Presión atmosferica

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Presión meya a livel d'a mar promeyo de 15 anyadas pa chunio, chulio y agosto (alto) y aviento, chinero y febrero (abaixo).

A presión atmosferica ye la presión que exerce l'atmosfera terrestre sobre a Tierra a causa d'o peso de l'aire sobre la superficie de contacto con él. A presión atmosferica afecta a totas as superficies que son en contacto con l'aire, independientment d'a suya posición. Os sers humans no notamos a presión atmosferica porque la nuestra presión interna ye cuasi igual que l'exterior.

As zonas situadas a l'altura d'o livel d'a mar tienen mas presión atmosferica que las que son mas elevadas. Contra mas alto d'o livel d'a mar nos situamos, menor ye la presión atmosferica, ya que i hai menos reziura d'aire dencima. Isto tamién fa que l'aire sía mas denso a lo livel d'a mar que en a tuca d'una montanya. Asinas, per eixemplo, en a tuca d'o Mont Everest a presión atmosferica ye mas baixa (aproximadament d'uns 300 mm de mercurio) que en cualsequier punto d'as plachas mediterranias (d'uns 760 mm de mercurio).

A presión mide la fuerza per unidat d'aria, con unidaz SI de pascals (1 pascal = 1 newton per metro cuadrato, 1 N / m2). En promeyo, una columna d'aire con un aria de sección transversal d'1 centimetro cuadrato (cm2), medida dende lo livel meyo (promeyo) d'a mar dica la parte superior de l'atmosfera terrestre, tien una masa d'aproximadament 1,03 kilogramos y exerce una fuerza u "peso "d'aproximadament 10,1 newtons, lo que da como resultau una presión de 10,1 N / cm2 u 101 kN / m2 (u 101 kilopascales, kPa).