Mercurio (planeta)
Mercurio 
| ||
|---|---|---|
| ||
| Radio meyo: | 57.910.000 km | |
| Distancia ta o Sol: |
0,387 UA | |
| Excentricidat: | 0,20563069 | |
| Periodo orbital (sideral): |
59d 23,3h [1] | |
| Periodo orbital (sinodico): |
115,88 días | |
| Inclinación: | 7,004° | |
| Velocidat orbital meya: | 47,8725 Km/s | |
| Satelites: | 0 | |
| Diametro equatorial: | 4.879,4 km | |
| Superficie: | 7,5 × 107 km² | |
| Masa: | 3,30223 kg | |
| Densidat meya: | 5,43 g/cm³ | |
| Gravedat superficial: | 2,78 m/s² | |
| Velocidat d'escape: | 4,25 km/s | |
| Periodo de rotación: | 58d 15,5088h | |
| Inclinación axial: | 0° | |
| Albedo: | 0,10-0,12 | |
| Temperatura superficial: | ||
| • Minima: | 90 K | |
| • Maxima: | 700 K | |
| • Meyana: | 440 K | |
| Potasio | 31,7% | |
| Sodio | 24,9% | |
| Oxichén atomico | 9,5% | |
| Argón | 7,0% | |
| Oxicheno molecular | 5,6% | |
| Nitrochén | 5,2% | |
| Dioxido de carbonio | 3,6% | |
| Augua | 3,4% | |
| Hidrochén | 3,2% | |
- Iste articlo ye sobre a planeta, ta atros usos d'iste termin se veiga Mercurio.
Mercurio ye a planeta mas amanada a o Sol y a mas chicota d'o Sistema Solar.[2] Ye d'o tipo telurico como a Tierra, y debe o suyo nombre a o dios román Mercurio. No poseye garra satelite natural. A suya magnitut aparent varía entre -0,4 y 5,5. Mercurio ye una planeta de dificil observar, pus ye amán d'o Sol y por un regular no se puet alufrar fueras de quan sale u se pone.
Mercurio chira d'una traza unica en o Sistema Solar. Ye blocau por mareas con o Sol en una resonancia d'orbita de chiro de 3: 2,[3] lo que significa que, en relación con as estrelas fixas, chira sobre o suyo eixe mesmament tres vegadas por cada dos revolucions que da arredol d'o Sol. Visto dende o Sol, en un marco de referencia que chira con o movimiento orbital, pareix chirar nomás una vegada cada dos anyos mercurians. Por lo tanto, un observador en Mercurio veyería nomás un día cada dos anyos mercurians.
L'eixe de Mercurio tien l'inclinación mas chicota de qualsiquiera d'as planetas d'o Sistema Solar (arredol de 1/30 grau). A suya excentricidat orbital ye la mas gran de totas as planetas conoixius en o Sistema Solar; en o perihelio, a distancia de Mercurio a lo Sol ye solo arredol de dos tercios (u 66 %) d'a suya distancia en l'afelio. A superficie de Mercurio pareix tener muitos craters y a suya apariencia ye semellant a la d'a Luna, lo que indica que ha estau cheolochicament inactiva mientres mils de millons d'anyadas. Quasi sin atmosfera pa retener a calor, tien temperaturas superficials que vareyan mientres o día mas que en qualsiquier atra planeta d'o Sistema Solar, que van dende 100 K (-173 ° C) por a nueit a 700 K (427 ° C) mientres o día en as rechions equatorials.[4] As rechions polars son constantment por debaixo de 180 K (-93 ° C). A planeta no tien satelites naturals conoixius.
Dos naus espacials han visitau Mercurio: o Mariner 10 pasó volando en 1974 y 1975; y MESSENGER, lanzada en 2004, orbitó Mercurio mas de 4.000 vegadas en quatro anyos antis d'agotar o suya combustible y estampar-se contra a superficie d'a planeta o 30 d'abril de 2015. Ye previsto que a nau espacial BepiColombo plegue a Mercurio en 2025.
Caracteristicas fisicas[editar | modificar o codigo]
Masa e dimensions[editar | modificar o codigo]
Mercurio ye un d'as quatro planetas terrestres d'o Sistema Solar y ye un cuerpo rocoso como la Tierra. Ye la planeta mas chicota d'o Sistema Solar, con un radio equatorial de 2.439,7 kilometros.[5] Mercurio tamién ye mas chicot, encara que mas masivo, que os satelites naturals mas grans d'o Sistema Solar, Ganímedes y Titán. Mercurio se compone d'aproximadament un 70% de material metalico y un 30% de silicato.[6]
Mercurio en l'Antiguidat[editar | modificar o codigo]
Mercurio se conoix dende que os hombres s'interesoron per o ciel nocturno; A primera civilización que en deixó documentos escritos ye a civilización sumeria (tercer milenio a.C) que lo clamó «Ubu-idim-gud-ud». Manimenos, regular que se conoixeba dende muito antis. Os sumerios heban sinyalato un punto luminoso que se desplazaba amán de l'horizont y que yera o de mas fácil veyer a l'amaneixer y en o escureixito (chusto antis de salir y chusto dimpués de poner-se o Sol).
Vida en Mercurio[editar | modificar o codigo]
I hai bases scientificas, basadas en estudios de marzo de 2020, pa considerar que partis d'a planeta Mercurio pueden haber estau habitables, y talment formas de vida, encara que probablement microorganismos primitivos, pueden haber existiu en a planeta.[7]
Exploración[editar | modificar o codigo]
Mariner 10[editar | modificar o codigo]
A sonda Mariner 10 (1974-1975) estió la primera nau en estudiar en profundidat a planeta Mercurio. Heba visitau tamién Venus, utilizando l'asistencia de trayeutoria gravitacional de Venus ta accelerar enta la planeta.
Realizó tres sobrevuelos a Mercurio; l'en primeras a una distancia de 703 km d'a planeta, o segundo a 48.069 km, y lo tercero a 327 km. Mariner 10 prenió en total diez mil imachens de gran parte d'a superficie d'a planeta. A misión finalizó lo 24 de marzo de 1975 quan se quedó sin combustible y no podeba mantener control d'orientación.
Messenger[editar | modificar o codigo]
A sonda Messenger (u de l'anglés "MErcury Surface, Space ENvironment, GEochemistry and Ranging") estió una sonda lanzada en agosto de 2004 pa meter-se en orbita arredol de Mercurio en marzo de 2011. S'asperaba que ista nau aumentase considerablement lo conoixencia scientifico sobre ista planeta. Pa ixo, a nau heba d'orbitar Mercurio y fer tres sobrevuelos –os días 14 de chinero de 2008, 6 d'octubre de 2008, y 29 de setiembre de 2009–. A misión yera previsto que durase una anyada. O 18 de marzo de 2011 se produció con exito la inserción orbital d'a sonda. Finalment a fin d'ista exitosa misión se produció lo 30 d'abril de 2015, quan a sonda aventó-se sobre la superficie d'a planeta producindo-se un impauto controlau.
BepiColombo[editar | modificar o codigo]
BepiColombo ye una misión conchunta de l'Achencia Espacial Europea (ESA) y de l'Achencia Chaponesa d'Exploración Espacial (JAXA), que pende en dos orbitadors (clamaus MPO (Mercury Planetary Orbiter) y MMO (Mercury Magnetospheric Orbiter)) que realizarán una completa exploración de Mercurio. L'en primeras d'os orbitadors será l'encargau de fotografiar y analisar a planeta y lo segundo investigará la magnetosfera. O suyo lanzamiento estió en 20 otubre de 2018 y a suya plegada a la planeta ye prevista en abiento de 2025, y lo final d'a misión pa un anyo mas tarde, con una posible extensión d'un anyo mas.
Referencias[editar | modificar o codigo]
- ↑ (en) "Mercurio" en a pachina web d'a NASA
- ↑ (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.391
- ↑ (en) Elkins-Tanton, Linda T. (2006). Uranus, Neptune, Pluto, and the Outer Solar System. Infobase Publishing. p. 51. ISBN 978-1-4381-0729-5.
- ↑ (en) Prockter, Louise (2005). Ice in the Solar System. 26. Johns Hopkins APL Technical Digest.
- ↑ (en) Mercury Fact Sheet en a pachina web d'a NASA
- ↑ (en) Strom, Robert G.; Sprague, Ann L. (2003). Exploring Mercury: the iron planet. Springer. ISBN 978-1-85233-731-5.
- ↑ (en) Rodriguez, J. Alexis P.; Leonard, Gregory J.; Kargel, Jeffrey S.; Domingue, Deborah; Berman, Daniel C.; Banks, Maria; Zarroca, Mario; Linares, Rogelio; Marchi, Simone; Baker, Victor R.; Webster, Kevin D.; Sykes, Mark (March 16, 2020). "The Chaotic Terrains of Mercury Reveal a History of Planetary Volatile Retention and Loss in the Innermost Solar System". Scientific Reports. 10 (4737): 4737.
Solar |
|
|---|---|
| Planetas · Nanas | Sol · Mercurio · Venus · Tierra · Marte · Ceres · Chupiter · Saturno · Urano · Neptuno · Plutón · Eris |