Basaharau
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Basaharau, Bonharau u Bosnerau ye como se le diz en as vals d'Ansó, Tena y Broto a o "Sinyor d'as selvas", personache d'a mitolochía altoaragonesa.[1]
Basaharau ye un bigardo de pelo largo que le tapa toda a esquena y que aduya y proteche a pastors y rabanyos d'as tronadas y as fieras d'as selvas. Si os rabanyos lo sienten, lo saludan fendo sonar as suyas esquillas.
Cuan dondia por as selvas deixa unas pisatas estranias. En una d'ellas se puede reconoixer un piet humán, pero l'atra ye redoldiata como a tronca d'un arbol. Diz a falordia, que como os diaples, o Basaharau quedó coixo dimpués de perder a guerra en o Cielo y cayer enta a tierra.
En as vals vecinas d'o pireneu navarro y Euskal Herria a iste personache se le diz Basajaun (que en euskara significa literalmente Sinyor d'os Bosques).
Referencias
[editar | modificar o codigo]- ↑ (es) José Miguel Navarro López Diccionario de signos, símbolos y personajes míticos y legendarios del Pirineo aragonés, Prames, 2018, ISBN 978-84-8321-889-1, p.65
| Control d'autoridaz |
|
|---|
Datos: Q2571442