Velocidat orbital

De Biquipedia
Ir a la navegación Ir a la búsqueda

A velocidat orbital ye la velocidat que ha de tener una planeta, satelite (natural u artificial) u semellant pa que la suya orbita sía estable.

Per eixemplo, a velocidat orbital d'os satelites cheoestacionarios que orbitan a Tierra ye de bells 10 900 kilometros per hora.

Si l'obchecto en orbita circular incrementase la suya velocidat, pasaría a una orbita eliptica, con una velocidat que sería determinada en cada puesto per as leis de Kepler sobre lo movimiento planetario. Si se movese encara mas rapedo, podría aconseguir a velocidat d'escape y describiría una orbita parabolica; per alto de dita velocidat, a suya trachectoria u orbita sería hiperbolica.

Fueras d'en o caso d'a orbita circular, a velocidat orbital no ye constant, sino que vareya a lo largo d'a suya orbita, estando tanto menor quanto mas aluenyau ye lo cuerpo que orbita d'o astro que le atraye. En o caso d'o movimiento d'as planetas en o Sistema Solar cal destacar tres valors significativas:

  • Velocidat orbital minima ye la que corresponde a l'afelio.
  • Velocidat orbital maxima ye la que corresponde a lo perihelio.
  • Velocidat orbital meya drento d'o recorriu completo d'a orbita.

As velocidatz orbitals s'expresan en km/s u en km/h. Gosa emplegar-se la valor de velocidat orbital meya. Asinas, per eixemplo, a planeta Tierra tien una velocidat orbital meya de 29,78 km/s.