Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O concello de Magallón ha teniu cuatro seus a lo largo d'a suya historia:
1- A primera casa d'a villa se trobaba en a "plaza d'o Castiello" que yera en o cobalto de La Molilla, en o nuclio de l'antigo Magallón. Yera un edificio mudéchar de grans dimensions.[1]
2- En o sieglo XVI se tresladó a lo recientment construyiu edificio sito en a carrera d'a Villa, n° 1.
Casa d'a villa en Magallón (Aragón) - seu entre lo sieglo XVI y 1986.Escudo en a frontera d'a segunda casa d'a villa.
3- En 1986 se tresladó a l'antigo Convento d'os Dominicos en a carrera Convento Dominicos.
Casa d'a villa en Magallón (Aragón) - seu entre 1986 y 2010.
4- En 2010 se tresladó a la suya actual seu en a Plaza Espanya (u plaza d'o Mercau) n°21 en un edificio d'o sieglo XVI que perteneixió a la Companyia de Relichiosas de María.
Os alcaldes de Magallón teneban a denominación tradicional aragonesa de "Chusticia" (u tamién "Chusticia d'a villa" u "churato en cap") mientres que los concellers yeran denominaus "churaus". Con os Decretos de Nueva Planta y la castellanización d'as institucions aragonesa lo chusticia pasa a denominar-se regidor degán u alcalde mientres que los churaus son denominaus regidores u concejales.
(es) Manuel Gracia Rivas:Diccionario Biográfico de personas relacionadas con los 24 municipios del antiguo Partido Judicial de Borja. Tomo II, Centro de Estudios Borjanos, ISBN 84-933153-6-2
Datos: Q97484790