Hombre cerrudo

De Biquipedia
Ir a la navegación Ir a la búsqueda
A Penya Montanyesa ye a montanya aon vive l'Hombre cerrudo.

L'hombre cerrudo[1] ye un personache de mito a o que s'alude en a Fueva y en a valle de Cinca en Sobrarbe pa fer miedo a os ninos y espantar-los pa que no marchen leixos de lugar ni se'n vaigan ta la selva. Ye un chigant u una creyatura metat hombre y metat animal, que vive en a selva u en as esplugas de Penya Montanyesa u de Sierra Ferrera, y se lieva a os ninos que se troba solos.

Podría estar una forma local d'o mito de Chuan Ralla, d'o qual s'habría perdiu o nombre, pos concuerda con ixe en a descripción y os costumbres. Tamién podría estar basau en o mito pan-europeu de Chuan de l'Onso.

Referencias[editar | editar código]

  1. (es) BLAS GABARDA, Fernando y ROMANOS HERNANDO, Fernando, El Aragonés de Baixo Peñas; Institución «Fernando el Católico» + Gara d'Edizions. Zaragoza, 2005. ISBN 84-8094-054-9

Se veiga tamién[editar | editar código]