Albedo

De Biquipedia
Ir ta: navego, busca

Albedo u coeficient de reflexión ye a relación entre a enerchía solar que reflecta una superficie y la enerchía solar que bi incide. Ye un concepto comparable a la reflectividat, pero d'una aplicación més especifica, que fan servir d'una traza notable en astronomía y planetolochía, asinas como tamién en cheolochía, climatolochía y sciencias d'a tierra en cheneral.

O termin albedo deriva etimolochicament d'o latín albēdo, que significa "blancura" y ha estato introdueito en o sieglo XVIII en optica y en astronomía por o matematico y astronomo suizo Johann Heinrich Lambert. Por definición, l'albedo ye una valor compresa entre 0 y 1 : un cuerpo negro perfecto, que absorbería totas as ondas electromagneticas sin reflectar-ne denguna tendría un albedo nulo, mientres que un espiello perfecto, que reflectaría totas as ondas electromagneticas sin absorber-ne denguna, tendría un albedo igual a 1.

En os encomienzos d'as glaciacions l'albedo influye acelerando o proceso en forma de realimentación positiva: as superficies cubiertas de chelo u nieu son muito claras por a color blanca y muito reflectoras, por o que absorben menos enerchía solar y en deixan escapar més que atras superficies, fendo que baixen as temperaturas, o que fará que aumente a superficie cubierta por chelo u nieu quan torne a nevar.