Sistema Solar

O Sistema Solar y os planetas.

O Sistema Solar ye formau por un conchunto d'astros en orbita arredol d'o Sol, ligaus entre éls por a fuerza d'a gravedat, que se creyó a partir d'o colapso d'una gran boira molecular, fa bels 4,6 billons d'anyos, alto u baixo. Seguntes as zagueras estimacions, o Sistema Solar se troba a bels 28.000 anyos luz d'o centro d'a Carrera de Sant Chaime.

Obchectos d'o sistema solar

O Sistema Solar en a galaxia Carrera de Sant Chaime.

O Sol y os planetas (en anglés).

Ye formau por una sola estrela dita Sol, que da nombre a iste Sistema; amás de ueito planetas que orbitan arredol d'a dita estrela: Mercurio, Venus, a Tierra, Marte, Chupiter, Saturno, Urano y Neptuno; amás d'un conchunto d'atros cuerpos menors: planetas nanas (Plutón, Eris, Makemake, Haumea, Sedna y Ceres), asteroides, lunas, cometas... asinas como lo espacio interplanetario entre toz éls.

Formación

O sistema solar se formó fa 4.568 millons d'anyos por o colapso gravitatorio d'una parti d'una boira molecular chigant. Ista boira primichenia teneba cuantos anyos luz de diametro y probablement dio a luz a cuantas estrelas. Como que ye normal en as boiras moleculars, consistiba prencipalment d'hidrocheno, bella mica de helio y chicotas cantidaz d'elementos pesaus surtius de previas cheneracions estelars. A medida que a rechión, conoixida como boira protosolar, se convertiba en o sistema solar, colapsaba y la conservación d'o momento angular fació que rotase mas aprisa. O centro, a on s'acumuló la mayor parti d'a masa, se tornó cada vegada mas calient que lo disco circumdant. A medida que la boira en contracción rotaba mas aprisa, prencipió a aplanar-se en un disco protoplanetario con un diametro d'arredol de 200 UA​ y una densa y calient protoestrela en o suyo centro.​ As planetas se formoron por acreción a partir d'iste disco​ en o cual o gas y o polvo atrayius gravitatoriament entre éls s'unen pa formar cuerpos cada vegada mas grans. En iste escenario, cientos de protoplanetas podrían haber surtiu en o temprano sistema solar que acaboron fusionando-se u estioron destruius deixando as planetas, as planetas nanas y a resta de cuerpos menors.

Atros sistemas solars

Se conoixen tamién atros 2.970 sistemas planetarios (a 1 de febrero de 2019) orbitando arredol d'atras estrelas. En 653 de éls, se conoixen dos u mas exoplanetas.

Vinclos externos

• Se veigan as imáchens de Commons sobre Sistema Solar.
• (en) Información d'o Sistema Solar.

• Datos: Q544
• Multimedia: Solar System / Q544