Crabero

De Biquipedia
Ir a la navegación Ir a la búsqueda
Iste articlo tracta sobre o crabero como denominación chenerica ta bellas especies d'aus rapinyaderas nocturnas. Ta la presona que va pastor de crabas, se veiga Pastor.
Un crabero d'a especie Asio flammeus, posau en una Barana.

Crabero u crapero ye una denominación popular ta qualques especies d'aus rapinyaderas nocturnas d'a orden Strigiformes, caracterizadas, de regular, por a suya mida chicorrona (inferior a babiecas y bubons) y a suya coloración criptica, marrón u parda con piquetas. Se tracta d'un termino chenerico, no especifico ta garra especie concreta, pero que conoix muito emplego en as parlas rurals de gran parte d'Aragón.

A mayoría d'especies que se gosan decir craberos son aus tuladeras, que profieren tulidos agudos de nueitz que las fan presonaches habituals en o imachinario popular. Os tulidos d'os craberos son diversos, y dependen d'a especie concreta que ells faiga, pero son en totz os casos un cante bien reconoixible que se puede sentir en os arredols de zonas selvosas que ye las que, como quasi todas as Strigiformes, millor s'estiman ta habitar.

En a cultura popular de l'Alto Aragón, os craberos son presonaches que con o suyo tular introducen bella cosa de misterio u d'aire tetrico en as falordias de contar-se, motivo per lo que se's gosa mentar. En a canción As Devinetas, d'o grupo sobrarbenco La Ronda de Boltaña, se fa una alusión a iste animal en a introducción, con obchectivo tamién de dar-le un aire fusco a l'inicio d'a canción:

En as faixas d'o castiello
quan o crabero tulaba
A luna en os tuyos uellos
Yo no quiero ya más nada

Bellas especies[editar | editar código]

Se veiga tamién[editar | editar código]