Idioma galo

Iste articlo ye sobre a luenga gala celta, pa informar-se sobre o idioma romanico no francés que se charra en l'este d'a peninsula de Bretanya, se veiga galó.

Galo
Atras denominacions:	{{{altrasdenominazions}}}
Parlato en:	Galia
Territorios:	Europa
Parladors:	Muerta
Clasificación:	{{{clasificazión}}}
Filiación:	Indoeuropea  Celta   Continental    Galo
Codigos
ISO 639-1	-
ISO 639-2	-
ISO 639-3	{{{iso3}}}
SIL	-
Estensión d'o Galo

O galo ye una luenga celta huei amortata que se charraba en a Galia antis d'a plegata d'os romans. Feba parti d'as luengas celticas continentals chunto a lo celtibero, o lepontico y o galata.

Seguntes bell investigador, o dialecto veneto d'o suruest de Bretanya ye en realidat a continación d'o galo que se charraba encara en o sieglo V, un poco contaminato por elementos bretons traitos por os refuchiatos de l'ueste d'a Isla de Bretanya.

A romanización de Galia estió un proceso lento y bi habió un periodo de coexistencia entre a luenga celtica gala que retaculaba y un latín galico plen de celtismos, que por a centralidat y importancia d'este territorio podeban esdevenir chenerals en o territorio román.

Son parolas galas que se cheneralizoron en latín ALAUDA, AREPENNIS, CAMISIA, CAPANNA, CEREVISIA, CARPENTUM, CARPENTARIUS, CARRUS, SALMO y LEUKA, que se pueden trobar en luengas romances bien luent de l'antiga Galia. De feito, en aragonés en perdura beluna: aloda, camisa, cabanya/capana, cerveza, carro y salmón. En francés a primera lista ha perdurau como alouette, arpent, chemise, charpente, charpentier, char, saumon y lieue. A parola cabane present en francés ye en realidat un occitanismo.

Bibliografía

• (es) Jean Markale: Los celtas y la civilización celta. Taurus humanidades, 1992.
• (es) Rafael Lapesa: Historia de las lengua española. Editorial Gredos. (1981).
• (fr) Jean-Louis Tritter: Histoire de la langue Française. Editor: Paris, Ellipses - 1999.

Se veiga tamién

• Celtismos en francés.
• Celtismos en aragonés.