Aceleración

De Biquipedia
Ir ta: navego, busca
Articlo d'os 1000
O grafico amostra a variación d'a velocidat, v, a o largo d'o tiempo, t, d'un móbil que no cambeya de dirección. En cada punto d'o grafico v(t) o modulo de l'aceleración viene dato por a pendient d'a tanchent a la curva que pasa por cada punto: a(1), a(2) a(3)
v = velocidat
t = tiempo
s = desplazamiento
a = aceleración.

L'aceleración ye una magnitut fisica que indica como cambeya a velocidat d'un cuerpo en relación con o tiempo. Ye decir, indica a rapideza de l'aumento u a disminución d'a velocidat d'o movimiento.

En cinematica l'aceleración instantania se define con a primera derivata d'a velocidat respecto a o tiempo (a razón d'o cambeyo de velocidat) u de manera equivalent como a segunda derivata d'a posición. Se tracta d'una magnitud vectorial y se mide en unidatz de largaria · tiempo−2 (L·T−2 o L/T2). En unidatz d'o SI, s'esprisa en metro/segundo2.

En luengache común se parla d'aceleración ta referir-se a un incremento d'a velocidat y de desaceleración ta indicar-ne un decremento. Pero en fisica qualsiquier incremento u decremento d'a velocidat se diz aceleración; y tamién se diz aceleración a o cambeyo en a dirección d'a velocidat (aceleración centripeta).

En mecanica clasica, l'aceleración d'un punto material ye proporcional a la resultant d'a fuerza que actua sobre ell. Seguntes a segunda lei de Newton, en considerar a masa d'o cuerpo independient d'a velocidat:

\overset{\to }{\mathop{F}}\,=\frac{d\left( m\cdot \overset{\to }{\mathop{v}}\, \right)}{dt}\Rightarrow \overset{\to }{\mathop{a}}\,=\frac{d\overset{\to }{\mathop{v}}\,}{dt}=\frac{\overset{\to }{\mathop{F}}\,}{m}

a on que \overset{\to }{\mathop{F}}\, ye a resultant u fuerza total que actua sobre o punto; m ye a suya masa y \overset{\to }{\mathop{a}}\, ye a suya aceleración.


Vinclos externos[editar | editar código]