Euskal Herria

Iste articlo tracta sobre os territorios d'Euskal Herria. Ta atros emplegos se veiga País Vasco (desambigación).

País Vasco Euskal Herria
País d'Europa
Bandera Escudo
Euskal Herria en Europa
Capital	Pamplona (historica)
Ciudat mas poblata	Bilbau, Pamplona, Vitoria, Sant Sabastián, Barakaldo
Idioma oficial  • Luenga propia	Vasco, francés y castellán Vasco
Entidat  • Estato	País Francia Espanya
Superficie  • Total	20.947 km² km²
Población  • Total	3.007.661 hab. (2006)
Chentilicio	Vasco/a (en vasco euskalherritar)

Euskal Herria (en vasco "país de luenga vasca") u o País Vasco comprén os siet territorios que corresponden alto u baixo a l'aria lingüistica vasca en tiempos historicos. A bandera identificativa d'o pueblo vasco ye a ikurriña. Actualment, istos territorios son dividitos entre os estatos espanyol, y francés, y tienen rans d'autonomía muit diferents. Hue, no bi ha denguna entidat administrativa reconoixita que replegue a totalidat d'o País Vasco. Iste ye o territorio que muitos independentistas vascos reclaman ta formar un estato propio.

O País Vasco ocupa una superficie de 20.664 km²; en a parti más occidental d'os Pireneus, en o Golfo de Vizcaya. Tien o suyo propio idioma, o vasco (minoritario frent a lo francés y o castellán), y una población d'unos tres milions d'habitants, unos dos milions y meyo d'os qualos tienen a ciudadanía espanyola, y a resta la francesa. Euskal Herria sería formata por siet territorios u provincias (en vasco herrialde, plural herrialdeak): Alava, Vizcaya, Guipuzcua, Navarra, Baixa Navarra, Lapurdi, y Sola.

Mapa d'as provincias d'Euskal Herria (en catalán).

A luenga vasca encara i ye fablata habitualment en bellas rechions, sobretot Guipuzcua y partis de Navarra. En atras, o vasco ha estato sustituyito por o castellán u francés. Hue en día, o vasco tien categoría de luenga oficial en a Comunidat Autonoma Vasca y en partis d'a Comunidat Foral de Navarra, pero no tien dengún reconoiximiento oficial en as rechions baixo administración francesa.