Millor director	Schindler's List (A lista de Schindler)	Ganadora
1986	BAFTA honorifico		Ganador
1983	Millor cinta	E.T. the Extra-Terrestrial	Nominata
	Millor director	E.T. the Extra-Terrestrial	Nominata
1977	Millor director	Close Encounters of the Third Kind	Nominata
	Millor guión orichinal	Close Encounters of the Third Kind	Nominata
1975	Millor director	Jaws	Nominata

Bibliografía

• (en) Jackson, Kathi (2007). Steven Spielberg: A Biography. Westport, CT: Greenwood Press. ISBN 9780313337963.
• (en) Hook, Sue Vander (2010). Steven Spielberg: Groundbreaking Director. Edina, MN: Abdo Publishing Company. ISBN 9781604537048.
• (en) Mara, Wil (2014). Great Filmmakers Steven Spielberg. New York, NY: Cavendish Square Publishing. ISBN 9781627129367.
• (en) McBride, Joseph (1997). Steven Spielberg: A Biography. New York, NY: Simon & Schuster. ISBN 9780684811673.
• (en) Freer, Ian (2001). The Complete Spielberg. London: Virgin Publishing. ISBN 9780753505564.
• (en) Parish, James Robert (2004). Steven Spielberg Filmmaker. New York: Ferguson. ISBN 9780816054817.
• (en) Horn, Geoffrey M. (2002). Steven Spielberg. Milwaukee: World Almanac Library. ISBN 9780836850802.
• (en) Edge, Laura Bufano (2008). Steven Spielberg: Director of blockbuster films. Berkeley Heights, NJ: Enslow Publishers. ISBN 9780766028883.
• (en) Baxter, John (1996). Steven Spielberg: The Unauthorised Biography. London: Harper Collins. ISBN 9780002555876.
• (en) Mairata, James (2018). Steven Spielberg's Style by Stealth. Cham, Switzerland: Springer International Publishing. ISBN 9783319690810.
• (en) Buckland, Warren (2006). Directed by Steven Spielberg: Poetics of the Contemporary Hollywood Blockbuster. New York: Continuum. ISBN 9780826416919.

Se veiga tamién

• Cintas dirichidas por Steven Spielberg.
• Cintas producidas por Steven Spielberg.

Vinclos externos

• Se veigan as imáchens de Commons sobre Steven Spielberg.
• (en) Steven Spielberg en Internet Movie Database.
• (en) Pachina web de Steven Spielberg.

• Datos: Q8877
• Multimedia: Steven Spielberg / Q8877